{ تغير قولتي × أبله × وصرنا نقول × يادكتور ×}

[سكاكر]

مراااااااااااااااااااحب ..

كيفكم ياحلووووووين .. قصيده اعجبتني فنقلتها لكم ....


وحشتني شوفة..[أصحابي وربعي].. والغلا مستور~

أخبي ..[عبرتي].. لامـن ذكـرت بيـوم جمعتنـا~

تغير قولتي "أبله" وصرنا نقول يـا"دكتـور"~

نقول القاعة يا دنيـا زمـان نقـول حصتنـا~

جلست بداخل القاعة ذكـرت أيامنـا بالـدور~

وضحك'ن' كـان يحوينـا ولاتكفـي شطانتنـا~

نزعل بعض أحيان ولكن مـا نعـرف نجـور~

ونرجع من بعـد زعلـه ترجعنـا صداقتنـا~

نحاتي بعضنا دايم ويعجبنـا رجـل مشهـور~

سوالفنا عن الكوره عن الحـب وعلاقتنـا~

وهذا اليوم قد صارت سنين راحت معاها شهور~

وأفكر كيـف هالدنيـا خـذت منـا وناستنـا~

أنا ما بين ناس أغراب وسط قاعة مع دكتور~

أحاول اخنق العبره وأنا أذكـر كـل حكايتنـا~

سمعت أغنية جابت من أقصاها بقايا شعور~

يغنيها علـي محمـد وهـي عيـال حارتنـا~

رجا فيها ألا يا دنيا ألا ليـت الزمـان يـدور~

ويرجع وقتنـا الأول وننعـم فـي بساطتنـا~

وأنا رديت في بيت'ن' من الخافـق ولامكسـور~

أضحي بالعمر كلـه لجـل ساعـة بشلتنـا~

وأبـيـع الـنـاس والعـالـم وراه قـبـور~

وكلن راح يمشي له طريق يقـول::عيشتنـا~

أنا مابي سوى لحظه وعلى الفرقا أنا مجبور~

نضيق اليوم من يقدر يبـدل وضـع ضيقتنـا~

ظلام'ن' دامس موحش أنادي فالخفا يا نـور~

أبي ربع ليامن طحت عرفت شلون قيمتنـا~

بساطه في فرح دايم غلا صادق وله وسـرور~

نخطـط كيـف بالكذبـه نضيعهـا دراستنـا~

تخرجنا نعـم أدري وكل'ن' داخلـه مقهـور~

فرح لكن مع الفرحه دمـوع تضـم حفلتنـا~

بكينا والبكا فينـا ولا لحظـه أبـد مهجـور~

دموع حرفها صادق وتعرف كيف وحشتنـا~

تعرفنا على نـاس جديـدة والغـلا مستـور~

ولا أحد يوصل لحب جمعنـا وسـط شلتنـا~



سكــــــــــاكر ^_^