مواد السنه التحضريه لكل البنات الي زي ماهم عارفين شي

[m!ss saly]

السلام عليكم ورحمة الله وبركاته
ممكن بغا اطلبكم طلب انتو الي دخلتو قبلنا الجامعه انا بصراحه قدمت في عبد العزيز وابغا اعرف ايش هيا المواد الي راح ندرسها بالتفصيل ومين هما المدرسات الي راح يدسونا بليييييييييييييز ساعدوني اذا ماعليكم كلفه لانو بصراحه انا ماني عارفه اي شي وحابه اطلب منكم فلا تردوني خايبه وتسلمو

m!ss saly

[الغد المشرق]

سلام ياعسل

المواد اللي حتدرسيها في الجامعه اذا كنتي علمي حتكون:

خطه أ المواد التاليه:
انجليزي مستوى أول _ حاسب _مهارات أتصال _فيزياء _ رياضيات

خطه ب المواد التاليه:
انجليزي مستوى تاني _احياء _كيمياء _احصاء

لو ما تجددت الخطه أصلا هم كل شويه قرار وخطه جديده

عموما بالتوفيق لكي اينما كنتي

:)

[weddah]

المواد نفس ما قالت الغد المشرق

والمدرسات عاد انتي وحظك

يوه نسيت اسمهم استاذات او دكتورات انسي مدرسة وابله

كل فصل يعني لهم استاذة غير

وبالتوفيق لك ولكل طالبات التحضيري

الله يهنيكم في مبنى سبعة :)

[mzat kau]

الاستازات والدكاترة مرة كتييييييييييييييييييييييير مستحيل تعرفيهم كلهم والمواد زي ماقالو اللي قبلي بالزبط

[m!ss saly]

يسلمو ياسكر بس أإأبغا أإأإعرف الخطه(أ )يعين زي في أإأإيام المدرسه الترم الأول وإأإنا اعرف انو السنه التحضيريه الانجليزي فيها اربعه كتب صح اذا ماخاب ظني وشكرا على الرد

[m!ss saly]

المشاركة الأصلية كتبت بواسطة weddah المواد نفس ما قالت الغد المشرق والمدرسات عاد انتي وحظك يوه نسيت اسمهم استاذات او دكتورات انسي مدرسة وابله كل فصل يعني لهم استاذة غير وبالتوفيق لك ولكل طالبات التحضيري الله يهنيكم في مبنى سبعة :)

يسلمو بس ابغا اعرف ايش مهارات الاتصال دي والله حاجات غريبه وكمان ايش قصدك بمبنى سبعه

[الغد المشرق]

ياعسل خطه أ او ب يعني ع حسب ماتحطك الجامعه..

هي تختارلك الخطه ماتقدري تغيري مثلا الترم الاول تدرسي ب الترم التاني حتدرسي أ..

ياحلوه الانجليزي خمسه مو اربعه بشاره حلوه مو..

مهارات أتصال الماده الوحيده السهله لايختلف ع سهولتها بنات التحضيري أجمع

مبنى 7 مبنى العلوم ..أن شاء الله تدخلي وتنوريه ياسكره

[LazoOord]

الله يسهلك وتدخلي طب أسنان

اللي قبلي كفوا ووفوا

مبنى سبعة هذا أول مرة تدخليه كأنه زي المتاهة

[بلشة]

اسمعي منيح :
مهارات الاتصال هي المادة الوحيدة الي راح تدرسيها بالعربي واسهل مادة راح تقابلك
شدي حيلك كل الباقي بالانجليزي
والانجليزي يدرسونو الخطتين زي بعض يعني كلهم مستوى اول في الترم الاول وكلهم مستوى تاني في الترم التاني اذا ما تغير النظام

بالنسبة للكيمياء والفيزياء والرياضيات والاحياء نفس الي درستيه في الثانوي واكترو من ثالث بس بالانجليزي
الاحصاء زي الرياضيات بس يبغالو مذاكرة اول باول وتركيز لانو كمان بالانجليزي
الحاسب حلو وبسيط لان ثلاث ارباع درجاتو على العملي وطبعا بالانجليزي

وان شاء الله اكون افدتك وتنجحي وانجح انا كمان .....آمـــــــــــــــــــــــين
واي استفسار تاني نادي بلشة تجاوبك

[بلشة]

مبنى سبعة مبنى حلو وكبير كلو متاهات بس راح تتعودي عليه بعد يومين من الدراسة
واول السنة للطالبات الجديدات يحطو اشارات للقاعات الي راح تدرسي فيها يعني ان شاء الله ماراح تضيعي ^_^