يابنات والله في غلط في التصحيح

[sweet_s]

السلام عليكم
يابنات وياشباب اي وحده او واحد فيكم حاسس انه انظلم في النتيجه زي مثلا لايسكت المفروض يروح يراجع صدقوني ممكن تطلعوا بنتيجه
انا متاكده من حلي في الثقافه مليونين في الميه وانصدمت صدمة عمري لمن شفتالدرجه 80 يعني تقريبا 10 اغلاط مستحييييييييل لاني مقطعه الكتاب من المذاكره وحلي صحيح الحمدلله انا اليوم بروح
والي حصلها زي تكتب وتقول قصتها لو سمحتوالاتضيعوا حقوقكم في دي الجامعه النصابه

[طآلبهـ نآيس]

انا بمهاارات الاتصااال نزلو درجتي تحتتت انا متأكده من حلي وبالنهايه 14 خطأ ليش فين احناا ولا ع المذاكره اللي ذاكرتها ,

بروح اليوم وبراجع وان شاءالله استفيد ..

[مراسيم الخجل]

سويت حبيبي انا زيك بالثقافه مره مصدومه وربي اني حاله كويس
اذا رحتي وقالولك شي قوليلي ياقلبي انا مقدر اروح المواصلات عندي صعبه
بس بدايه السنه حروح ...تكفين لو رحتي وقالولك شي ارسليلي ع الخاص او هنا ع العام...

[sweet_s]

طيب انا رايحه اليوم ان شاء الله اتفاهم معاهم وابلغ الجميع ايش صار معايا
طالبه نايس تقدري تراجعي ورقتك اذا متاكده من حلك لو تبينا نتقابل اليوم ونروح سوا

[مراسيم الخجل]

يعطيك العافيه ياقلبي

[sweet_s]

الله يعافيكي يارب
ادعيلي مااتمرمط اليوم

[!k.w!]

ترا الاسئلة ملتوية وفيها لف ودوران اذا هي زي اسئلتنا مايحلها الا المفتي ولازم يكون منتبة ومصحصح بعد

[لمار عزوز]

^^
صح الكلام

وبعدين إذا كانو منزلين درجات ما يراجعو الورقه وإذا كان f يراجعوها
على كلام الجامعه الترم الأول

[مراسيم الخجل]

اهم شي اختنا بالله ماتتمرمط وان شاءالله يراجعولها يارب

[sweet_s]

يعني كيف من حقي وحق كل طالب وطالبه يراجع ورقته ادا كان عنده شك الله يخارجنا من دي الجامعه على خير