اخواتي محتاجه نصيحتـــــــــــــــــــــكم ...

[بنت محمد]

السلام عليكم ..

اخواتي انا مره شايله هم وطفشانه مااعرف كيف ابداء اذاكر وبااي ابداء لان موادي احسها كثير

وطويله ومضطره اخذها لاني لي الحين 5 سنوات بالجامعه وتوني ماتخرجت باقيلي ترم ثاني

كنت اققلل مواد الين ماطفشت

موادي هي

محاسبه 101
احصاء
نظم معلومات اداريه

انجليزي 2

تحيلي تنظيمي

قانون اداري

اخواتي مره مره متضايقه وشايله هم انصحوني الله يجزاكم خير وقولولي ايش اسوي وابداء باايش

ساعدوني بخطه مره نفسي مسدوده

[jalatibi]

الصعب المحاسبه والباقيه ان شاء الله سهله والمذاكره بعد العيد ان شاء الله وربك يسهلها

[my Engel]

لاتشيلين هم ولا شئ ولاتصعبينها على نفسك
وقولي(( لااله الا انت سبحانك اني كنت من الظالمين))
وتوكلي على الله
وابدئي بالمحاسبة
وعندك خمس مواد خلي لكل ماده اسبوع
بيصير شهر واسبوع
وبكذا تكونين ختمتي المواد قبل الاختبارات
بالتوفيق

[كايده لعذالها]

اختي ربي يسهلها عليك اول شئ ،، ورآح انصحك انا 6 موآد والحمد لله درجاتي مرضيه وبقولك بطريقتي في المذآكره
بالأول خصصي لكل ماده اسبوع وصدقيني ان اللي تحسين فيه نحس فيه كل بدآيه مذآكره وهو طبيعي بس اذا بديتي ماراح ترتاحين الا اذا ختمتي الماده وتحسين انك انجزتي شئ طيب ويجيك حمآس تبدين حق الماده الثانيه

بعد تختيمك حق المواد رآح تحسين انك مو مذآكره تمام ومنتي ملمه ومتلخبطه بس أول ماتبدأ الاختبارات رآح تدخلين بجو المرآجعه وتبدين تمسكين الكتاب وتقرأين تحسين انك ناسيه معلومات بس قرآءه مره مرتين رآح تشوفين الفرق وانك فاهمه ومافي شئ صعب عليك

ونصيحه اخيره لك ولكل من يمر هنا انتي بيدك تصعبين المآده وتسهلينها حآولـي قد ماتقدرين تلقنين نفسك وتكررين ان الماده سهله وناا أقدر على اجتيازها وماارضى بدرجه ضعيفه

وحطي ورقه على المرايه او اي مكان تجين يمه كل شوي واكتبي رآح اجيب الدرجه كامله بإذن الله ، رآح انجح بالمآده اعطي دوافع إيجابيه حق نفسك ورآح تشوفين الفرق صدقيني انها من تجربه شخصيه وتمنى ان كلماتي تكون هونت عليك شووي ولو اني طوولت عليك ^^

موفقه يارب والله يسهلها علينا جميعاً

[كايده لعذالها]

يحبذ لو تبدأين بالمواد النظريه ،، والاحصاء والمحاسبه والانقلش
خليها على آخر الاسابيع عشان تكون أقرب لك من ذآكرتك عشان لو فيها قوانين
طبعا بعد الحج عشان تستمتعين ومن بعده يبدأ الجـد ..

[بنت محمد]

يارب يجزاكم خير والله انكم اسعدتوني بمجرد انكم حسيتو فيني

والله اني صدقت يوم قلت اخواتي ونعم الاخوات انتو

تسلمون كلكم على دعاكم ونصايحكم اختي my مفكره ابدء بالمحاسبه عشان ارتاح

اختي كايده الف شكر على كلامك والله ريحيني كثير وببدء بالمحاسبه بعدين النظري كله وبخلي الاحصاء والانجليزي اخر شي

ودي افتك من وحده من المواد العلميه ويكون بينهم فرق

اسال الله التوفيق للجميع..