سددت الرسوم لكن بلخطأ ياليت تفيدوني رجاءا بسررررررررررعه

[الأسد الحنون]

السلام عليكم

ندش بالسالفة سيدا

توي كنت واقف عند الصرافة
وشكل فيني نوم

المهم
دخلت خدمات اخرى ودخلت سداد فواتير
ودخلت رقمي الجامعي وشكلي دخلته بالغلط انا اخر رقمي رقم 4 وضغطت رقم 1

المهم سددت المبلغ وانا مو على بالي
ويوم طلع الايصال ولاني اشوف اخر رقم مكتوب 1
واشيك على رقمي واشوفة 4
ضاق خلقي
وادخل على رقمي واحصله مو مسدد << احلف
وادخل على رقم هالرجال واحصله مسدد << ماقصرت يالاسد

الا قولوا لي وش السواااااااااااااااااات اويلاااااا تكفون
انا من الرياض ومقدر اروح للجامعة بجده
فيه حل نحل هالبروبلم اللي مادري وش يبي


ولكم مني دعوه بظهر الغيب
ودعوه هووون
الله يجزاكم الجنه ياللي بتردون على هالموضوع

[الأسد الحنون]

وش دعوه
محش بيرد عليا *؟*

[بندور الأمور]

خطأ فادح ومعقد والله يعوض عليك المبلغ

[بلجيكي]

تسديد وشهو التسديد من بداية الأنتساب كيف متى اين أرجوا التوضيح

[الأسد الحنون]

ندور عز الله انك ضيقت صدري ^_^


بلجيكي وش دعوه ماتعرف وش الرسوم!!

هذي الله يسلمك رسوم الدراسة الترم بـ 3 الاف

[الأسد الحنون]

شباب افيدونا الله يحفظكم وش الاجراء اللي يحل هالمشكله ؟؟

[dedo-19]

كيف دخلت على رقم الرجال هل تعرف الرقم السري حق الرجال؟؟

وبعدين الاوديس مقفل كيف فتح معاك؟؟

[حافية القدمين]

السلام عليكم

الله يعينك فعلا مشكلة معقده وصعبة والجامعة للأسف ماتتحمل اى خطأ وهذا ما قرأته في الكتاب حقهم

الله يعوضك خير 00 اذا الايصال عندك روح لراجحيواحكيله المشكله وخليه يطلع لك رقم الحساب اللي ارسلت عليه ويطلع لك اسم الشخص ورقمه واتصل عليه واتفاهم معه

وقبل ماتروح دبر المبلغ وسدد الرسوم لانه مابقى شئ عن اخر موعد للسداد

الله لايحطني ولا الاخوان في موقف مثل هذا

والله المعين والكريم يوقف معك

[][_ غــــــيــــــر _ ][]

على كل حال اخوي ما اعرف كيف استطعت
الدخول لرقم الطالب او الطالبة بعد السداد ومشاهدة وضع سداده
لكن الجهة المسئولة عن الامور المالية في الجامعة
هي عمادة خدمة المجتمع والتعليم المستمر .. تستطيع التواصل معهم
عبر الفاكس او الايميل اولا الاتصال الهاتفي او الحضور شخصياً للعمادة
المهم لا تنسى الاحتفاظ بايصال السداد او أي اوراق اخرى تثبت انك سددت لطالب آخر ..

[الأسد الحنون]

تسلمون

ممكن احد يعطيني رقم للعمادة؟