بالنسبة لاختبار الانجلش المجاني

[فراولة حمراء]

سلاام

بنوتات اللي خلصوا ليفل 4 مبروووووووووووووووووووووووووك
وأخييييييييييييييييييييييراا خلصنا الحمدلله

مررره كان الاختبار حلو وان شاء الله الدرجات كمان

المهم >

زي ماشفتوا اليوم بعد ماخلصنا الاختبار قالولنا على الاختبار المجاني اللي حيسير في

الجامعه .. بلييز ابغى اعرف ايش اسمه و اي معلومات تانيه عنه

وشكراا

[فراولة حمراء]

يارب احد يعبرني

[ndo-farforah]

انا خلصت 4 في الربع التالت
يعني ما كان عندي اختبار معاكم بس ما قالولنا عن شي زي كدا
منجد يارب احد يعطينا فكرة

[فراولة حمراء]

اهاا لا احنا في وقتها قالوا اللي تخلص اختبارها وحابه تختبر توقع

ايوا من جد ياريت

تسلمي لردك

[big-heart]

ايش هو ده بلييز احد يفهمني

[حلا الحلوه]

اختبار الـ ielts

الاختبار "اختياري" مجاني بس عشان تعرفي مستواكي وسمعت كمان انو يدوكي شهادة

المواعيد والوقت :

يوم الاثنين والثلاثاء والاربعاء << طبعا تختاري يوم مو كلهم

من الساعة ١٠ - ١٢:٣٠

مبنى ٧

غرفة ٤٨ << المبنى القديم

غرفة ١٥٠ << المبنى الجديد

<< اتوقع لابات مو غرف

بالتوفيق^_^

[فراولة حمراء]

يعطيكي ألف ألف عاااااافيه

تسلمي ياقلبي وماقصرتي

[بنت العسكري]

مساء الخير....
مبررررررررررررررررررررررووووووووووووووووووكـ علينا الإجازة
الحمدلله الذي بنعمته تتم الصالحات

ايوا هذا الاختبار ielts قالوا لنا عليه اليوم و اللي تبغى سجلت قبل ما تطلع ..
اول ثلاث بنات خرجوا ما رضيوا يسجلوا و الاستاذة جالسة تشحت فينا تقول احمدوا ربكم جاتكم الفرصة عندكم و يوم جاء دوري قالت عاد انتي مو خارجة إلا اذا سجلتي اسمك
قلت طبعا رح اسجل مع انو مااااااااااااا عندي اي فكرة عنه الى الان إلا انه معتمد من القنصلية البريطانية
بس مو عارفة هل الاختبار على الاجهزة و إلا كيف؟؟؟ لانو في معمل الاختبار؟؟
اللي عنده فكره عن هذا الاختبار و طريقة الاسئلة و و و
بلييييييييييييز لا يبخل علينا

[طارق الحارثي]

طيب والطلاب مالهم اختبار زي كذا <<< اصلا ماراح تسجل بس لقافة

[ُزمرد]

طيب اذا ابغى اسجل ماينفع ؟

لأاحول ~_~