محاضر قسم اللغات الاوروبيه جامعة الملك عبدالعزيز - ماهي اخبارها ؟

[Sarita]

السلام عليكم

قبل شهرين اعلن عن وظايف محاضر ومحاضرات لغات اوروبيه بجامعه الملك عبدالعزيز
وعملت مقابله من شهر ونص والى الان لاحس ولا خبر
احد يعلم عنها شئ؟

[nectarرحيق]

السلام عليكم ورحمة الله وبركاتة
لقد قرأت تعليقك السابق الذي اجاب فيه جامعي لنا الله انها سوف تنزل الاسماء في نهاية الاسبوع واتمنى اذا عندو خبر يفيدنا
انا اعرف وحدة قدمت معيدية في نفس القسم وهي تنتظر وهذارقم الجامعة 6400000
والتحويلة 63531
اتمنى اكون افدك وادعيلي وادعيلها بالتوفيق وياليت تسأليهم اذانزلت نتائج المعيدية

[الشيمآء]

أنا مقدمة كمان بس إعادة :) و إلى الآن ما في خبر.. أتوقع النتائج اتأخرت مع المطر و تأجيل الاختبارات.. خير إن شاء الله..

[باحثة لغة]

لما بدأ الترم قلت يمكن خلاص اللي فازت بالوظيفة داومت .

هل للآن مافي خبر عن وظيفة المحاضر أو المعيد؟

الله ييسر

[باحثة لغة]

هل حسم الموضوع ياجماعة؟

[Sarita]

رحت قبل اسبوع وقالو لي النتايج بعد 3 اسابيع بس انا ماانقبلت الحمدلله يارب
الوضع شكله سلطه واتوقع النتايج وهميه

[باحثة لغة]

كيف يعني سلطة وايش عرفك ماانقبلتي عني خبروا المقبولات؟

[Sarita]

سالتهم عن اسمي وقالو لي ماانقبلتي
والوضع سلطه لأنو CV حقي انقبل في جامعات اخرى زي جامعه الملك سعود
ايش معنى مايقبلوني هم !!
وفوق كذا مقابلتي كانت تمام ولغتي near-native الحمدلله
وماعندهم سبب للرفض لأني سالتهم

[باحثة لغة]

طيب ليش ماكملتي اجراءات التعين في سعود أقوى من عبدالعزيز؟

وماتعرفي وين الخير الرزق من الله

[Sarita]

لأن سعود اشترطو عدم النقل لجدة ومااقدر اعيش بالرياض لوحدي وانا اهلي بجده