ايش طلبات معمل احياء 281

[Nada90]

يابنات _ احد يعرف ايش طلبات معمل احياء 281 ؟؟
لأنى هنزل في هادا الويك اند اشترى كل طلبات المعامل .. وماابغى انزل ستين مرة

ياريت اللي تعرف تقوللنـــا

[M!Ss AmoOoLa]

اممم المعمل مايحتاج شيء زي معامل البايوك
بس اشتري الكتاب المقرر ودفتر او فايل عشان ترسمي فيه وبس

[R-Kh]

مممم
معمل احياء 281 على ايامنا
كان فايل اوراق عشان الرسم
وادوات تشريح عشان الفأر < كل 6 بنات مع بعض مو لازم كلهم تشتروها لو وحده اشترت كفاية
والكتاب (مقدمة علم الحياة العملي الجزء ا لعملي الجزء الاول .. د.نبيه باعشن) < بس ما اعرف لو اتغير دحين او لا
ومناديل ديتول
وبس
..
:)

[Nada90]

رهوووووووووووووم كيفك ؟؟؟

رنيتي اليوم بس انا ماعندى رصيد _ سامحيني

كنتي تبغى شيء ؟؟؟

انا حطيت السلايدات في دار حافظ خلاص ..

[الفنانة]

المشاركة الأصلية كتبت بواسطة r-kh مممم معمل احياء 281 على ايامنا كان فايل اوراق عشان الرسم وادوات تشريح عشان الفأر < كل 6 بنات مع بعض مو لازم كلهم تشتروها لو وحده اشترت كفاية والكتاب (مقدمة علم الحياة العملي الجزء ا لعملي الجزء الاول .. د.نبيه باعشن) < بس ما اعرف لو اتغير دحين او لا ومناديل ديتول وبس .. :)

r_kh هدي الاشياء لمعمل bio202 ">_< ..!!

معمل bio281 لسا مادخلناه *_*

[R-Kh]

المشاركة الأصلية كتبت بواسطة nada90 رهوووووووووووووم كيفك ؟؟؟ رنيتي اليوم بس انا ماعندى رصيد _ سامحيني كنتي تبغى شيء ؟؟؟ انا حطيت السلايدات في دار حافظ خلاص ..

سمعت اسمك وما شفتك
كنت ابغا اشوفك بس
...
حطيتهم خلاص,, الله يسعدك يارب
..
:)

[Nada90]

ياللا نعوضها ان شاء الله _ الجايات اكتر ..
بس الأوراق حقت الرسم _ ورق عادى ؟؟ واللا مسطر واللا ابيض سادة واللا رسم بيانى ؟؟؟

[R-Kh]

^
ورق a4 ابيض
..
:)

[Nada90]

ثانكس ....

بس مافي اي معمل هنحتاج فيه ورق رسم بيانى ؟؟؟
لأن في استاذة حقت معمل كيمياء حيوي _ تدرس لصاحبتى مو ليا _ قالت نحتاج رسم بيانى
بس استاذتنا ماجابت سيرة البيانى ابدا

[M!Ss AmoOoLa]

تحتاجو الرسم البياني
اكتبيه في لستت الطلبات