بنات الكيميا الحيوي لاتبخلو عليا

[حنان عبدالله]

السلام عليكم
كيفكم؟؟ أخباركم؟؟
أحتاجكم في مساعدة.. حوست حووووسة يمكن سويت 10 جداول.. انا دحين حأبدأ 5 سمستر.. وسويت جدول حطيت فيه أيض 1 وانزيم وثقافة 2 وأحياء 202.. وفي مادة أبغى أنزلها اسمها أمن وسلامة المختبرات لكن مو راضيــة تزبط بس تتعارض.. فأنا بأسألكم لازم أخذها دحين.؟ ولا عادي لو أخرتها؟؟..
وكمان أنا نزلت مادة إختيارية أو حره إسمها " مهارات الكتابة الوظيفية وكتابة التقارير "..
عادي أخذها ؟؟ عشان أزود عدد ساعاتي؟؟.. ولا بدري ؟؟ ولا إيش رأيكم بالزبط؟؟
بليييييييييييييييييييز ساعدووووني في أقرب فرصة لأني من جد مرة حايسة ومو عارفة إيش اسوي..

[.vib]

شوفي ياعسل اذا مازبطت معاكي انا من راي تاخدي مادة اختياريه مكانها

تقارير سمعت انها ماده حلوه وسهله وكمان مصطلحات سهله بس اهم شي ماتكون مع سوسن رحيم الدين

فيه ماده كمان اسمها هرمون برضه الماده حلوه وسهله

[حنان عبدالله]

vib مرررررررررررة ثانكس..
بس برأيك مااخذ أمن؟ عادي محتضرني؟

[.vib]

لا حبيبتي باذن الله مارا تضرك لان الماده ماهي متطلب لمواد تانيه

اتوكلي على الله واستخيري وربي يسرلك ان شاء الله

وبعدين المادة بساعه يعني مامنها ضرر لو اجلتيها

[batbot]

اذا ماخذتي عربي 2 خذيها
او خذي مادة حرة
و بالتوفيق

[.vib]

صح حلوه فكرة بتبوت منها ترفعي المعدل كمان

[حنان عبدالله]

أخذت عربي 2..
وماعندي مواد أقدر أخذها غير أمن ومواد حرة او اختيارية..
Vip مررررررررررررررررة ثانكـــــــس.. من جد مرة ريحتيني ياقلبي..

[R-Kh]

ايض 1
خديها مع د.نجوى الصاوي
لانها تحدد السايكل في الاختبار
...
انزايمز
انا اخدتها مع د.وديعه
وتعبت بشكل معاها
هيا المادة سهلة
بس اسئلتها غريبة
...
احياء 2
عند د.سهيلة قاري
رائعة من جد
...
وخدي حرة من الاقتصاد المنزلي
موادهم سهلين
..
:)

[حنان عبدالله]

ثانكــــس R-Kh
شكلي خلاص محأخذ أمن وسلامة وحأمشي على نصيحتكم بس انا كنت مترددة لأنو الأمن نازلة في الخطة عندي..

[زود الـــغـــلا]

حبيبتي اذا امن ماتضبط خذي مصطلحات مرررة حاتفيدك

او خذي حرة

انتي شوفي ايش يضبط معاك

وبالتوفيق