نبذه عن اختبار تحديد المستوى

[..ريما..]

بسم الله الرجمن الرحيم

السلام عليكم ورحمه الله وبركاته

كيفكم صبايا ؟

حابه اعطيكم فكره عن اختبار تحديد المستوى لاني شفت الكل متوتر

يشغلون لك شريط وبعد ماتسمعي الشريط تبدي تحلي على حسب

اللي فهمتي من الشريط

مشان هيك لحد ياخذ هم لانه مايعتمد لا على قواعد ولا مفردات

اللهم على فهمك للانقلش

وانا مرره ماني مايده هذي الفكره لان في اختبار القدرات في قسم

الاتقلش مافهمت الا شي بسيط

واللي مافهمته اظلل اي حرف وكتييير من البنات اعرفه عملو

مثلي

واتوقع حتى في اختبار تحديد المستوى كثير راح يعملو مثلي

ويمكن البنت لما تظلل اي حرف يمكن تطلع اغلبيت اجابتها صح وتكون

مع دفعه ممتازه في الانقلش وراح

تتعب كثير في الدراسه

ياليت يدورون طريقه احسن من سماع الشريط والحل

معليش اذا طولت عليكم بس عندي استفسار

بنات الانتقالي والتاهيلي اذا ماجابو معدل يحولونهم انتساب؟ وكم

اقصى معدل يجبونه عشان يتحولون انتظام؟

دمتم بود

[★☀ تتعب معيےُ☀★]

إهلين,,
شوفي ياريما إنا تأهلي بس دوبني إول مرة إعرف عن إنو إذا ماجبنا معدلاات يحولونا إنتساب

صحيح الكلام هذا؟؟؟

بليز إستني الرد..

[..ريما..]

والله ياعمري في موعد تسجيلي قالو خلاااص الانتقالي قفل

بافي تاهيلي وفرع البنات في الفيصليه وقالو التاهيلي اللي ماتجيب معدل تتحول انتساب

مدري يمكن يكذبون علينا يبغون يصرفون للكليه

دمتي

[★☀ تتعب معيےُ☀★]

معرف بس إنا لمن سألتهم هناك (السليمانيه) قالو تأهيلي نفسو نفس العادي
بس اللهم مسائي وبدون مكافئه وإذا جبتي معدل تقدري تحولي صباحي
وكمان قالو إنو تقدري تدخلي إي تخصص تبغيه بس ماقالو شئ عن الانتساب
مدري وربي يبغالنا نسألهم ونشووف ,,
مودتي لكـِ,,

[MNMO0ONA]

لا مايتحولو انتساب
يخلوكي تاخدي صيفي وادا برضو مارفعتي معدلك يدوكي فرصه الترم الاول وادا كمان برضو مارفعتي معدلك يطوى قيدك من الجامعه يعني تنفصلي
ودا الكلام مو بس للإنتقالي والتاهيلي
حتى الانتظام

[★☀ تتعب معيےُ☀★]

المشاركة الأصلية كتبت بواسطة mnmo0ona لا مايتحولو انتساب يخلوكي تاخدي صيفي وادا برضو مارفعتي معدلك يدوكي فرصه الترم الاول وادا كمان برضو مارفعتي معدلك يطوى قيدك من الجامعه يعني تنفصلي ودا الكلام مو بس للإنتقالي والتاهيلي حتى الانتظام

مشكورة حبيبتي وربي خفت,,لأنهم ماجبولنا سيرة عن الانتساب
تسلمي.

[..ريما..]

اخخخخ منهم يعني كذبو عليا

طيب اوريهم >>>مسويا نفسها شخصيه من بدري


يسلمو على الافاده بس محد اداني رايه في الاختبار

دمتم

[MNMO0ONA]

وبعدين لاتجلسو تسمعو كلام اي احد وتوترو نفسكم
مكتوب في موقع الجامعه الطالب اللي معدل اقلو من 2 ومارفع معدلو خلال 3 اترام يطوى قيده من الجامعه مو يتحول انتساب
وزي ماقلتلكم في البدايه حتسمعو اشاعات وكلام عن التاهيلي ومن ضمنها انو تتحولو لانتساب والتخصص اولى لبنات الانتظام وووو
التخصص اولى لصاحبه المعدل الاعلى
ومايطبق عالانتظام يطبق عالتاهيلي
وانتو ماعليكم الا تجيبو معدل عالي ومحد حيوقف قدامكم وقفلو ادنكم عن الاشاعات اللي زي كدا
وانتو بازن الله قدهااا
والله يوفقكم يارب

[MNMO0ONA]

ويسلمو ريما عالفكره اللي وضحتلينا هيا
جزاك الله الف خير وجعلها في موازين حسناتك يارب

[..ريما..]

ولوووو انا حاااضره للناس الطيبين


دمتم