يا ناس ذاكروا مو لهذه الدرجة

[الظبياني]

بسم الله الرحمن الرحيم

اولاً اتمنى للجميع التوفيق ومن تعب في الصيف ان يجد مبتغاه من النجاح بدرجة عاليه ...

يا اخوان لن اتحدث عن نفسي فقط بل عن الجميع وخاصة من تعب في المذاكرة وشد حيله وترك متعت الصيف وعبادة رمضان لاجل ان يذاكر ويتخرج او لاجل ان ينهي جزء كبير من مسيرته الدراسة بدرجه عاليه ....

والله يا اخوان تعبت تعب شديد تشتت فكري بين الدراسة واهلي كل اهتمامي بالدراسة والحمد لله كان اختباراتي مرضيه لي ....

لكن يا اخوان وش فائدة الشهادة بدون تعب وش فائدتها بالغش هل نضحك على الله ام على انفسنا والله اني لا يمكن ان احس بطعمها بدون تعب بدون مجهود رغم الظلم الذي تعرضنا له بالجامعة ولكن حقنا عند رب العالمين ....

ما حبيت افتح موضوع الا من بعض الشباب اللي شفتهم اللي يقول والله مافتحت المادة وراح اعتمد على اللي امامي واللي يقول ماجاني وقت اذاكر معقولة ما تدخل العقل 3 او 4 شهور ...
واللي يدقتني بظهري يقول تكفى تكفى والله ماني عارف شي تكفى غششني طيب ؟؟؟؟

طيب انا اتعب واذاكر واجتهد ممكن اعطيك معلومة لكن اغششك فوق 50 سؤال انا اتعب نفسياً واضيع من وقتي الكثير واخينا يجي بارد مبرد يبي يغش وينجح بدون تعب ....

لا اقول لهم الا اتقوا الله اقسم بالله عينات كثيرة شفتها وبعضهم يقول جاي من المطار الى القاعة وبعضهم مو عارف وش اختباره ولا رمز المادة ولا دكتورها ولا طريقتها ...

واذا ما غششته يقول معقد واناني وحسود حسود في معصية ربي ....
حسود لاني اتعب وادرس وانت حط رجل على رجل وتنجح ....

يا اخون اسمعوا غششت مرتين اقسم بالله جابوا درجات احسن مني وانا جبت 60 مع ان درجاتي لا تقل عن 80 ولكن لاني اتبعت طريقه ليست طريقتي اذلني ربي بدرجة مقبول ....
فبعدها توبه اني اغشش احد وانا اصلاً غير راضي عن عملي بس هناك من يجبرك بالقوة على الغش منك والله يا اخوان ان احد الطلاب وهذي من المواقف الغريبة كان يبغى ياخذ ورقتي يقول احل وارجعها لك لان المراقبة كانت ضعيفة تخيلوا حدث لي في اختبار الاحصاء ايام التحضيري ....

ارجو ان لا يفهم كلامي بانه ضد بعض الشباب ولكن الحقيقة مره للكثير والله يوفقك الجميع ..

[الزهراااااني]

صادق في كل ماكتبت

مره واحد جنبي في اختبار تقييم البرامج الحكوميه الرجال يحل واطالع فيه كل حلوله غللللط


وانا مذاكر الحمدلله لكن ماهان عليه لانه اغلب حلوله غلط ووقتها كنت مخلص
واعطيته الاجوبه كلها >>>لكن الله يغفر الذنب والحمدلله اخذت فيها 97

وفيه مره اختبار الاقتصاد الجزئي جاني نموذج طبق الاصل من نموذج نزله اخونا وحبيبنا ابو فيصل فهد العنزان
في المنتدى محلول >>الكلام له سنتين اوسنه ونصف
وجنبي طالب يقول تكفى تعال مكاني لانه نموذجه غير >>>وشاف النموذج اللي عندي
هيا هذا بالله ايش تسوي فيه >>قلت له توكل على الله>>يعني اترك مكاني عشان جاني نموذج مكرر >>ربك كاتب لي كذا
والحمدلله اخذت فيها 91
وفوق هذا ساعدت الطالب باللى قدرت عليه

واسف ع الطاله

وبالتوووفيق للجميع

[الخردلي]

صدقت ووفيت لكن لو سمح لي الوقت بعد ما خلص ورقة اجابتي ان شاء الله ما اقصر مع احد في حدود المعقول وشكراااااا

[مهاوي 4]

معى احترامي الشديد لكم اخر مره سمعة الكلام ذى وانا في المرحله المتوسطه وبعد من ابو بيضه
هههههههههههههههههههههههههههههههههههههههههههههههههه هههههههههههههههههههههههههههه
اذا انت مذاكر من اربعه شهور وماعندك التزامات في غيرك عنده التزامات وعيال يكد عليهم
اذا انت متحمس له الدرجه كان خشيت انتظام
وعلى فكره مواد واسئلة الانتساب يحلها طالب بالمرحله الثانويه لكن في ناس الله يصلح حالها يعطي الماده اكثر من حجمها ويخوف باقي الطلاب الى ان ترسخ الماده عنده انها مستحيلة النجاح او الفهم

[مهاوي 4]

وفي الاول والاخير معك نفسك

[ممدوح حائل]

كلا له طريقته وكلا له قناعته ،،،
وكلاً له تفكيره وكلاً له رأيه ،،
وكلاً يرى الموضوع من زاوية معينة ،،

عن نفسي ممكن اسال عن فقرة فقرتين ثلاث بالكثير ومن شخص اعرفه ،،

وإذا طلب احد مني مساعدة بالمثل والله ما أرده ( وربك غفور رحيم )

صراحة الواحد شوي وتتفقع عيونه من المذاكرة والتعب ،،
قبل صلاة الفجر يوم اختبار إدارة التنمية من المذاكرة والتعب والله اني ماخذ
حبتين بندول أكسترا هههههههههه

حصل لي موقف هذا الترم في اختبار الاتصال في المنظمات العامة ،،
في الكرسي اللي ورأي لا اعرفه ولا يعرفني طلب مني المساعدة بعد ما انتصف الوقت تقريبا ،،

سألته قلت أي سؤال تبي ؟ قال كلهم ههههههههههههههههههههه
صراحة نقلته من السؤال 1 إلى السؤال 25 ،، يعني العمود الاول تقريبا من الصح والخطأ ،،،
بعد كذا قلت له روقنا ياخوي باقي لي السؤال المقالي ما حليته خلينا نركز الله يرضى عليك ،،
وشوي إلا ويجيه المراقب وطلعه في الكراسي اللي قدام ،،
وحقيقة درجتي ولله الحمد في الاتصال في المنظمات العامة طيبه ،،

عموما صعب جدا إذا طلب واحد منك في الاختبار اجابة انك ترده (حتى لو ماتعرفه )
لكن يجب ان يكون الموضوع بذوق وفي حدود المعقول ) وفي الحدود اللي ما يشوش عليك ،،، .

عموما هي وجهة نظر ،،، .

واسال الله لنا وللجميع التوفيق ،،،، .

[أسير سدير]

اخوي ظبياني .... اتمنى تجاوب على الاسئله الاتيه :
- عمرك جرّبت ابوجلمبو(f) بعد مذاكره وتعب وحوسه وقلق ؟
- ماعمرك قابلت شاب في الجامعه مثلك جالس يضحك عليك انت وتعبك ومذاكرتك .. والاسئله واصلته قبل الاختبار بسويعات وحسيت بالغبن ؟ >>عاد كيف وصلته لاتسأل ^_^
-ماعمرك غشيت ؟ او غششت احد ؟
- ماعمرك حصل لك ظروف حرمتك من المذاكره ؟ ودخل القاعه تدربي راسك .. ورزقك الله بولد الحلال الي عزّز لك وساعدك ونقشت ورقته وطلعت النتيجه بدرجه ماتحلم فيها ؟
- ماهو شعورك وانت مثلاً ماعرفت كم سؤال وتلمّح للي قدامك او الي جنبك ..ورد عليك وقال: رجاءاً مابي ازعاج !!

انا اقولها بصراحه ... احلى مافي الانتساب .. جمعتنا الحلوه في هذا المنتدى الطيب والتعاون الي اقدر اقول عنه أخويّ .
والله يوفق كل من ساهم وساعد زملاءه ولو بالشيء اليسير ... واذا تبي تحس بطعم الشهاده بالكد والتعب ماحد رادّك ابدأ بالمذاكره من الحين للترم الجاي ... على شان تحس بالتعب .

ملاحظه : اذا كنت ترى ان الشهاده مالها طعم بالحصول عليها بدون تعب (وهي امر دنيوي ) فكيف هو اجتهادك في امورك الدينيه ؟ تتعب في صلاتك في صيامك في صدقتك في عباداتك ؟ ليش ماتطبق نظريتك على امورك الدينيه انفع لك ؟ بتقول لي هذا شيء بيني وبين ربي ... اقول لك بكل بساطه : كيف تطالبنا بتطبيق نظريتك في امر دنيوي .. وتطبيقها في امورنا الدينيه اولى !!

سؤال باختصار ... لو قال لك مدير الجامعه تجي بكره تاخذ الوثيقه وباقي اترامك لاتدرسها ... بتوافق ولا بتقول لالا ابي اجتهد واكدح .. ؟

[محمد الدوسي]

كلام اخوي ضبياني عينين في رأس ولكن. ما أقول إلا :-
* اللهم إني أستغفرك من كل ذنب يصرف عني رحمتك أو يحل بي نقمتك أو يحرمني كرامتك أو يزيل عني نعمتك.

* اللهم إني أستغفرك لكل ذنب يزيل النعم ويحل النقم ويهتك الحُرَم ويورث الندم ويطيل السقم ويعجل الألم.

* اللهم إني أستغفرك لكل ذنب يمحق الحسنات ويضاعف السيئات ويحل النقمات ويغضبك يا رب الأرض والسماوات.

* اللهم إني أستغفرك لكل ذنب يكون في اجترائه قَطْعُ الرجاء ورد الدعاء وتوارد البلاء وترادف الهموم وتضاعف الغموم.

* اللهم إني أستغفرك لكل ذنب يرُدُّ عنك دعائي ويقطع منك رجائي ويطيل في سخطك عنائي ويقصر بي عنك أملي.

* اللهم إني أستغفرك لكل ذنب يميت القلب ويشعل الكرب ويشغل الفكر ويرضي الشيطان ويسخط الرحمن..

* اللهم إني أستغفرك لكل ذنب يعقب اليأس من رحمتك والقنوط من مغفرتك والحرمان من سعة ما عندك.
.
* اللهم إني أستغفرك من كل ذنب يدعو إلى الكفر ويورث الفقر ويجلب العسر ويصد عن الخير ويهتك الستر ويمنع الستر..

* اللهم إني أستغفرك لكل ذنب يدني الآجال ويقطع الآمال ويشين الأعمال..

* اللهم إني أستغفرك يا عالم الغيب والشهادة من كل ذنب آتيته في ضياء النهار وسواد الليل وفي ملأٍ وخلاءٍ وسرٍ وعلانية يا حليم..

* اللهم أغفر لي ذنبي مغفرة أنسى بها كل شئ سواك ، وهب لي تقواك واجعلني ممن يحبك ويخشاك..


والله يوفقكـ اخوي نبهت الجميع.على هذي التقطه.

[ماجد اليامي2009]

صباح الخير ... على الجميع

من جد اشكر الاخ الظبياني على وجهة نظره اللي يحتفظ فيها لنفسه ..

واشكرك كل الشكر على الاخ اسر سدير اللي والله اسالته احرجت الظبياني من جد واضم صوتي لصوته .

نصيحه قيلت في السابق " مع نفسك "

[Abu Amaar]

اشكر اخوي الضبياني على النصيحة ونسأل الله ان يتوب علينا وعلى زملائنا ويصلح الحال والاحوال

يا اخوان اذا كان في احد يغش او يغشش يكتمها بينه وبين نفسه ويحاول يتجنب هذا الامر بقدر الامكان ولا تؤيد للغش وتروج للاعتماد عليه

وشرعنا الاسلامي ينهى عن الغش والتدليس
تمر مواقف لكن حاول ان ما يكون اعتمادك الكلي على الغش والتدليس
لان بتكون شهاداتك مشبهوهه فيها وتدخل ضمن الشبهات

يعني فكر في شهادتك والاموال الي بتتحصلها منها وتصرفها على عيالك بيكون
فيها شبهه محرمه جاهد نفسك بقدر الامكان بتجنب الغش .... والله اعلم