معلمة في منطقة نائية ترغب بالماجستير المدفوع

[Success key]

السلام عليكم و رحمة الله وبركاته
أنا معلمة من أهل جده بس متعينة خارج جده "في منطقة نائية" و أرغب التسجيل في الماجستير المدفوع ..
المشكلة : كيف أقدر أدرس الماجستير من دون الحضور الى جده أو الحضور لفترات بسيطة بالشهر ؟؟
سؤال آخر :
ايش الفرق بين الماجستير من داخل جده أو خارج جده "لان الرسوم تختلف"؟؟

أرجو الإفادة لتحقيق حلم حياتي ...
و جزاكم الله خيرا ....

[Brainiac]

هلا أختي...

طبعا أعتقد أنك ناوية تدرسي أحد برامج الماجستير التربوية (والذي يشترط بكالوريوس تربوي أو دبلوم تربوي بعد البكالوريوس) اللي يتم تقديمها حالياً في جدة والقصيم.

المحاضرات في جدة تكون مسائية في وسط الاسبوع.... اما في القصيم تكون في نهاية الاسبوع (اربعاء وخميس وجمعة) بمعدل مرتين شهرياً.... ويبدو لي أن برنامج القصيم يناسب ظروفك أكثر (رغم المسافة!).

ما فيه أي فرق بين البرامج اللي تقدم في جدة والقصيم ... وسبب أرتفاع التكلفة بالقصيم مقارنة بجدة هي بسبب تكاليف سفر اعضاء هيئة التدريس من جدة للقصيم لتقديم المحاضرات هناك.

[عماد الحسن]

توكلي على الله وقدمي الطلب الآن للخبرة والفائدة أو انتظري حتى يتم نقلكم لجدة أو قريب منها ، وفي السنوات القادمة يمكن لكم تحقيق رغبتكم بالدراسة والأمل موجود إن شاء الله. أما الرسوم فقد تفضل أخي بشرحها لكم حسب نظام الجامعة وهي تشمل إيجار القاعات الدراسية للطلاب وتكاليف السفر والاقامة للدكاترة.

[Success key]

المشاركة الأصلية كتبت بواسطة Brainiac المحاضرات في جدة تكون مسائية في وسط الاسبوع.... اما في القصيم تكون في نهاية الاسبوع (اربعاء وخميس وجمعة) بمعدل مرتين شهرياً.... ويبدو لي أن برنامج القصيم يناسب ظروفك أكثر (رغم المسافة!).

شكرا ع الرد Brainiac ...
برنامج الماجستير بجده يناسبني أكثر بحكم قرب منطقتي اللي أدرس فيها و مكان الأهل .... فهل يشترط الدوام يوميا لكامل الترم أو أقدر أحضر فترات ك أسبوعين في الشهر مثلا لأن ما أقدر أخذ تفرغ من جهة العمل الآن....

[Success key]

المشاركة الأصلية كتبت بواسطة عماد الحسن توكلي على الله وقدمي الطلب الآن للخبرة والفائدة أو انتظري حتى يتم نقلكم لجدة أو قريب منها ، وفي السنوات القادمة يمكن لكم تحقيق رغبتكم بالدراسة والأمل موجود إن شاء الله. أما الرسوم فقد تفضل أخي بشرحها لكم حسب نظام الجامعة وهي تشمل إيجار القاعات الدراسية للطلاب وتكاليف السفر والاقامة للدكاترة.

شكرا أ.عماد الحسن ع الرد و على رفع معنوياتي و أعطتني دافع لمواصلة تعليمي و تحقيق حلمي,,
بس عندي استفسار بسيط: هل يشترط أوراق التزكية للتقديم على برامج الماجستير الخاصة ؟؟

و اذ ممكن تديني رابط التقديم ؟؟

[Success key]

Up Up Up Up

[Brainiac]

اهلاً اختي...

فيه طلاب يغيبوا عن بعض المحاضرات لعدة أسباب ... ولكن الجامعة لها سياسه معينة في موضوع التغيب عن الغياب ... ولو تجاوزتي النسبة المحددة راح يجيك "حرمان" وما تقدرين تدخلين الاختبار.... أعتقد أن النسبة هي 30% من مجموع المحاضرات لكل مادة اذا ما كنت غلطان.

بخصوص اوراق التزكية ، هي مش شرط الزامي للتقديم ... يعني اذا عندك كان بها وراح يضيف قوة لملفك ... واذا ما عندك تقدري تقدمي من غير تزكية ......... وفيه ناس انقبلوا من غير تزكية لانه مش شرط الزامي.

وهذا رابط التقديم اضغطي هنا

بالتوفيق ان شاء الله

[Success key]

كل الشكرعلى الرد لجميع استفساراتي
ربي يجزاكم خير و يحقق لكم مراادكم