سؤال عن اختبار القبول لادارة عامه

[ahla OoOna]

السلام عليكم

بالنسبه لاختبار القبول لماجستير الادارة العامه وحده من الاخوات قالت انه العام حددولهم كتب يزاكروا منها

رحت سألت في الجامعه كل وحده ترسلني للتانيه ومحد عنده فكره


يا ريت اللي يعرف شي يفيدنا .


بالنسبه لدرجة اختبار الانجليزي وحده من الموظفات قالت لازم تجيبي الدرجه معاكي لم تجي تختبري اختبار القبول !! دا صح ولا لأ ؟؟

[حصه الجوهر]

كل وحده تفتي من عندها ماعليكي من اختبار الانجليزي *روحي اسالي عند د-عواطف امين بقسم الاداره العامه المبنى 2 ورديلي

[شاطئ الاحزان]

يااخواتي انا اليوم اتصلت على مكتب الدكتورة عواطف محد رد وفي نفس الوقت ارسلت لهم اختي في نفس الجامعة قالو لها كل شي يبان في النت وماني عارفة كيف اتصرف اخاف اروح بنفسي ومحد يفيدني

[just_girl]

ذاكروا من كتاب مباديء الادارة العامة هو شامل لكل شيء
وكمان تدربوا على اسئلة القدرات من النت
واكثروا من الاستغفار
وفقكم الله

[رامية]

صحيح الكلام الي فوق
ذاكووا من كتاب مبادئ إدارة عامة وكتاب نظرية التنظيم
وممكن تلاقوا الكتب في مذكرات في المكاتب القريبه من الجامعة
ممكن الي قدام كلية الهندسة
والله يوفقكم يا رب ويوفقنا
وشرط اللغة مش لازم دحين

[ورود الجغرافيه]

من فين اسئلة القدرات العامه ادور عليها بالنت ولا في كاتب

[ahla OoOna]

مشكووورين يا اخوات ع الردود

ارسلت وحده من البنات تسأل .

بالنسبة لاختبار الانجليزي قالوا اذا طلع في النت مستوفي شروط الترشيح عادي

وبالنسبة للدكتورة عواطف تقول ما عندها فكره هي مالها صلاح ولم قالتلها ارسلوني لك قامت اتصلت على وحده عشان تعرف منها لقت جوالها مقفل والبنت حتابع مع د . عواطف واذا عرفت شي بقلكم

بالنسبة لكتاب مبادئ ادارة عامه انا اكييد حاطلع عليه بس كنت حابه اعرف اذا فيه مراجع تانيه حاطينها السنه ولا لأ


نظرية تنظيم ولا فكر تنظيمي ؟؟


ومره تانيه شكرا لكل من رد على موضوعي

[أم المهند]

السلام عليكم
عفوا..عندي استفسار جزاكم الله خير هل ماستر الادارة العمة شرطه التوفل أو هناك دورة بديلة أو ممكن يكتفوا بدورة من معهد ؟وكم العدد المطلوب؟
مع جزيل الشكر

[just_girl]

المشاركة الأصلية كتبت بواسطة أم المهند السلام عليكم عفوا..عندي استفسار جزاكم الله خير هل ماستر الادارة العمة شرطه التوفل أو هناك دورة بديلة أو ممكن يكتفوا بدورة من معهد ؟وكم العدد المطلوب؟ مع جزيل الشكر

يوجد دورة لغة انجليزية تدرس بعد القبول النهائي
بالنسبة لدورة من معهد خارجي ماعندي اي فكرة اذا تقبل او لا
أما عن العدد المطلوب اذا كان قصدك عدد المقبولين والمقبولات فأتوقع مثل العام ( 40 )
20 من الطالبات و 20 من الطلاب
كان عدد الطالبات في اختبار القبول تقريبا 70 وتم قبول 20 منهن وتعتبر نسبة جدا طيبة
بعكس ادارة الاعمال كان اختبارهم في خمس قاعات وكانت الاعداد بالمئات وايضا تم قبول 20
لذلك اقول لكل من تقدمت للادارة العامة أن فرصتها في القبول أكبر فقط توكلوا على الله واستعدوا جيدا للاختبار

[شاطئ الاحزان]

يااخواتي ايش سالفة اختبار القدرات للادارة العامة يعني مو بس كتاب مبادئ الادارة العامة ياليت توضحو لي الله يعافيكم