مركز اكسترا..سوءتعامل..وتأثرها بلأزمه الماليه العالميه

[روووني]

مركزاكسترا المادي..سوء تعامل..وتأثرها بالازمه الماليه العالميه


كتبت الموضوع من خلال تجربتي في اصلاح الابتوب:

انكسرت شاشة الابتوب يوم الجمعة 31\7\2009 فوديته اكسترا كان العامل فلبيني اعطاني رقم التحويلة وقال بعد اسبوع تعالوا خلص الاسبوع وانا ادق عالرقم ومحد يرد عليه اربع وعشرين ساعة واحنا ندق في كل الاوقات ظهر وعصر ومغرب وعشا ولاحد حتى يرفع السماعة ويوم الاحد 9\8\2009
رحت لهم وقال العامل الابتوب مازال عند الوكيل ولايتوفر قطع الغيار عند الوكيل والوكيل قال لاكسترا حيدور في مستودعات ديل في المملكة كلها واذا لم يتوفر قطع الغيار سيتم طلبية خاصة من ايرلنده بعد موافقة العميل و سيتم تكلفتنا 1700ريال . وغير كدا من مساوئهم:
1-اول شي استلامهم للجهاز مع عربون قيمته 400 مقدما من اصل المبلغ قيمة الشاشة المفترض انهم ماياخذوا أي عربون لان الابتوب بكبره عندهم و المفترض انها شركة ضخمة تحترم عملائها لكن للاسف طلعت شركه وضيعه ماديه ماتحترم عملائها ومااعتقد في شركه كبيره محترمه تسوي اللي يسووه
2-وافقوا على تسليمنا الجهاز بعد اسبوع بخطاب موقع منهم حيت ان الصيانة في جهة وخدمة العملاء في جهة تانية المفترض ان الخدمة هم الي يقدموها مو ا حنا
بمعنى اخر قسم خدمه العملاء عند بوابه المركز وقسم الصيانه في اخر المركز اول شي دخلنا لين جوه قسم الصيانه وسلمناهم الاب توب وطبعا وقفنا طابور طويل عريض واستلم الجهازو ولصق عليه ورقه فيها كلام وقال سلمها لخدمه العملاء ومشوار لين وصلنا لخدمه العملاء ووقفنا كمان طابور وقلنا اخيرا جاء دورنا وبنخلص الاوقعونا على اوراق ومره تانيه شيلو الاب توب لخدمه الصيانه اللي في اخر المركز ونوقف طابور لين اخيرا مسكو الاب توب والى الان ماشوفنا شكلو 3مرات واحنا رايحين وجايين وضمانهم داه مااستفدنا منو شي يعني معرض كبير المفروض يوفرعمال يروحو ويجو مو احنا
لكن زي ماقلت شركه ماديه بحته بكل عمالها اللي يشغلو فيها وبكل فروعها في المملكه
3-يبدو انه في السعوديه ليس لدينا سعودي لديه مؤهلات تؤهله لادارة هدا المعرض حيث ان لديهم مديرا تركيا اسمه عبدالله معروف كان لايجيد الا اللف والدوران وقله الحيا والكذب وقال ان اصلاحه يتم بعد 21يوم خلافا لماذكر في الخطاب الموقع ولايحسن التعامل مع العملاء لا ويطول لسانو كمان وبعد احراجه وتهزيئه اخبرنا ان الفلبيني سيحاسب طبعا ايش نستفيد من محاسبته وباعتراف منه قال لنا ان الهواتف ترن لكن لايتم الرد عليها لعدم توفر سنترال
تخيلو مركز بدون سنترال حتى المحلات الصغيره عندها سنترال يعنى هذا من سلبيات اكسترا ويظهرها بمظهر جدا سىء و شكلها اكسترا متأثره بالازمه الماليه العالميه
4-بيع الابتوب من غير قطع غيار متوفرة لدى الوكيل والابتوب 3455 وقطع الغيار ب
1700كيف مركز كبير زي اكسترا مافيه قطع غيار وليش مااتكلمو من البدايه
ويقال ان الفوزان هو المالك لاكسترا ويكاد اكسترا خالي من السعوديين واد ا وجد سعودي ماتحصلة الافي خدمة العملاء ليس الا كاشير عبارة عن استلام اموال لااقل ولا اكثر او يكون واجهة فقط عشان يوهيمو العملاء ان المعرض موجود فيه سعوديين .لذلك احذركم من اكسترا بعد ماتورطنا فيه وسبق ان حذرونا الناس منهم لكن المحل يغريك بالكلام المعسول وبعد ماتشتري ولا يطالع في وجهك لكن خلاص اخدنا قرصه منهم واخر مره نشتري منهم حذرو احذرو منهم وتراها اتأثرت بالازمه الماليه العالميه يعني لاتقربو منهم ابدا ابدا...وسلام

[طـمـوح]

والله مدري عن كلامك صح الأجاانب فيه كثيييير يعني مو مسعود<<
بس والله خمدتهم مافيها شي وأنا إشتريت من عندهم اللاب وإلى الأنماشي تمام زي الحلاوه
وقطع الغيار رفعت الرام باللاب ماأخذ ساعتين أبو مشوار رحتلو ورجعت كل شي تمام
والكلام هذا فرع المدينه المنوره بجوار عالية المدينه

[طـمـوح]

معليش مفحالي أعدل الكلجات

[روووني]

انا اخدتو من فرع جده اسوأفرع

والكل مانصحني في اكسترا بس انا الله يهديني اتسرعت

ياليت بس الخدمه سيئه لا الا كمان قله الحيا اللي هم فيها

لو سار لجهازك اي شي روح لهم وجرب ايش يسوو فيك

ومشكوور على الرد وعادي فهمت الكلجات

[REEM-AJ]

صح الكلام دا انا اشتريرت من هناك كاميرا تشترى الكامير لحالها والبطاريه لحالها ومدري ايش لحالها هما هناك يفصلو القطع عن بعضها عشان ترجعو تشتري وكمان اعرف وحده اشترت هيه واخوخها لابتوب هوه اشتره من جرير وهيه من اكسترلا ونفس النوعيه جهازها 60 مره توديه كلل شويه يخرب وهوه مشاء الله ولا مره هذا يدل انهم يلعبو في الاجهزه الافضل تشترو من جربر اومن نفس شركتو

[روووني]

والله صح كلامك شركه سيئه بكل المقاييس

الكل حذرني منها بس انا عنيده

مشكوره على الرد

[المسلم العربي]

سمعت أن أفضل مكان لشراء لاب توب هو جرير.. هل هذا صحيح؟

[عاشقة الندى]

::. السلام عليكم ورحمة الله وبركاتهـ .::

أضم صوتي لكـِ أختي ..
العام اشترينا لاخويا لاب توب من عندهم وبعدها بفترة انخرب الشاحن حقو ..
المهم ودو الاب عندهم عشان يشوفو المشكلة من ايه .. من الشاحن ولا الاب ..
تخيلي الاب جلس عندهم 3 اسابيع ..
وقالولنا انو قطعة الغيار حقتو مو موجوده بالسعودية ويبغو يجيبوها من برا ..
انا هنـا فطست ضحك ..
حسسوني انو مو لاب سيارة بي ام ولا لكزس ..
المهم بعد حووووسه وقلة ادب رجعولنا الاب .. لقيناهم بدلو الشاحن حقو الاصلي بواحد تقليد ..
قلنا يالله مو مشكلة المهم يشتغل الاب لانو مررة تعطلنا عليه ..
وماعدى اسبوع مدري اسبوعين وانخرب ومن يومها الاب جلس في زاوية وماتصلح..
وامس اخويا وداه عند محل عادي واتصلح ..
يعني الزبدة حاميها حراميها ..
وحرمت اشتري شي من عندهم ..



وبصراحة احس احسن مكان عشان اشتري لاب هو مركز الباروم ..
انا جربت جرير واكسترا والباروم ..
احسنّهم الباروم اسعارو حلوة وجيدة ..
بس مو اي محل في محلات معينة تسوي عروضات كل فترة مرة حلوه ومعقولة ..


::.............::

[مشمشانا]

اكسترا هذا انا من يوم م فتح في جدة وانا مقاطعتو مرررررة تعاملو سئ واسلبو وحش
وكل كلامو بكش في بكش بس يبغوا ياخذوا فلوسك ويهموك بضمانهم اللي تبلوا وتشرب مويتوا
وكل ماسار شي اخذوا الجهاز ولو راجعتهم بيقولوا قطع الغيار مي موجودة وطلبية خاصة
اقطع يدي لو انو مو مركون في زاوية ولا احد طل فيه اصلا ولو راجعتهم يسكتوك بدا الكلام
ويحسسوك كانك تشحتهم مو كانك مشتري جهاز من محل معروف وبضمان ولا كان اشتريتوا
من المحلات دي اللي اي كلام اللي بالعكس تعاملهم احسن اصلا تعال شوف الجهاز عندهم كم
سعروا وشوف كم سعروا في بقية الاماكن ولو قلت حرامية بيقولك لا هذي المحلات ما عندهم ضمان
احنا عندنا ضمان مدري كم سنة ومدري ايش يشمل وكل م قلتلهم في مشكلة قالولك ما يشملها الضمان

[بوليمر®]

المشاركة الأصلية كتبت بواسطة المسلم العربي سمعت أن أفضل مكان لشراء لاب توب هو جرير.. هل هذا صحيح؟

دور على المكان اللي يقدم لك خدمة وصيانة محترمة ما بعد البيع

جرير اخذت من عندهم جهاز ومره عطل الكيبورد وطلع صوت في بيت السي دي ،، ارسلته لهم عن طريق فرع المدينة اللي اخذته من عندهم تقريبا جلس اكثر من ثلاث اسابيع

ولو ما ارسلت كذا ايميل شكوى للفرع الرئيسي كان ما اخذت الجهاز للحين