استفسار عن الخطه الدراسيه

[شظايا الوادي]

يا اخوان في خطتي الدراسي اشياء غريبه ابغى افهمهاا ...






1_ في بعض المواد حطوها وانا مخلصها من التحضيري الي هي 110

2_ في مواد موضحه في الصوره للانجليزي .. ما ادري ليش ندرس انقليزي واحنا انكرفنا 4 مستويات في التحضيري .. وما هي ومستوى صعوبتها عن الانجليزي التحضيري ..

3_ مكتوب في مواد الانجليزي ( للعلوم ) ايش يقصد

4_ مكتوب مواد السنه 62 ساعه ,,, كيف يبغانا نخلصها في سنه !!

[Mr-Ammar]

اول شي جوابك ع السؤال الاول،،،
ايوا انتا خلصتها في التحضيري والخطه دي حقت التحضيري اول ترمين1،2

ونفس المواد الي اخدتها
يعني دحين انتا بتطالع في الترم 3

نجي ع شغله الانجليزي
اول شي دي الخطه قديمه ،،
بدال ie203,ie204
سار عندك ie200
وهيا انجليزيـ،،وليش تدرسها عاد والله دي مشكلة تانيه،،وشوف دور المواضيع الي تتكلم عن ie200 واقرا وان شاء الله تستفيد،،

مكتوب 62 حق اربعه اترام،، وانتا قيدك مخلص ترمين الاولى تبع التحضيري فمعناتو انك مخلص 27 ساعه

فباقيلك 35
وصعب تخلصها في ترمين،، لكن دي الخطه الدراسيه ومو شرط تمشي عليها
وفي مواد ممكن ما تاخدها زي men130 ــ الي اتخصصو كهربا ماهي من ضمن خطتهم،،،

وازا انتا اتخصصت في مواد مو شرط تاخدها دحين ممكن تأجلها لانها ماهي متطلب لمواد تانيه وماهي من نفس قسمك

يعني مثلا لو اتخصصت انتاجـ،، زي ماث 203 ماهي مهمه لانها ماراح تفتحلي مواد تانيه،، ان شاء الله وصلتك الفكره

وع العموم حاول تنزل في الترم 15 ساعه يكون كويس وشوف المواد الي تناسبك وبدايه الترم اكيد راح تلقى الاعضاء يسئلو عن افضل المواد الي تنزلها ،،

وبالتوفيق

[شظايا الوادي]

مستر امر .. اولا / اشكرك على الشرح ومتميز ...

بس سؤالي عن المستويين الاول والاني للانجليزي .. هل هي معانا ولا راحت مع التحضيري .. وسبب كلمت علووم جنبها

وشكرا

[Y.S]

^^

اجتمعت المادتين في مادة واحدة والي هي ie200 والي هي مادة بحث ,,تختار موضوع وتسوي عنه بحث

ويكون في اختبار تحديد مستوي بداية الكورس

[Mr-Ammar]

امر= عمار :)

والعفو ،،،،

[شظايا الوادي]

العفو عمار ..

ما فهمت هذا الشي .. الان في اربع مواد للانجليزي

ُElcs 101 , Elcs102 , iE 201, iE 202

هل كلها صارت ماده وحده ولا في مواد لازم ادرسها غير Ie 200

[AbsolutioN]

جميع المواد اللي موجوده بالترم الأول و الثاني هذي خلاص انتهيت منها

و خلاص حطها على جنب انت الأن تبدأ من الترم الثالث

و, iE 201, iE 202
هذي ليست انجليزي هذي مواد مقدمات في التصميم الهندسي المستوى الأول والثاني

التي تم دمجها هي IE 203 و IE 204
واصحبت IE200

والماده تنقسم الى قسمين قسم انجليزي مثل اللي في التحضيري ولكن بمستوى مختلف
والقسم الثاني مطلوب انك تسوي بحث

ابح في المنتدى عن الماده وهتلاقي العديد من المواضيع التي تتعلق بها
عشين الصورة تتضح عليك اكثر

ومثل ماقال الأخوان لك
مو لازم انك تخلص المواد للي في الخطه بالشكل اللي مكتوبه فيها
يعني تقدر تاخذ مواد من الترم الرابع قبل مواد من الترم الثالث و بهذا الشكل
ولكن يجب ان لا يكون للمادة متطلب فهنالك بعض المواد التي يوجد لها متطلبات حتى تستطيع تسجيلها

[شظايا الوادي]

AbsolutioN


يعطيك العافيه الحمد لله الفكره وصلت .. بس استغرب عدم تغيير الخطه الدراسيه

.. ما سبب عدم تغيير الخطه الدراسيه ما دامهم تم دمجها .. حتى لا تختلط على الطلاب

[sultanooh]

مادة ie200

وين القاها في الاودس ؟؟

مي موجودة في المتطلبات ابد

[Mr-Ammar]

تلاقاها بدايه الترم لمن يوزعو عليكم اوراق الخطه الدراسيه،، يعني الي في الاودس دحين صفك منوـ،،