سؤالين :) أي أحد يفيدني (وسؤال لطلاب القانون)

[بنت من الجامعه]

السلام عليكم
كيفكم أعضاء المنتدى
....
معليش طفشتكم بس مالنا غنى عنكم
ساعدو أخوانكم في الله عشان مو عارفين شي
الله يسترها معاكم ويوفقكم >>>شويه وتشحت
المهم حابه اسألكم
إيش هيا الماده الحرة ؟؟
يعني الماده الإختياريه ماده انا اختارها من مواد تانيه هما محددينها تحت في الخطه صح ؟؟
الحرة ايش ؟؟؟
سمعت ان نختارها من كليه تانيه !!! طييب مثلا كليه زي ايش؟؟ واي ماده عادي ولا هما يحددولي كذا ماده ؟؟؟

وسؤال تاني الله لا يهينكم
دحين انا لو أتخصصت قانون
عندي ماده اسمها قانون دستوي في الترم الاول
وماده اسمها قانون تجاري في الترم لتاني
بس انا حابة ابدلهم مع بعض
يعني احط القانون التجاي الترم الاول والدستوري ترم تاني
لانو القانون الدستوري عندي بس شعبه وحده ووقتها مو مناسبني
بس خايفه تكوون القانون التجاري صعبه وانا اول ترم اروح اتورط فيها
وأخبص الدنيا وانزل معدلي

كما سؤال معليش على الازعاج
لاحظت شي انو كل تخصصات الأقتصاد والإدارة فيها نوعين للماجستير
ماجستير عادي وماجستير تنفيذي
ما عدا القانون فيه ماجستير عادي بس ليش ؟؟
استغربت ايشمعنا ؟؟


ياليت ساعدوني الله لايهينكم :(:(
يسلموووو

[زعلوه]

المواد الحرة هي مواد تختارينها من اي كلية
وكل كلية تحدد المواد الحرة الموجودة في الكلية يعني تقدرين مثلا تختارين مادة من كلية الاداب وتنزليها كمادة حرة
هذه بالنسبة لسوالك الاول واتمنى اني اكون ساعدتك وان شاء الله اخوان يقدروا يساعدوك اكثر
بالنسبة للسوال الثاني مادة القانون الدستوري مادة ماهي صعبة بس انها ما تفتح لك اي مادة يعني ماهي متطلب لاي مادة يعني تقدرين تاجليها ما عندك مشكلة
بس القانون التجاري مادة فيها شوية صعوبة بس انها متطلب لمادتين الي هي اوراق تجارية وعقود تجارية و لو اجلتيها راح تقل المواد الي عندك في الترم الثاني وتظطرين انك تنزلين مواد حرة او اختياري عشان يكون عندك ساعات اكثر
وبالنسبة لسوالك الثالث ماعندي اي خلفية عنه..
اتمنى اني ساعدتك واي استفسار او سوال احنا في الخدمة..

[بنت من الجامعه]

يسلموو أخوي على إفادتك
بس ماده القانون التجاري أنا مح أأجلها أخوي
حأقدمها
أخليها الترم الاول بدل التاني .... مافيها شي كده ؟؟
بعدين فيها صعوبه شويه يعني نقدر نقول انها زي التحليل الكمي أو الاحصاء ؟؟
يسلموو اخوي على إفادتك ما قصرت

[إبتسامة جـرح]

حبيتي القانون التجاري يتكلم عن التجاااااار فقط ..
يعني متى يسمى تاجر ماهي الاعمال التجاريه .. وانواع الشركات ..
وهيك شي
خذيها واتوكلي ع الله هي مهمه لانها متطلب لاكثر من ماده زي ماقال اخوي الكريم ..
انا زيك كنت خايفه منها لاني ما احب التجاري .. لكن لما خلصت المواد التجاريه كلها حبيت التجاري لووووول

[ابو امتنان]

المشاركة الأصلية كتبت بواسطة بنت من الجامعه يسلموو أخوي على إفادتك بس ماده القانون التجاري أنا مح أأجلها أخوي حأقدمها أخليها الترم الاول بدل التاني .... مافيها شي كده ؟؟ بعدين فيها صعوبه شويه يعني نقدر نقول انها زي التحليل الكمي أو الاحصاء ؟؟ يسلموو اخوي على إفادتك ما قصرت

القانون التجاري ماده سهله جدا وممتعه في نفس الوقت وان شاء الله a+

[بنت من الجامعه]

يسلموووو
يعني ماهي ماده حسابيه تعتبر ؟؟؟
يعني مافيها مسائل ودا الكلام
يسلموووو على مساعدتكم ماقصرتو يعطيكم العافيه

[زعلوه]

لالا ماهي مادة حسابية ومواد التخصص كلها مافيها مادة حسابية بس هي مادة زي ما قال اخوي الكريم تتكلم عن من التاجر وعن انواع الشركات وبس هي ماده حلوه بس فيها معلومات كثيره ويحتاج لها حفظ وفهم والله يوفقك..

[K!nder Bueno]

القانون الدستوري متكلب للقـانون الإداري هذا ماأعرفـه

لذلك من المستحسن أن تأخذي الدستوري والتجاري في نفس الترم لأن التهـوّر وتأجيل واحدة منهمـا سوف تقلب خطتك الدراسيـة رأسا على عقب وشكـرا

[بنت من الجامعه]

كيف يعني متكلب

يسلموو اخوي على مرورك بس صعب اخدهم الاتنين ترم واحد
انا بس ح أبدل أماكنهم
عشان المواعيد
يسلموو

أخوي زعلوه يسلموو على تعاونك ما قصرت
ريحتني الله يريحك قول امين
مشكوور

[إبتسامة جـرح]

قصده متطلب