بالمختصر المفيد

[بنووتة غنووجة]

لاحظت انو في كثير طلاب وطالبات لحد الان مايعرفوا يحسبوا المعدل التراكمي ولا النسبة العامة بما انوا الاودس القميل مايعطينا إلي نبغاه حبيت اساعدكم

أولا : طريقة حساب المعدل:
اطلعوا على هذه المواضيع جزاهم الله خير اصحابها وان شاء الله تفهموا الطريقة

http://www.skaau.com/vb/showthread.php?t=579146


http://www.skaau.com/vb/showthread.php?t=580751

يعني بالمختصر المفيد لكل رمز عدد معين من النقاط ف {على حسب الرمز إلي اخذتوه لكل مادة } تجمعوا عدد النقاط لكل المواد بعدين تقسيموها على مجموع عدد الساعات يطلعلكم المعدل للترم .

اما بالنسبة للمعدل التراكمي للترمين:
تاخذون مجموع نقاط الترم الأول +مجموع نقاط الترم الثاني / مجموع عدد الساعات للترمين
ف يطلعلكم المعدل التراكمي . ثانياً : حساب النسبة العامة : تاخذون درجة المادة وتضربونها في عدد ساعاتها {طبعا كل مادة على حدة } بعدين تجمعوا النواتج وتقسموها على مجموع عدد الساعات ف تطلعلكم النسبة العامة للترم .

اما النسبة العامة للترمين :
تاخذون نسبة الترم الأول + نسبة الترم الثاني / 2 ف تطلعلكم النسبة العامة للترمين إلي على اساسها ان شاء الله تتسكنوا في الكلية إلي يتمناها كل واحد فيكم.

أنا عارفة حتقولوا الموضوع مو جديد بس أنا حبيت اجمع لكم هيا في موضوع واحد
طبعا دا الموضوع للي يحبوا الماث كثير وحابين يحسبونها بيدهم زيي
اتمنى أني أكون قد وفقت في الشرح لكم وما لخبطتكم زيادة
وإن شاء الله كل واحد فينا ينقبل في التخصص إلي يحلم بيه

دعواتكم لي

اختكم في جامعة عزوز