انا منتسب جدبد خطة أ وابغي نصائح الشطار الفاهمين

[هوايتي الهجولة]

السلام عليكم ورحمة اللة وبركاته
اخواني اخواتي انا طالب جديد منتسب خطة أ ولا اعرف اي شي عن الدراسة الجامعية واليوم اشتريت الكتب واطالع في الكتب وماني عارف ايش اسوي وسمعت انه في دورة تقام في المساء تساعدنا لفهم المواد ولكن للأسف انا في الفترة الحالية خارج مدينة جدة وما يمديني احضر الدورة وكمان انا ما أعرف ولا احد يدرس معانا في الإنتساب عشان على الأقل بمديني اتكلم معاه على الأقل استفسر منه عن الكتب ولكن اليوم سمعت عن المنتدي هذا وفرحت كثبر لأنه انا كنت ابحث عن صديق واحد بس يساعدني افل شي عن طريقة المذاكرة وايش الى معانا وماهو معانا ووجدت هذا المنتدي الى فيها مئات الأصدقاء الى ما يبخلواعلي بعضهم بالنصائح.....

سئوالي هو ( انا الحين قدامي الكتب كلها هل اذاكر الكتب هذي من اول صفحة لأخرها ولا في اشياء ماهي داخلة معانا في الإختبارات واذا كان يوجد اشياء ماهي داخلة معانا في الإختبار كيف اعرف؟ او عن طريق مين اعرف ؟ وهل من المسموح الإتصال بمدرس المادة عشان اعرف ايش الى معانا ندرسه وايش الى ماندرسه في المادة الى يدرسها)
وكمان في سئوال تاني ( ابغي اعرف كيف احصل على ملخصات في مواد خطة أ ؟) وبس
وانا اسف على الإطالة ولكن عشمي كبير فيكم انكم تساعدوني لأني والله نفسي ابدأ اذاكر بس ما أبغي اذاكر وانا ماني عارف ايش اذاكر بالضبط ... والله يجعلها في ميزان حسناتكم
انا استني نصائحكم عشان ابدأ اذاكر