اللي فاهم في موضوع التخصصات يتفضل xD

[feRaS_101]

سلام عليكم ..

انا الترم دا عندي مادة وحدة بس واللي هيا الاحصاء < شايلها من السنة اللي فاتت DN

المهم قبل كم يوم جلست افكر في موضوع اني راح اتخصص الترم الثاني واكتشفت انه كله تخصصات الادارة ما تناسبني , وسمعت اول انا انه يمديني انزل مادتين من المسار العلمي واتخصص تخصص علمي ( هندسة,علوم,تصاميم,الخ...)

لو في يسير انزل مادتين الترم الجاي واتخصص السنة الجاية معاكم

فـ مين يعرف اذا دا الشي موجود أكــيد ؟

واللي عنده اخبار عن الخط السريع مع المطر يقلنا كيف عشان وراية اختبار الساعة 4 xD

GOOD LUCK TO ALL OF YOU

[lujain.alsagh]

يفتح التحويل بنص الترم من كليه الى كليه وكل كليه تطلب معدل معين ومواد لاازم تكون اخدها والشهاده المطلوبه شهادة الثانويه ..

لو تعرف طالب متخصص خليه يصورلك الشروط والجدول الي نازل بالاوديس ..

وشوف المواد الي مطلوبه بالكليه الي تبغاها ونزلها الترم الجاي وبداية السنه ان شاء الله حول .. ماتقدر تحول للكليات الصحيه ..

ترى المواد المطلوبه مواد العلمي الي هيا فيزيا رياضيات وكيميا ووووووو ..

بالتوفيق ..

[feRaS_101]

المشاركة الأصلية كتبت بواسطة lujain.alsagh يفتح التحويل بنص الترم من كليه الى كليه وكل كليه تطلب معدل معين ومواد لاازم تكون اخدها والشهاده المطلوبه شهادة الثانويه .. لو تعرف طالب متخصص خليه يصورلك الشروط والجدول الي نازل بالاوديس .. وشوف المواد الي مطلوبه بالكليه الي تبغاها ونزلها الترم الجاي وبداية السنه ان شاء الله حول .. ماتقدر تحول للكليات الصحيه .. ترى المواد المطلوبه مواد العلمي الي هيا فيزيا رياضيات وكيميا ووووووو .. بالتوفيق ..

طيب عندك خبرة في قسم علوم حاسب " Compute Science " ايش المواد العلمية المطلوبة ؟ يا ريت بس اعرف الشروط , دورت في موقع الجامعة وما لقيت شي

والله يعطيكي العافية على الرد افدتيني كتير

[أفشل جامعي]

ياليت لو نقدر ننزل مادتين من المسار العلمي ونتخصص تخصص نبيه

والله ودي بالمحاسبة من وانا ثاني ثانوي درستها وعجبتني وقالو الحين حولوها علمي ودي ادخلها بس موب عارف اذا بيسمحون لي او لا

ياليت ناس فاهمه بالتخصصات ترد ع الموضوع

احترامي

[ǁ غــلأآإ ، رٍوٍحــي ǁ]

1/ دآمك دفعه 10 .. تقدر تنزل مآده وحده علميه ( فيزياء او كيمياء )
بسس مايكون الترم كلو هالمآده .. تاخذها مع موآد التخصص !

2/ وإذا دخلت تخصص وماعجبك .. هنآك فيه تحويل بعد الترم الثاني قدم عليها
وشوف التخصصات اللي نآزله لك وأختـآرها

بالتوفيق للجميع ..

[الحائرة دائما]

طيب هذا بس ينفع له واللي دفعه 11 يقدروا يدرسوا ماده علميه ويتخصصو

في بعض تخصصات العلمي زي الاداره والاقتصاد على السنه الجايه ان شاء الله..

[ǁ غــلأآإ ، رٍوٍحــي ǁ]

طيب هذا بس ينفع له واللي دفعه 11 يقدروا يدرسوا ماده علميه ويتخصصو في بعض تخصصات العلمي زي الاداره والاقتصاد على السنه الجايه ان شاء الله..

لآ لهالكلآم لدفعه 10 بس

[lujain.alsagh]

المشاركة الأصلية كتبت بواسطة feRaS_101 طيب عندك خبرة في قسم علوم حاسب " Compute Science " ايش المواد العلمية المطلوبة ؟ يا ريت بس اعرف الشروط , دورت في موقع الجامعة وما لقيت شي والله يعطيكي العافية على الرد افدتيني كتير

شوف علوم الحاسب عندنا البنات كان مكتوب الشروط
-ماده غريبه رمزها cs على ما اعتقد والمطلوب فيها 85 درجه و
-الثنوي علمي 90%
- والمعدل المطلوب عندنا كان 4.5

دا للي بيحول من كليه للثانيه الترم دا
ممكن كل ترم تتغير الشروط
ما ادري اذا الشباب يختلف او لاا احسن لك تسال شاب يعرف الشروط الي نزلت قبل فتره بالاوديس ..

بالتوفيق خيوو ..