[مميز] بنك أسئلة الأحياء الثاني (مترجم ومتقح بالكامل) < حصري

[فهودي w595]

السلام عليكم ورحمة الله وبركاته بعد طول عناء والبحث عن قواميس لترجمة الكلمات العلميه الخاصه بالماده وطلب مساعدة اساتذة الماده ولم يجدي ذلك نفعا لكن الاسبوع اللي طاف جاء في بالي شي كنا كلنا ناسينه وهي سلايدات الماده اللي يشرحوا منها الاساتذه مترجمه ومنقحه ليش مانستخدمها للترجمه وفعلا قدرت عن طريقها اترجم كل كلمه واجهتني واستغرقني من الوقت الشي الكثير على ماخلصت عشان اشاركها معاكم بأذن الله الترجمه صحيحه ومنقحه ولكن اعذورني ان حصل خطأ في الترجمه اتمنى انكم تستفيدو منها ملاحظه : احب اشكر كل من اجتهد في ترجمة الاحياء سابقا لكن احب انوه على شي اولا : لقيت بعض الاسئله تترجمت بشكل خطأ وذلك بسبب ترجمة قوقل التي تعتبر عاميه ولا نقدر نعتمد عليها في ترجمة كتب علميه اعتماد كلي ثانيا : الترجمه وبالذات البارت الاول كانت تفتقر لبقية الخيارات وهذا بحد عينه خطأ لانه لازم نراجع حتى الخيارات المغلوطه ونفهم ليه هي غلط على سبيل المثال << ركزوا لمن يقول لنا في سؤال اي الخيارات التاليه حول الثديات هو باطل؟ هذا معناته انه خيار واحد غلط لكن الباقي صح حول الثديات يعني لازم نفهمها ونحفظها لانه ممكن اللي يسوي الاسئله يزيد كلمه في الخيار الباطل وتصير مغلوطه وينقص كلمه من احد الخيارات الثانيه وتصير باطله وهذا الشي نبهنا عليه الدكتور لمن شاف الترجمه اللي نزلت في المكتبات من قبل تروبيكانا وانا متأكد انها ماانتهبت لهذه المعلومه لذلك نشكرها على مجهودها الفعال ونعذرها على هالشي معلومه اي اسئلة اختبار لازم يكون موزع ليحدد مستويات الطلاب جزء جميع الطلاب يحلوه وجزء يحله الطلاب المتوسطين والشطار والجزء الاخير مايحله الا الشطار وانا واحد من اللي وقعوا في هذا الشرك جبت 29 من 30 بسبب سؤال حرفوا كلمه وحده في الخيار الصح وصار غلط وانا شكيت فيها لكن صاحبي الله يسامحه وقتها كان وراي وقال لي متاكد انها كذا من التست بانك ونقصنا فيها << غشااش تنبيه : الجزء الثالث من الاسئله وبالامانه هي تابعه للاخت تروبيكانا وباقي مادققت فيها الا اني رتبتها وحذفت منها جزء التغذيه اللي مو معانا في الدوري الثاني جميع الحقوق في هذا الجزء محفوظه لها لذلك جرى التنويه << حسيت اني صاحب شركه وحقوق هع I wish to sticky the subject to benefit to all كمان رح انزلها في مكتبة الشقري يوم السبت بإذن الله تحياتي ((ادعولي بالتوفيق)) :: فهودي ::