استفسارات - ابس مساعده ونصايح

[Guitara]

السلام عليكم
انا سجلت بالجامعه والحمدلله طلع لي من اول يوم
ودخلت مسار تحضيري علمي .... يعني بنهايه السنه ابي اتخصص طب او طب اسنان او صيدله
بغيت اسال هل الطالبه لازم تجيب 5|5 عشان تدخل طب بشري او طب اسنان ؟
وبنات الصيدله ياليت تفيدوني الصيدله كلها حفظ ولا كيف ؟

انا لما دخلت لموقع الجامعه طلع لي اني خطه أ
وش الفرق بين خطه أ وخطه ب ؟
موادي هي .مهارات الاتصال
2.مهارات الحاسب
3.انجليش ,,,للعلوم
4.رياضيات عاممه
5.فيزياء عامه

بغيت اعرف هل هيه سهله او صعبه
وكيف الكتب ومن وين اخذها - على فكره انا من الشرقيه
وهل تتغير الكتب من سنه لـ سنه ولا هي نفسها نفسها
وانا من النوع اللي افهم اكثر من احفظ -- ومجرد افهم الشي يثبت عندي والحمدلله
هل بيكون صعب علي
طبعا موادي المفضله الرياضيات والانجلش والفيزكس وحبيت قسم الكيمياء العضويه

واذا كانت هذي مواد أ .. مواد ب تكون اصعب او بنفس المستوى

وبغيت استفسر كيف اعرف المبنى اللي انا فيه وشلون اعرف الكلاسات وينها
يعني اول يوم بنعرف هالاشياء ولا اقدر اعرفها من الموقع ولا كيف؟؟

وبغيت اعرف عن اللبس الممنوع والمسموح
انا اللي عرفته انه تكون تناني طويله
طيب وبعدين اذا دخلت التخصص طب مثلا او طب اسنان عادي نلبس بنطال ولا لا ؟

وبغيت اسال عن الاسكان - بنات الشرقيه اللي مايسكنون بالسكن الجامعي وين يسكنوون ؟ وفي عمارات يسكنونها طالبات قريبات من الجامعه ؟؟
وكيف تكون المواصلات عندكم؟

وكيف يكون نظام الدراسه .. يعني هل سهلون الماده بالمذاكره لو لا
ومعاملتهم مع الطالبات شلون تكون

وانا ادري ان مافي مكان عندنا يخلى من الواسطه
بس بغيت اسال يعني هيه كثيييييره بالنسبه للطب؟
ولا ياخذون طالبات مستواهم عالي وماعندهم واسطه عادي؟؟

وياليييييت لو تخبروني بكل شي :)
ابي اعرف كل شي :)

وشكراااااااااا لكم