طريقة الطلب من المواقع .. ساعدوني ارجوكم

[طالبة منتظمه]

السلام عليكم ورحمة الله
بنات لو سمحتو حابة اتعلم كيف اطلب من النت (مكياج..شنط..ملابس..الخ)
لانو ساعات تعجبني شغلات بس ماتكون في جدة
و مممرا نفسي اعرف طريقة الطلب وكيف يوصلني الشي لحد بيتي و ايش هيا الشغلات لازمه لطلب
مع العلم انو ما عندي فيزا و لا غيرو
ابغاكم تعلموني كل شي
الله يسعدها و يوفقها اللي تقولي كيف
انا بقرا بنات كتير هنا في الموقع بيطلبو من برا ياريت يعلموني كككيف
و ايوا كمان ابغى اعرف ايش اسماء المواقع اللي تطلبو منها فتحت على موقع فانيلا في حاجات اعجبتني بس ما عرفت كيف اطلب
معليش لانو طولت في الكلام بس لانو منجد حابه اعرف كيف

[مَيسمْ]

_

وعليكم السلام ورحمة الله ..
والله على حسب الموقع اللي تطلبي منه سوي سيرش للطريقة الشحن للموقع اللي حباه وأفضل موقع عآلميآ هو أمآزون ولآزم يكون عندك صندوق بأمريكآ شوفي الطريقة بالتفصيل في الموآقع .

[لمساتي]

اتوقع ان طريقته سهله جدا .. وبعضهم حواله عالبنك

ولكن المواقع الاجنبيه لابد فيزا على ما اعتقد

من خبرتي بعملية التسويق والعرض .. شراء وبيع

التسوق عبر النت من تجار بالمملكة افضل لك .. مدري عشان الترجيع والامانة وغير ذلك ..


ودمتي بخير

[Patricia]

حبيبي طلعيلك ماستر كارد مسبووقة الدفع أأمن لك، واعمليلك صندووق بريد في أمريكا مثلا عن طريق أرامكس وبيعطوك عنوانك، وخلاص تسوقي هني وعافية عليك.. كل اللي تشتريه ويوصل لحسابك رااح ترجع تشحنه لك أرامكس لعندك هوون..
والمواقع عندك أمازون، ول مارت، مس دريسي

[رَزَان]

أنصحك تبتعدي عن تجار الإنترنت هنا لأن أغلبيتهم أسعارهم مبالغ فيها !

وبالنسبة للشراء من الانترنت
على حسب الموقع
إن كان يوفر توصيل لدولتك يصير بس تحتاجي الفيزا أو الماستر كارد
أما لو كان مافي توصيل لدولتك
يصير لازم تفتحي صندوق بريد في نفس الدولة وهذا يختلف أسعاره وطريقته من شركة لأخرى
وتشتري بالفيزا وتحطي عنوان بريدك
وشركة الشحن تشحن لك الأغراض لحد بيتك ..

[Mno 3sal]

انا طالبه في جامعة الملك عبد العزيز واقدر اوفر اي طلب لاي بنت من موقع امازون الامريكي

والتواصل والتسليم يكون داخل الجامعه

اللي تبغا تراسلني عالخاص لانو احتمال ما اشوف الردود بسبب الختبارات