إستفسار هام بخصوص الجدول

[:: juventino ::]

كيف حال الجميع إن شاء الله بخير ..

جدولي نزل وحطوني خطة (ب) ..
لكن ماهم كاتبين في الجدول موعد الحضور الوقت والمكان والأشياء هادي !!؟
ياليت لو تفيدوني .. لسه أنا فريش ستيودنت ..

[ghadeer89]

فيه تسجيل للدوره حتلاقيه في النظام ...

[العلم والعالم]

المحاضرات وغيرها غير مهمة

وإذا تبغى محاضرات الدورة التأهيلية فسوف تنزل لا حقا

[:: juventino ::]

مشكورين ماقصرتو ..

لكن سؤالي .. هل توجد محاضرات لطلاب الإنتساب ولا الإكتفاء فقط بحضور الدورة التأهيلية ..
ياليت أحصل جواب ..
لإني كنت في العمادة قبل شوية وقالولي طلاب الإنتساب مالهم محاضرات .. الكلام هذا صحيح ولا لا ؟؟؟

[Saad M Subeiy]

ايه صحيح مالهم محاضرات ولا حضور لانهم على اسمهم انتساب


لكن لهم دورات تاهيليه تسجل فيها عن طريق النظام ويعطونك جدول تروح تحضر محاضرات لمده تقريبا اسبوعين فقط

وبعدها على الاختبارات وورنا شطارتك

الله يوفقكم ويوفقنا

[عازف]

زي ماقال سعد بالتوفيق

[:: juventino ::]

ألف شكر أخ سعد ..
بس تساؤل أخير معليش تحملني ..

هل الدورة التأهيلية شاملة لكل مواد الفصل الدراسي .. غير كذا الدورة هاذي كل سمستر وكل سنة أكيد مزبوط ؟؟

[ghadeer89]

الدوره شامله لكل المواد وزي ماقلت كل ترم ...

[أفنان درويش]

لو سمحتوا ساعدوني ضروري إش يعني خطة أ و خطة ب ,, كيف أعرف إش الكتب يلي لازم أذاكر منها . أنا حيرانى...
اخاطب جميع طلاب الإنتساب المستوى الأول كيف أحصل على الجدول ....
أنا آسفة على الإزعاج بس حابة أعرف إش نستفيد من الدورة التأهيلية و لازم نسجل فيها ......
و كيف نسجل فيها ؟؟؟؟

[:: juventino ::]

مشكورين جميعاً ..

بالنسبة لـ تساؤل الأخت .. الدورة التأهيلية تقدري تسجلي فيها من خلال صفحتك الخاصة ..
يجيلك إعلان الدورة إضغطي تسجيل .. وتكوني سجلتي ..

أما الخطة .. الفرق بينها حسب علمي في ترتيب المواد وكميتها ..
يعني خطة (أ) يدرسون خمسة مواد في الفصل الأول وأربعة في الفصل الثاني .. وخطة (ب) عكسها تماماً ..

أتمنى أكون أفدتك ..