التحويل من التعليم عن بعد الى الانتظام >( متجدد )

[Just SAM]

السلام عليكم ورحمه الله وبركاته

هذا الموضوع ان شاء الله يكون تجمع للطلاب والطالبات اللي مقدمين تحويل من تعليم عن بعد للانتظام دفعه 10 ..


احنا راجعنا العماده بعد ما جات الرساله .. طلع مافي كشف خاص بطلاب التعليم عن بعد .. كل الكشوف الموجوده والاسامي خاصه بطلاب الانتساب ..!!

ف البدايه احد من طلاب التعليم عن بعد حول انتظام هدا الترم ..!؟؟

اللي عنده اي اضافه لا يبخل علينا فيها .. ومن مصلحتنا نكون مع بعض ونعرف ايش الجديد في التحويل ..

[Just SAM]

up ..

[B.M.S]

لا محد حول لسى .. كلهم انتساب مع اني ارسلت للعميد وقال انو الكشف حيوصل لشطر الطالبات على يوم الاحد

بس ماصار شي .. و لمن رحنا يوم الاحد زي ماقالوا .. قالت المديرة ( نكتب اسم و المعدل و سنة التخرج و رقم الجوال ) ..

و نحنا الطالبات بس الي معدلاتهم فوق 4 يحولوا غير كذا مافي و اعتقد عندكم قالوا من 3 و طالع

بس المهم قالت نحنا يوم الاثنين الي كتبوا اسمائهم يوم الاثنين يسلموا شهاداتهم و بكرى حينفتح شي حقنا ما اعرف ايش هوا يمكن فصدها على قائمة الاسماء ..

بس هيا المشكله في تأخيرهم لنا حتروح علينا الاماكن في الكليات و مانعرف و ين حنترمي !!!
الله يعين بس ..

و كمان بنات التعليم عن بعد الي يبغوا يحولوا يمكن بس 10 بالكثير انا امس شفت بس 6 بنات ^^" و كلهم فوق 4

و ترى عندكم في اولاد طلعت نتائجهم لا تجلس لا تسيب احد إلا و تدخل عليه اليوم

لانو فجأه حتلاقيهم في اي وقت و بدون تنبيه يقولوا بدري وينك ماجيت من اول خلاص قفل كل شي ^^"

الله يوفقك و يوفقنا و ننتظم و نتسكن في كليات نحنا نبغاها ..

[Just SAM]

طلاب التعليم عن بعد للان محد حول .. هما كانو يقولو ان التحويل يوم الاحد < يعني لسى بدري ...والعالم في الانتساب حولت ونزلت الجداول ويقولو التحويل من يوم الاحد احنا فين عايشين ..!!؟
صحيح انا دخلت ع مكتب التحويل ولقيت ورقه فيها اسماء ثلاثه او اربعه طلاب فقط ..
وكاتبين الاسم ورقم الجوال فقط ..!
لا سال عن المعدل ولا شي !!؟
عدد الطلاب قليل يعني ليش التاخير والمشاكل اللي مسوينها ..!!

والله ماني شايل هم غير موضوع الكليات وان المحاضرات تروح علينا يعني لا احنا ف التعليم عن بعد ولا انتظام ..!!؟
الله يكتب اللي فيه الخير وويوفقنا ونرتاح

[Just SAM]

ان شاء الله اليوم انا رايح العماده ...
اي طلاب ناوي يروح هما مكتبهم في الدور الثاني قدام مكتب العميد ع طول ..
وان شاء الله تتيسر الامور ويتم التحويل

[grees]

الله يسهل أموركم
فالنا التحويل


أنا معدلي عال درست ترم واحد تعليم عن بعد ينفع أحول انتظام ممكن تسألي ما عليك أمر

يعطيك العافية ويسهلك أمورك وتحول انتظام ويحقق لك كل إليّ تتمناه يارب

[B.M.S]

لا ماينفع لازم تكمل 26 ساعه حق السنه التحضرية عشان تحول

[لصمتي كلاام]

طيب والحل !!!

آنآ خلصت السنة التحضيريهـ وجبت معدل 3.90 هما قالو اهم شي فوق 3.75 ودحين يقولو من 4

حسبي اللهـ بس

ويوم رحت لهم قالو سجلي آسمك وتعالي بكرآ

ونآس تقول الاسبوع آلجآي ونآس تقووول مآفي تحويل للتعليم

آللهـ يعين كل وحدهـ تقول كلاآآم

يلآ ربي يعين ويسهل

وخبرونآ آيش رآح يصير معآكم

مودتي ~

[B.M.S]

ياقلبي انا تعليم عن بعد طلعت عيوننا معاهم بس عشان يطلعوا لنا ورقة ( للتحويل من تعليم عن بعد لانتظام )

امس طبعوها الحمدلله و قدمنا الطلب حقنا و ننتظر رد المديرة إذا حننقبل في الاقتصاد والادارة او لا

نحنا معدلاتنا فوق 4 و متمرمطين .. ياشيخه مافي تنظيم ولا مسؤولية ولا حتى بيشتغلوا بضمير

لاحول ولا قوة الا باللله ربنا معانا ..

هما قالوا هذا الاسبوع الي 4 و فوق مارح يقدروا يخذوكم لين مايتسكنوا الي 4 وفوق

و بعدين حينزل المعدل حسب المقاعد الشاغره لانو مره كثير جايبين فوق 4

انتي لا تستسلمي روحيلهم يوم الاربعاء هما قالوا الي اقل من 4 يراجعونا الاربعاء

و بعدين لسى التحويل مستمر ليوم السبت و الاحد الجاي

و كمان لا تنسى الدعاااااااااااااااااء " إنما أمره إذا أراد شيئًا أن يقول له كن فيكون "

وربي نحنا فوق 4 و عقولنا حتطير و هما بس يطلعوا كل يوم شي جديد و يقولوا حيرمونا في اي مكان

بس ربنا معانا و ماعلينا الا انو نخلي ايماننا بربنا كبير و ان شاء الله مايردنا خائبين :")

و يارب يوفقنا و نحولي انتظام

[كرهت دنيتي]

المصيبه انو انا من مكه ماقدر كل يوم انط عندهم واطلع :(

يوم الاحد رحت لهم وشقت ورقتي قدامي تقولي مافي تحويل من تعليم عن بعد لانتظام
ودي السنه ماحدرس لو ماحولت انتظام :( وحرجع اقدم في ام القرى
بليز ابغى حل