طلاب وطالبات الشرقية مارأيكم في استاذ عبدالباسط

[بندول]

دعوة لطلاب وطالبات الشرقية للحوار بخصوص الأستاذ عبدالباسط

كما تعلمون جميعا بأنه لايوجد مدرس في المنطقة الشرقية إلا مدرس واحد لمواد الاحصاء والرياضيات والمحاسبة وغيرها وهو الأستاذ عبدالباسط فرأيت أن أكتب الموضوع هذا للفائدة وأطرح عليكم أسئلة لكي نرى جميعا ونتباحث عن هذا المدرس الوحيد ومدى فائدته لطلبة
فأرجو أن تجيبوا على أسئلتي بإنصاف وعدل ومن غير ظلم وأنا متأكد تمام الثقة بأنه شخصيا سيطلع على أجوبتكم :

السؤال الأول : هل هذا المدرس ملم بالمواد التي يدرسها ؟
السؤال الثاني : هل يتجاوب مع الطلبة في تسؤلاتهم ويعطي المادة حقها من الشرح الكافي ؟
السؤال الثالث : هل أسعاره مرضية وتتناسب مع عدد الحصص التي يقدمها للمادة أم أنه يستغل عدم وجود مدرسين في الدمام ويرفع الأسعار ؟
السؤال : هل هناك بديل لهذا المدرس؟
شاكر لكم حسن تعاونكم .
ليس بالضرورة الإجابة على كل الأسئلة .

[بندول]

الموضوع في غاية الأهمية حتى تعم الفائدة على الطلبة آمل التجاوب يا أهل الشرقية للاستفادة من الاخطاء وتلافيها في المستقبل

[amgd999]

انت خذ حصة تجربه فيها وإذا ناسبك توكل على الله

[بندول]

المشاركة الأصلية كتبت بواسطة amgd999 انت خذ حصة تجربه فيها وإذا ناسبك توكل على الله

كلامك جميل ولكن نريد التوضيح أكثر هل فيه فائدة من الدراسة عند عبدالباسط نحن لانريد

أن نخسر فلوس على الفاضي

[ملبق غلط]

شوف اخوي ....
انا من الخبر ....ودرست مادة الإحصاء عند مدرس ( ثانويه ) لأني قريتها وشفت انها مو صعبه كثير
لكن للأسف طلعت غلطان .... لأن المدرس ماكان ملم بالماده زين ....وحتى الجداول اللي في نهاية الكتاب ماكان عنده فكره عنها
مع اني عطيته والله ( 1000 ) ريال ...... لكن ماستفدت ...وعسى الله يهنيه فيها >>>> دفعة بلا عني
نصيحتي لك :
لاتدرس الا عند واحد متخصص بهالماده ...ويكون درس ناس قبلك
وتاخذ عنده حصه للتجربه ( وبشرط يشرح لك من نهاية الكتاب مش من اوله لأن بدايته سهله مررررررررره ) واي واحد ممكن مع القراءه يعرفها
ولا تستخسر فيه اذا طلب ( 1000 ) او فوقها بشوي .......لأني وربي دفعت الف ريال ولا فهمت منه شي
واضطريت ادرس الماده بأربع حصص في جده قبل الإختبار مره ثانيه !!!!!!!!!

[لمووووره]

بالنسبه لي انا درست العام وهذي السنه مع مدرسه سعوديه شاطره ومتمكنه الحمد لله وعدينا الرياضيات والاحصاء انا واخوي لاني كنت اشرح له لما ارجع وماواجهتني اي صعوبه في المادتين اما الاستاذ عبد الباسط سمعت انه ما يعطي الماده حقها سمعت بس ما جربته ...
والله يوفق الجميع اللي مهتم وحريص بيحاول يفهم حتى لوكان المدرس مو مره

[فيصل اللهو]

أحم ... أحم <<< دائما هذي بداياتي لو تلاحظوون ههههههه

المهم ..

الموضوع مهم جدا جدا لأنه بصالح الكل وما ارضى أحد ينغش عليه خصوصا أخواني طلاب جامعتي ..
أولا أبغى أتكلم عن الأستاذ عبدالباسط ..
أو الملقب عند طلاب الشرقية بـ"الماك تشكن"<< مأخوذة من مطعم ماكدونالدز هع

لأنه من جد يحاول يبين لك أنه أرخص مدرس متخصص في المادة هذي وطبعا الكلام هذا مش من تجربتي معه ..
ولكن من شخصيات أنا جلست معهم وكان هذا هو الحوار :

أنا : قوووووة شباب؟؟
المجموعه : هلا هلا بالغالي ولد الغالي
أنا : كيفك شخباركم شلونكم ؟؟
المجموعه : زفت والحمد لله ..
أنا : أفاااا ليه عسى ما شر وش فيكم ؟؟ وش فيك يا أبو خالد عابس الوجه ؟؟ << ههههه حلووة عابس هذي
المجموعه : يا أخي الدروس كل مالها ونتعمق فيها ..
أنا :هههههه طيب لازم ...أجل تبغى سهولة أول الكتاب مثل نهايته ..
المجموعه : لا بس يا فيصل من جد بدت تصعب علينا حتى لو تلاحظ انا من زمان عن مقاعد الدراسة وأنت عارف انا ابو عايلة وخالد ما شاء الله علية كبر ومحتاج من يهتم فيه بزيادة وسالفتي سالفة ..
بس من جد أحااول افهم ما قدرت ..
أنا : طيب خذ لك مدرس خصوصي ..وعلى حسابي << أمزززح لا تصدق ههههه
المجموعه : هي فكرة حلووه بس تعرف مواعيد ودوامات ومبالغ كبيرة ..
أنا : شوف في مدرس يمدحونه حااط أعلانه بالمنتدى حق الجامعه أتوقع شفته ..
المجموعه : لا تقووول الماك تشيكن ؟؟
أنا : شنووووو ؟؟!!؟؟ << شكلة جوعااان
المجموعه : أووه سوري شكلك غشيم عنه ..
أنا : أنا اقصد أـ عبدالباسط تبع الأحصاااااء
المجموعه : أيه أيه أدررري أقوول خلك من غير مدررس أبرك لك وأحسن
أنا : ليه طيب ما يفهم هو كويس ؟؟ وألا نصااب ؟؟
المجموعه : لا مش نصاب .. بس يوهمك بأشياء وما تحصلها يعني بأختصار ما ينفعك..
أنا : أنا كلمته ع التلفون وقال أنه سفير في الجامعه من كثر ما يروح لها ..
المجموعه : تعرف تنااام فيصل .. لأني من جد طفشت من أسألتك ..
أنا : طيب أقلب وجهك ..<< من بااب الميانه ... هههههه


أتمنى ما تعبتوا من كثر القراءة بس هذا اللي صار من جد ..

وإذا في أحد يبغى مدرس كفوووو .. يراسلني على الخاص وأعطية رقم دكتور محاضر في جامعة الملك فيصل بتخصص فيزياء ومعاة بكلوريوس رياضيات وأشياء حلووة من كذا ..

بتقوول في نفسك يا حبيبي وش نبغى بالشهادات ..<< أنا عاارف تبغوا المضمون ..

أنا أكبر دليل دخلت معه والحمد لله الرجال متملك المادة وفاهمها صح ..

وسعره مقبووول جدا ..

والله يوفق الجميع ..

تحياتي لكم ..

فيصـــــ اللهـــــــو ــــــل

[بندول]

المشاركة الأصلية كتبت بواسطة ملبق غلط شوف اخوي .... انا من الخبر ....ودرست مادة الإحصاء عند مدرس ( ثانويه ) لأني قريتها وشفت انها مو صعبه كثير لكن للأسف طلعت غلطان .... لأن المدرس ماكان ملم بالماده زين ....وحتى الجداول اللي في نهاية الكتاب ماكان عنده فكره عنها مع اني عطيته والله ( 1000 ) ريال ...... لكن ماستفدت ...وعسى الله يهنيه فيها >>>> دفعة بلا عني نصيحتي لك : لاتدرس الا عند واحد متخصص بهالماده ...ويكون درس ناس قبلك وتاخذ عنده حصه للتجربه ( وبشرط يشرح لك من نهاية الكتاب مش من اوله لأن بدايته سهله مررررررررره ) واي واحد ممكن مع القراءه يعرفها ولا تستخسر فيه اذا طلب ( 1000 ) او فوقها بشوي .......لأني وربي دفعت الف ريال ولا فهمت منه شي واضطريت ادرس الماده بأربع حصص في جده قبل الإختبار مره ثانيه !!!!!!!!!

أشكرك على مروك وحاول تأخذ رقم المدرس من الأخ فيصل اللهو .