صديقتي اختفت من القاعه .. ادخلوو وتعرفون السالفه

[مس ارنوبه..]

مرحباااا

كيفكم مع الاختبارات
انا الحمدلله كلوو اوكي

ماعلينااا


عندي سالفه منكده عليا مرررررررررررره
اليوم تفاجأت ان صديقتي موموجوده بالقاعه وقت الاختبار
المهم سكتت وانسجمت مع الورقه الي قدامي لانو اساسا مافي وقت
وكل الوقت افكر فيها وينها عسى ماشر وليش غايبه عن الاختبار وافكاري تروح وتجي
اخرشي صرت افكر بسوداويه<< يمديكم على الكلمه هههه
قلت لايكون صارلها شي داخل الجامعه ومحد داري عنها والا طايحه بمكان ووووو اشتغل الشيطان

المهم ماصدقت سلمت الورقه على طول جري على الجوال ادق مقفل انجنيت اكثر
الين قربت من بيتنا وانا ادق عليهاا

اخرشي قلت للسواق مر بيتها اشوف وش فيها
دخلت لقيتها تتفرج التلفزيون مخربتها
تقول قررت فجأه تبطل وتنسحب ماتبي الجامعه هالترم!!!!

ممكن اعرف وش الاجراءات للانسحاب؟؟
وهل يرجعو رسوم الدراسه والا خلاص راحت عليها
والا تنفع تبقى الرسوم للدراسه الترم الجاي
ومتى ممكن تكمل ؟؟؟؟؟؟

8
8
8

بليييييييييييييز جاوبوني انتظركم ابغى اروح اذاكر

[fares_955]

اعتقد راحت عليها الرسوم لانها ماعتذرت قبل الاختبارات ثانيا انصحيها تروح بكرى للاختبار علي الاقل

تجرب حضها يمكن تمشي الامور معها خليها تجي بدون مذاكره مو مشكله الاهم انها تحضر ولاتقصري معها

[thamer2002]

اول شي صديقتك هذي المهمله مع احترامي لك ولها تعتبر راسبه لانها بكل بساطه ماحظرت الامتحان
ثاني شي فيه مواعيد معينه للانسحاب مو الواحد يقعد يفكر لين يصير بكرى الاختبار يقول ابي انسحب
هذا بخصوص الانسحاب اما الفلوس حتى لو هي منسحبه بالمواعيد اللي حددتها الجامعه مايرجعون الفلوس كامله
لهم حسبه معينه عاد وشلون وهي متأخره عليهم لذلك ماراح يرجعون لها ولا ريال .
انا نصيحتي انها تدخل وتختبر وتكمل والماده اللي غابتها الشكوى لله بس ترسب بماده ولا ترسب بكل المواد
هذا كل شي مع تمنياتي لجميع الطلاب بالتوفيق والسداد

[أم إيلاف]

اعتقد راحت عليها الرسوم لانها ماعتذرت قبل الاختبارات ثانيا انصحيها تروح بكرى للاختبار علي الاقل

[أحمد الحربي]

ياشينها إذت جتك بالراس وبطلت أختبارات

دامها ماهي مقتنعه ليش تدخل تنتسب بس أكيد أحد مأثر عليه بالكلام وياكثرهم ألي بطلوووو من كلام الاصدقاء لأن الصديق المفروض يحمسك ماهو يحطمك وليه وليش وش راح تستفيد المنتضمين مالقوو وظائف وأنت راح تلقى وظيفه


المهم أنتي صديقتها وحاولي معاها إذا أقتنعت أو خلاص تبطل
وبخصوص الاجراء تحمل الماده إذا ما جابت تقرير طبي أو شي يثبت لها ظرف طاري

[سهــآم الشــوووق]

حاولي معها تروح الإختبار بكرهـ عادي مو مشكله إذ1 راحت عليها مادهـ تشد حيلها بباقي المواد وح تجيب معدل إن شاء الله
ويصير تحمل المادهـ ,, وإذ1 ما تقدر تكمل مو مشكله أهم شي تكون بصحه وعافيه والدنيا ماهي طايرهـ
تعيد من جديد مافاتها شي ..

[ابوراكان 2009]

الفلوس راحت عليها والترم راح عليها 000الااذا نصحتيها تروح بكرة وتكمل المواد الباقية يمكن تنجح وتحمل المادة الا ماحضرتها وتنجح فيها انشاءالله 000

[sl0me]

راحت عليها

بترسب

[الحربية999]

اول شي سلام ثاني شي انصحيها ترجع

الشي الثالث وشهي الكلمة هذي اللي كتبتيها ؟ وبسرررعة ارجو الرد

سلام

[همس الورد]

والله ياجماعة أسألة السنة هذي للآن مرة سهلة مقارنة مع الأسئلة السابقة
مهارات الإتصال والإحصاء كانت مرة سهلة والله يوفقنا جميعنا
قوليلها تفكر بعقل ترى مايفيدها غير الشهادة الجامعية
أنا موظفة في روضة وتعبانة في العمل لأنه ماعندي شهادة جامعية

وكل واحد عقله في راسه ويعرف خلاصه