قصة حياتي + سؤال...لا تنفجعو والله القصه قصيره ادخلو بس :p

[DoOody.jeddah]

بسم الله الرحمن الرحيم

السلام عليكم ورحمة الله وبركاته

اول شي حابه ابارك لكل الناجحين والخريجين
واقلهم مبروك النجاح والتخرج
والله يوفقكم في حياتكم

انا حابه انكم تساعدوني والله مره محتاجه مساعدتكم
موضوع الجامعه والسنه التحضيريه دا مررره شاغلني وشاغلي بالي و مو مخليني اقدر افكر
مني عارفه اختار صح..!!
كل ما اختار شي الناس يطلعولي 100 عيب وعيب في ويخلوني اتردد ويشوشو تفكيري
انا مررره نفسي ادخل طب وامنية حياتي ادخل طب واهلي سايبين الخيار ليا وفي نفس الوقت بيحبطو فيا وجالسين يقولو انو انا محا امشي في الطب وانا مني وجه طب
بس انا عارفه انو انا حقدر لانو لما تحب شي حتبدع في
وبعض الناس يقولولي حرام عليكي تضيعي عمرك في الطب
تتبهدلي وتتعبي وحتجلسي طول حياتك تدرسي ومن دا الكلام
طبعن انا دا الكلام يتقلب في مخي
شويه اقول كلامهم صح وشويه اقول محد يبا الخير لأحد ومحد يبا يشوف احد احسن منو
عشان كدا اللي بيقولولي دا الكلام مايبوني ادخل طب
في ناس بيشجعوني ويقولولي سوي اللي انتي تبي ولا تسمعي لأحد والرأي الأول والاخير لكي
المهم لا اطول عليكم
انا اباكم تنصحوني
وتقولولي ايش الحلو في الطب وايش اللي مو حلو
وايش الاشياء اللي ممكن تقابلني وحتفاجأ فيها في دا التخصص

وبالنسبه للسؤال......

انا السنه التحضيريه جايبتلي الجنان
مابا ادخل سنه تحضيريه واجلس سنه كامله على اعصابي مني عارفه ايش هوا مستقبلي وحدخل طب او لا
مابا اتحطم
قلت ابا البترجي او ابن سينا عشان مافي تحضيري كل الناس نصحوني لا<<<<قولولي رأيكم في دا الموضوع ازا عندكم خلفيه برضو

المهم فا انا قررت

انو ابا اروح مكه جامعة ام القرى ادرس طب السنه الأولى واضمن الطب لانو مكه مافي سنه تحضيريه في الطب وبعد السنه الأولى اجي اكمل هنا
نرجع للسؤال :p
دحينا لو درست السنه الأولى في ام القرى هل حأقدر انقل جده جامعة الملك عبدالعزيز بدون ما يعيدوني السنه وهل حا يعادلولي المواد او لا
وتنصحوني بدي الفكره او لا ...............!!!!

بلييييز ساعدوني الله يخليكم :(
ومعليش ازا طولت عليكم

وميرررررررسي مقدما

الله يسعد ويوفق وينجح ويزوج :p كل اللي حيردو على موضوعي
عشنهم حيسعدوني بردهم

وصلى الله وسلم على سيدنا وحبيبنا محمد
صلى الله عليه وسلم

[MY NAME IS...]

صباح الخير
شوفي انت صح متردده من ناحيه الطب بس رديتي على نفسك

	انا عارفه انو انا حقدر لانو لما تحب شي حتبدع في

وقبل كل شي استخيري وربنا يكتبلك الخير في كل خطوه
والموضوع حق التحضيري المنتدى راح يفيدك اكثر
وكمان الله يبارك فيك علشاني نجحت بس كلها 60 الحمد لله

[DoOody.jeddah]

MY NAME IS...

ميرررسي على ردك مره بسطتني :d

انا صح اني لو ابا ابدع حبدع ولو ابا اسير احسن الناس حاسير بس مابا اندم على قراري وانو ضياع عمر و...و.... زي مابيقولو الناس

المهم

الف مبروووووووووووك التخرج وعقبال نشوفك احسن الناس يارب

يسلموو

[ميمي_غامد]

او شي الله يباارك فييكي ثااني شي انا كنت زييك حاطه ف باالي شي واللي حوولي شغااليين احبااط اقوولك شي سوي اللي ف رااسك ولايهمك احد ترى بذي الطرييقه تدوشيي نفسك زيااده اذا انتي حاابه التخصص ادخلي ولا يهمك من كلاام النااس واذا دخلتي الجاامعه حتسمعي كثيير الاستااذه ذي مو كوويسه والدكتوور هذا مدري كييف بس صدقييني كل وواجد وراايو بس اللي تنفعي نفسك ف النهاايه وللاماانه مااعندي معلووماات عن التحوييل من جاامعه او كليه البترجي بس حبييت اقولك الكلمتين هااذي وبتوفييق

[DoOody.jeddah]

ميمي_غامد
جزاكي الله الف خير يا عسل
وفرحني ردك
شكرا

[JuStice]

.

وعليكم السلام ورحمة الله وبركاته ,

كل ما اختار شي الناس يطلعولي 100 عيب وعيب في ويخلوني اتردد ويشوشو تفكيري انا مررره نفسي ادخل طب وامنية حياتي ادخل طب واهلي سايبين الخيار ليا وفي نفس الوقت بيحبطو فيا وجالسين يقولو انو انا محا امشي في الطب وانا مني وجه طب بس انا عارفه انو انا حقدر لانو لما تحب شي حتبدع في وبعض الناس يقولولي حرام عليكي تضيعي عمرك في الطب تتبهدلي وتتعبي وحتجلسي طول حياتك تدرسي ومن دا الكلام طبعن انا دا الكلام يتقلب في مخي

بما إن الخيار لكِ فإنتي استخيري ربك قبل كل شيء ,

المشكلة الحقيقية إن معظم الطلاب يتخرجوا من الثانوية ويكون إما أول أو تاني خيار عندهم هو الطب !

مع إنهم مو عارفين كيف نظام دراسة الطب .. وكيف المواد .. ومدى السهولة أو الصعوبة , باختصار مو عارفين إش هو الطب لكن يبغوه وراح يموتوا عشان يدخلوه !!

كتير ناس تفكر إن الطب مجرد إنه يدرس له كم سنة ويلبس البالطو ويجيه مريض بالمستشفى .. يشخصه ويوصف له العلاج وخلاص .. بالبساطة دي !

هدول لما يخشوا الطب راح ينصدموا بالواقع اللي راح يشوفوه وبالذات أول سنة طب .

وبالنسبه للسؤال...... انا السنه التحضيريه جايبتلي الجنان مابا ادخل سنه تحضيريه واجلس سنه كامله على اعصابي مني عارفه ايش هوا مستقبلي وحدخل طب او لا مابا اتحطم قلت ابا البترجي او ابن سينا عشان مافي تحضيري كل الناس نصحوني لا<<<<قولولي رأيكم في دا الموضوع ازا عندكم خلفيه برضو

مررة لا تشيلي هم السنة التحضيرية ,

بالعكس إذا دخلتي ودرستيها راح تقولي الحمدلله بعدين إنك دخلتيها .. أول حاجة تتعودي عالدراسة بالإنجليزي وعلى أنظمة الجامعة ,

وغير كدا حتكون فترة كافية جدًا إنك تطلعي على كل الكليات الموجودة وتشوفي كيف وضعها وتستفسري عنها , فيه ناس ورطوا راحوا ابن سينا أو غيرها من الكليات الطبية وجا يبغا يحوّل ما قدر ..

عندي صاحبي أتخرجنا سوا من الثانوية لكن هوا راح أم القرى وأنقبل طب .. ما عجبته أو صارت له ظروف .. مني عارف بالزبط , المهم إنه بعد ما قضى سنة فيها

رجع قدّم في جامعة الملك عبدالعزيز ودخل سنة تحضيرية وفاتت عليه سنة في أم القرى !

موفقة

[RHF]

اهلن و سهلن دودي ،،

مم الله يبارك فيكي

المهم ،، لمن قولتي انو في ناس يقولولك سوي ياللي براسك اكيد كان قصدك عليا هع

مممم و اللي باقولو لك ،، انو جامعة ام القرى ممم فيها تحضيري ،، لكن تحضيري في بعض التخصصات ،

يعني انتي تروحي و تقدمي عالطب ،، يقبلوكي ،، تدرسي تحضيري في الطب ،، بعدين تبدأي الطب ،، بعدين لو تبغي تحولي حولي ،،

التحويل مم تقدري تحولي لكن ،، مدري ايش اقولك عنو ،، بس انو عادي تقدري تحولي بس يعادلولك ،، يتلغى ، ينضاف ،، دي انا ما اعرفلها ،، على حسب الجامعة كمان و قوانينها و طريقتها

بعدين ان شاء الله تنقبلي ،،

الله يستر من القدرات و التحصيلي ،،

اقولك ترا انا حاروح معاكم نختبر مع بعض <<<حتشوتها مرة مو وقتي

هههههههههههههههههههههههههههه

حبيت اغير جو شوية

والله انا شايلة هم اكتر منك ،،

بس عموما ،،

دودي ،، استخيري ،، و اللي فيه خير حيسير ،،

دا غير انو كل شي مقدر و مكتوب ،، و ما علينا إلا اننا ناخد بالاسباب

عموما ،، ازا ما سرتي دكتورة في مستشفى ،، حتسيري دكتورة في شي تاني ،،

و كمان ،، لو مسلن ما انقبلتي طب ،، ادخلي علوم طبية تطبيقية ،، و جيبي معدل عالي بعد كدا حولي طب ،،
او من اساسو ازا تبغي شغلة في المستشفى ، برضو اهيه العلوم الطبية التطبيقية او ممم اسنان او صيدلة او ادارة مستشفيات ،،

لا تحطي البشري اساسي مرة و غيرو ما تبغي ،،

انا عارفة انو الكلام دا قلتو لكي مليون مرة ،، هههههههههههه بس استحمليني ،،

اللي نعيدو نزيدو هااا

و بسسسسسسسسسسس سلام

[DoOody.jeddah]

JuStice
شكرا على ردك ليا بس

المشكلة الحقيقية إن معظم الطلاب يتخرجوا من الثانوية ويكون إما أول أو تاني خيار عندهم هو الطب ! مع إنهم مو عارفين كيف نظام دراسة الطب .. وكيف المواد .. ومدى السهولة أو الصعوبة , باختصار مو عارفين إش هو الطب لكن يبغوه وراح يموتوا عشان يدخلوه !! كتير ناس تفكر إن الطب مجرد إنه يدرس له كم سنة ويلبس البالطو ويجيه مريض بالمستشفى .. يشخصه ويوصف له العلاج وخلاص .. بالبساطة دي ! هدول لما يخشوا الطب راح ينصدموا بالواقع اللي راح يشوفوه وبالذات أول سنة طب .

طيب انا اباك تقلي ايش هوا الطب

ممكن يكون صح كلامك وانا فاهما غلط بس انا امنية حياتي اكون دكتوره ان شالله

ثااااااااااااااانكس مره تاميه

[DoOody.jeddah]

rhf
احبك :p <<< لحد يفهم غلط دي صاحبتي :d
كل دا الكلام سمعتو من جد ههههههههه

قلتيلي انو تحضيري في الطب وسوي اللي في راسك وكل دا الكلام بس انا حابه اسأل مجربين عندهم خبره اكتر مننا

وابا معلومه اكيده انو اقدر احول بدون ما اعيد عشان لا اتورط يا قلبي

اقولك ترا انا حاروح معاكم نختبر مع بعض <<<حتشوتها مرة مو وقتي

لا محا اشوتك عشان ممكن تغششيني :$ :p
هههههههههههههه

امين يارب الله يخترلنا كلنا اللي فيه الخير ويوفقنا ويحققلنا احلامنا ياااارب

وانا حاطه في بالي علوم تطبيقيه بعد الطب مني مقفله على طب

ميرررسي حبيبي على الرد نور المنتدى كلو يا قلبي (K)

[dr.hope]

اذا انجليزيتك حلوة يعني مو مراا حلوة انك تكوني بروفيشنال بس تقدري تمشي حالك كدراسة

ادخلي السنة التحضيرية ترى مررررررررررررررررة غبية وكل الناس اللي بيقولو صعبة هما يا بيصعبوها علي نفسهم

او انهم يسمعو لكلام الناس اللي بتحبط وبيسيرلهم انهيار وانو خلاص ما راح نعدي وما حنجيب معدل وماني عارف ايش ... اوكي

نصيحتي ازا انتي مفكرة انك تدخلي ام القرى وبعدين تحولي شيلي الفكرة من راسك لأنو التحويل صعب وشروطهم تعجيزية وكمان نفسها نفسها حترجعي سنة يعني ما حتكوني هناك اولى وتجي هنا تانية يعادلولك مواد وبعضها لأ ومشوار طويييييييييييييل

انا خلصت سنة تانية دحين ومعايا شباب محولين من ام القرى هما 2 واظنهم الاول والتاني عالدفعة

ليش تحوجي نفسك لدا المشوار الطويل والسنة التحضيرية ما في احلى ولا اسهل منها

ومن بعدها تدخلي على الطب في جامعة الملك عبدالعزيز

ان شاء الله اكون افدتك

والله يكتبلك اللي فيه الخير
:)