خريجة إلى اشعار أخر :p

[اعلامية فاشلة]

مسهــم بـ الخير والرضى .. < متكيه وتشـرب قهوه ..
وألله اني قاعده .. أتمشى واحوس فـ العم قوقل ، ومير اطب بـ هالمنتدى قلت .. خلن اشوف وش عندهم وش ماعندهم ..
طبعاَ الكتاب واضح من عنوانه .. تخيلو معي ياجماعه .. ..
1
2
3


< تترك لكم مجال لـ التخيل < عز الله ماوراك سالفه ..

اي .. انا خرريجة بإذن الله .. سنه رابع ، مستوى ثامن .. لا زياده ولا نقصان ..
وعشان أبحر فـ الترم ذا وأكرف وأكل هوى فيه .. لازم اضيف مادة مشروع + تدريب عملي 2 واللي صادف انها كلها تتعارض مع مادتي [ صحافه مجله + صحافة متخصصه ] .. طبعاَ بعد أكل الهوى والمرمطه فتحو شعبه تدريب عملي .. والحمدلله ياكريم ولكيييييييين يازوالة الخير = يعني ياجماعة الخير .. فِضل لي مشروع واللي يتعارض ، مع صحافة مجله ..
وخلص اسبوع .. مراكض من القسم لـ الشؤؤن التعليميه ،، عز الله اللي يبي يستعيد لياقته يراكض ورا هالجدول .. مايخلص عليه اسبوع الا وريال مدريد طالبينه ، ينضم لهم ..
الزبده / طالت خشومكم ،، .. أننا [ بنات ]الإعلام نعاااااااااااااااااني .. قلة هيئة التدريس .. وطبعاً أول دفعه أمثالي .. [ بما أن القسم جديد ] نإكل بـ العربي هواا { بجميع الأنواع بعد }.. يومين ونفتح لنا بوفيه .. من زود الخبره ..
واللي يحوم الكبد ، ويرفع الضغط ، ويجيب انفلونزا الخنازير وكلش .. أنك لأرحت لـ اللي فوق فوق .. يعني .. [ فهمكم كفايه ] .. يروح صوتك فـ الشرح .. شوي و حبالك الصوتيه وتقول : ابلشتني ياخي انطططم .. وأنت مسترسل فـ الكلام وتشرح له معاناتك .. أخرتها تتفاجأ فيه يقول : طيب ؟؟؟؟ لعنبوا ابليس . وش طيب ، انا جيتك عشان تقول طيب ، ؟؟ والا عشان اشوف هالملإمح أللي تقطع الرزق .. لو ماتصرفت أنت مين يتصرف ،، وشوي ، تتحول على ناس أخرى ، وهالناس الأخرى يرجعونك على الناس الأولى ، وياقلب لأ تحزن < من أول تبي مجال تكتب هالكلممه

{ تراني ياجماعة الخير .. مادحدرت منتديات ولاني احبها ،، بس قلت اشرح معاناتي ، وداريه ماعندكم ماعند قراند ماذر ، < قليلة خاتممه .. .. / أبد والله اني اشرح معاناتي < وكل دقيقه تفتح الجدول تشوف عسى فتحو شعبه ونزلو لها مشروع .. مير الله ابقى ، وماباليد حيله ..

وصلى الله على خير الأنام / اعذرونا ع الإطاله < ماتنعطى وجه لاجات تعبر