سلوى فؤاد صابر أمين

[القمره]

السلام عليكم
كل عام وانت بخير .. وعساكم من عواده

بنات انا أبي أسأل عن استاذه سلوى فؤاد صابر امين ..أستاذة التحليل الكمي ..يعني كيف اسلوبها ؟؟ شرحها للماده ؟؟ تهتم بالحضور والغياب ولا لا ؟؟ وتعطي بونس ولا كل وحده على قد جهدها؟؟ أسألتها معقده ولا سهله وعلى ايش تعتمدفي اسألتها ؟؟ شديده مع البنات ولا طيبه ؟؟

طبعا أنا سنه تحضيريه وحبيت اتعرف على اسلوب الاستاذات من بدري بيكوز أتاقلم معاهم باسرع وقت ..
وقلت استفيد من خبراتكم ..

وشاكرين ومقدرين حسن تعاونكم معنا..

أختكم القمره..

[osa]

اذاكانت هي اللي في قسم الاقتصاد
هي موبطالة في الشرح
بس اسئلتها اعتقد انها شوية يبغالها تفكير
وتحط درجات كبيرة على الاسئلة تهتم بالحضور
ترى انا ماقد جربتها بس هذا كلام صديقاتي
اناماابغى افجعك بس خذي حذرك
اتمنى اكون افدتك
بالتوفيق

[D a N a A]

حبيبي لا تخافي انا اخدت معاها كويسه والله..
اكتبي معاها وان شاء تجيبي كويس واسئلتها لو كنتي فاهمه الماده بتكون سهله انا جبت معاها A+ مشالله
ومن ناحيه الدف مرررررررره تدفك بالدرجات صحبتي كانت متاكده انها راااااسبه لانه مجموع درجاتها ماتكمل ال50 وماكانت تبى تدخل النهائي بس دخلت وماحلت كويس ومرررررره دفتها اعطتها 60

[ظل الياسمين]

أنا عن نفسي مررررررررة ما عجبتني
أسئلتها قليلة وعليها درجات كثيرة .. وتوزيعها للدرجات ما تدرين شلون قايل
وبالنسبة لشرحها فعادي لاهو شين ولا زين بالحيل
وبالنسبة للحضور والغياب مرة تاخذ ومرة لا
وبالنسبة للبونس فما تعطي بونس

[سما ليل]

منها لله ذي كانت ..؟؟؟

[AccT G!rL]

حذي معهااا انا اخذت الترم اللي فااااااات صراحه من ناحية الشرح مو بطااااال .. بس اذا كنتي علمي ما تحتاجي لها
اسئلتها نوعا ما يبغالها تفكير ما تعتبر سهلة بس تنجججججججح مررررررررره تدف وتعطي درجات بس زبطي نفسك معاهاااا هيا عسل والله :):)

موفقة يا قلبي

DaAan ايش الهرجه ورايا ورايا :P:P

[nana2]

هادي الاستادة مررره ما تعجبني ما تعرف تشرح انا اشرح احسن منهانصيحه لوجه الله تعالى
لا تاخدي معاها نص وقت الاختبار يروح وهيا تغير في الاسئلة
تقول امسحي الرقم الفلاني وحطي الرقم الفلاني شيلي السؤال هدا وحطي سؤال تاني
وما عندها ما عند جدتي ..
بس الشي الوحيد الحلو فيها والي الجميع يعرفو انها تنجح لكن ايش فايدة النجاح بدون استفاادة

[D a N a A]

المشاركة الأصلية كتبت بواسطة AccT G!rL حذي معهااا انا اخذت الترم اللي فااااااات صراحه من ناحية الشرح مو بطااااال .. بس اذا كنتي علمي ما تحتاجي لها اسئلتها نوعا ما يبغالها تفكير ما تعتبر سهلة بس تنجججججججح مررررررررره تدف وتعطي درجات بس زبطي نفسك معاهاااا هيا عسل والله :):) موفقة يا قلبي DaAan ايش الهرجه ورايا ورايا :P:P

وراكي وراكي هاااااااااااااااه..
انا رديت اول >>>>> قلبنا بنات ابتدائي..

[AccT G!rL]

ههههههههههههههههههههههه
DaAan الجداول عملت فينا عمايل :s:s

[ملاك بن هاشم]

رهيبة هذي الاستاذة

أخذت عندها تحليل كمي قبل سنتين وصراحة محاضرتها رغم انها مـأخرة لكنها وناسة وماتطفش وتحسي محاضرتها

زي العسل على قلبك وهي دمها خفيف تحبي محاضرتها

بالنسبة للدرجات تعطيكي حقك والحمد لله اخذت معها a+ بكل بساطة بس اهم شي حلي واجباتك ولاتتأخري ولاتغيبي كثير واذا غبتي جيبي عذرك وتابعي معها اول بأول

انا علمي فكان التحليل الكمي سهل بس حتى لو كنتي ادبي تابعي معها اول بأول وراح تجيبي درجة تبيض الوجه