طالبات ماجيستير أحياء دقيقة ساعدوني الله يوفقكم

[جرح الغلا]

السلام عليكم و رحمة الله و بركاته



انا خريجة احياء دقيقة وان شاء الله اقدم على الماجيستير هذا الترم

وعندي استفسار يا ليت تساعدوني

بارك الله فيكم



* ابغى اعرف امتحان الماستر بتكون الاسئلة من تخصصي او لا

لاني سمعت انه الاسئلة عامة احياء - احصاء - فيزياء ......

هل هذا الشيء صحيح او لا ؟
و ايش يعني مواد تكميلية ؟



و اذا تنصحوني بكتاب معين او اي شيء ممكن يفيدني الله يوفقكم



* اذا إن شاء الله انقبلت في الماستر هل ضروري اعمل تأجيل الى

ان انجح في التوفل ؟ او ممكن ادرس الماستر وفي نفس الوقت ادخل

امتحانات التوفل ؟




الله يسعدها و يوفقها و ينور دربها اللي ترد عليه حتى لو معلومه بسيطة

[جرح الغلا]

زار الموضوع 6 أعضاء معقولة

ما أحد عنده معلومة تفيدني

الله يخليكم لا تطنشوني

[طابة متخرجة]

انا زيك ابغى نفس الاجابة

[smile flower]

المشاركة الأصلية كتبت بواسطة جرح الغلا السلام عليكم و رحمة الله و بركاته * اذا إن شاء الله انقبلت في الماستر هل ضروري اعمل تأجيل الى ان انجح في التوفل ؟ او ممكن ادرس الماستر وفي نفس الوقت ادخل امتحانات التوفل ؟ الله يسعدها و يوفقها و ينور دربها اللي ترد عليه حتى لو معلومه بسيطة

وعليكم السلام ورحمة الله
انا حجاوبك عن الشق اللي يخص امتحانات التوفل
طبعا انتي لمن تقبلي ان شاء الله وتسلمي اوراقك لازم تكون معاك افادة اجتياز الاختبار او ما حيستلموا منك اوراقك ويطالبوكي بعمل تاجيل للقبول الين تجيبي الافادة فاحسن شئ انك تبدأي من الان بدخول اختبارات التوفل عشان ترتاحي من ناحيته...
وموفقة ان شاء الله

[جرح الغلا]

مشكوره حبيبتي ما قصرتي

[ام ريناس]

اولا اذاحابه تكملي في الاحياءمايحتاج مواد تكملية هذه تكون للي تبغى تقدم في غير تخصص البكلوريوس والاسئلة الاختباركانت اختياري من االاحياء شاملةاحياء<حيوان ونبات ودقيقة
بالنسبة للكتاب مقدمة علم الحياة لنبيه باعشن الجزأين التركيبوالوظيفة والثاني التنظيم والتوجيه الطبعة الثالثة وبالتوفيق لي ولك
[/quote]

[فراوله]

وعليكم السلام أختي
أولا أسأل المولى عزوجل انه يوفق الجميع للقبول
ثانيا أنا ماستر أحياء علم حيوان وبالنسبة للاختبار جميع تخصصات الأحياء(حيوان - نبات - ميكرو) يختبروا نفس الإختبار مع بعض وبالنسبه للأسئله فقط فيما يخص الأحياء بفروعه أما بالنسبة للمراجع فأنا أنصح كل الطالبات وبشده أن يرجعوا إلى كتاب الدكتور نبيه باعشن مقدمة علم الحياه بأجزائه مع قراءة الأسئلة اللي ورى كل فصل
ثالثا بالنسبه للتوفل فصاحبتي قدمت الترم اللي فات ومااجتازت التوفل لكن نجحت في اختبار القبول فقال لها موظف في البنين ادرسي وخلال الترم الأول أعتقد تمتحني التوفل وتجتازيه
دعوااااااااتكم

[ام ريناس]

فراولة حبيت اسال كيف الدراسة علشان انااول ترم ليه دحين ومسجلة مادتين فقط هل صعبة يطلبوا بحوث على طول ابغ شرح مفصل عنها وعن احسن مساروعن الدكاتره

[جرح الغلا]

بارك الله فيكم اخواتي الغاليات

وجعل لكم من كل هم مخرجا

[فراوله]

أختي أم ريناس حياك الله أولاً عن الدراسه فهي سهل ممتنع أحسن شي تذاكري أول بأول وهي على حسب الأستاذ بس بصراحه كل الدكاتره مره خلوقين وبالنسبه للأبحاث شيء ضروري لأنك ماستر يعني بعض الدكاتره يطلبك بعد كل شبتر تقرير (بحث مصغر) وبعضهم لا في الترم كله بحث واحد ...
أما المسارات فهذا يرجع لميولك إنتي بس أنا أفضلك تشوفي مسار تحتاجه الجامعه أو الكليات عشان الوظيفه لأن أغلب الطالبات ألاحظ متكدسين على تخصص واحد هو الأجنه والجامعه مشبعه معيدات ومحاضرات تخصص أجنه فإيش الفايده إني أدرس وأتعب وبالأخير التخصص مافيه عجز ولا عليه طلب وقبل كل شي استخيري واستشيري وحاولي من أول التيرم تحددي مسارك عشان تشوفي المشرف أو المشرفه وتتكلمي معاها قبل ماأحد يسبقك ويحجزها