إلحقوا عندي بشارة لكم وخطوات وتفصيل سليم للتحويل إلى الإنتظام تعالوا بنات وشباب

[إحساس ناجح]

السلام عليكم ورحمة الله وبركاته صباح الخير والفل والياسمين لكل عضو وعضوة في المنتدى عندي لكم أخبار تفرح طبعا رحت العمادة وقلت ماراح اطلع إلين أفرح الشباب والبنات في المنتدى

المهم جلست أربع ساعات في العمادة وأنا حاليا في مكتبة الجامعة في صالة المعلومات بالنسبة للتحويل زي ماقلت الأوراق المطلوبة :- 1/ شهادة الثانوية الأصل وصورة منها واللي ضاعت وماعنده يروح المدرسة يعطونه في نفس اليوم 2 / صورة من الهوية 3/ صورتين شخصية مقاس 6*4 4/تعبئة إستمارة الطلب وهذه تأخذها من العمادة إذا إسمك من المقبولين والبيانات اللي لازم تكملها في الإستمارة هي : أ/ بيانات السجل المدني من تاريخ ميلاد وإصداها ومكانها ......إلخ ب/ بيانات الثانوية من نوع الدراسة (علمي-أدبي) والمدرسة ومجموع الدرجات .....إلخ ج/درجات التحصيلي والقدرات ورقم إشتراك كل إختبار والدرجة الموزونة د/ التوقيع على التعهد بصحة بياناتك

* طبعا الأخوات اللي يقولوا ماعندهم قدرات وتحصيلي * أقلهم إفرحوا أنا سألت الموظف وقال مو مهمة والكشف الطبي مو مهم والمعدل مو مهم أهم شيء فقرة (أ-ب-د) ( ج مو مهمة)

بعد ماتعبيء بياناتك وتسلم أوراقك قال لي الموظف إستنى حتى تشوف إنك إنتظام في صفحتك في الأوديس وبعدها تراجع العمادة علشان تأخذ بطاقتك الجديدة للإنتظام وتروح للكلية اللي تخصصت فيها وتسوي جدول هناك من قسم الشؤون التعليمية لأنك ماتقدر تسويها من الأوديس

الأخوان والأخوات اللي أعطوني أسمائهم أمس ماحصلتهم في الكشف اليوم خصوصا البنات مانزل الكشف تبعهم والشباب يتابعو الموقع اليوم وبكرة

أخيرا إذا أردت أن تحلق مع الصقور فلا تضيع وقتك مع الدجاج أخوكم حمودي هههههههه من حقي أدلع نفسي بالتوفيق