طلب صغنطوط بليزززز.....

[امير الود]

السلام عليكم ورحمة الله وبركاتة

اخواني اخواتي مالنا غنا عنكم الله يدوم علينا وعليكم الصحة والعافية والتوفيق والنجاح الدائم......

انا بصراحه كل ترم المعدل عندي في نزول بس الترم ذا والحمد لله قدرت ارفعه شي بسيط عشان كذا ناوي إن شاء الله اني احاول قد ما اقدر الترم الجاي ارفعه اكثر بنصائحكم لي طبعاًَ الله لا يحرمني منكم.....

مواد الترم الجاي

مبادي المحاسبة حاملها قبل كذا
سلوك تنظيمي
تطوير تنظيمي
إدارة محلية
مقرر اختياري افكر اخذ (( فن الإقناع )) لو احد اخذا قبل كذا ياليت يرد

سياسية عامة وصناعة قرار او تنمية الموارد البشرية الاسهل فيهم راح اضيفه في الجدول


ارجو الرد والله يوفقكم ..........

[صمت الجراح]

والله يآخوي أنا بتكلم عن مضمون المنهج وماراح اقدر افيدك الا بنسبه بسيطه لان الماده تترتب ع الاستاذ لانه ساعات الماده تكون سهله ولاكن الدكتور يخليها ولاعلم الذره...
عشان كذا بقولك عن الماده والاخوان راح يفيدونك باذن الله عن الاساتذه..
المحاسبه أكيد عندك خلفيه عنهاا وأسال الله أن يكتب لك التوفيق وتجتازهاا
السلوك التنظيمي أقرب مايكون للاداره العامه بس سهله فيها علماء ونظريات جدا سهله الماده
التطوير التنظيمي ماده ترتبط بالسلوك تتكلم عن تطور المنظمه والنظريات المستقبليه لتطويرهاا يعني الزبده تتهم بالمنظمه وكيف نطورها ونطور العاملين فيها
فن الاقناع أسمع طلاب كثار يمدحونهااا بس تأكد قبل شي مع مين نازله الماده
الاداره المحليه أعذرني مأخذت الماده..

تنمية الموارد ولاسياسه أنا ماخذت التنمية لاكن السياسه تعتبر اسهل مقارنه بكتاب التنمية


موفق خير وعذرا ع الاطاله

[بتال القوس]

فن الاقناع حلوة وفي مادة الراي العام برضه حلوة ...

سياسة عامة اسهل من تنمية الموارد البشرية

اما بخصوص المحاسبة مع بداية الترم القادم خليك مع كيمو في قسم المحاسبة وحنا كمان ما راح نقصر معك

[ماجد 2222]

بخصوص السلوك التنظيمي الماده سهله نوعاً ماء ولكن الدكتور الله يهديه الفصل هذا والفصل السابق درجات الطلاب على 60 او 70
والتطوير التنظيمي و اداره محليه أنا إن شاء الله معاك راح أخذهم الفصل القادم
فن الاقناع إذا كانت عند الدكتور متوكل يماني أخذها وأنت مغمض ومستحيل تسقط فيها وراح تجيب معدل ممتاز كانت معاي هذا الفصل والحمد لله درجه ممتازه أما اذا كانت عند دكتور ثاني ما أنصحك

أممم بخصوص تنمية الموارد البشرية او السياسه العامة وصناعة قرار
والله يالغالي تنمية الموارد انا اخذت فيها 86 أما السياسه العامة وصناعة قرار إلى الان مكتوب لي dn واليوم كلمتهم وقااالو لي مبروك أخذت 67 تحطمت والله لانها ماده جميله وممتعه وسهلة جداً
أنصحك في السياسه العامة رغم درجتي المتدنيه
أما تنمية الموارد البشرية ممله جداً وطويله
بالتوفيق يااارب

[ضيدان]

اخوي ماجد

ممكن رقم الاتصال اللي كلمتهم عليه

لي كم يوم احاول اكلمهم ولا قدرت اوصل لهم

والف شكر

[امير الود]

صمت الجراح
بتال القوس
ماجد
الله يعطيكم العافية والف شكر لكم يالغالين ......