ملخصات فيزياء-رياضيات

[ديديAA]

صباح الخير يا بنات

انتو عارفين ان الإختبارات جايه ونبغا نذاكر من الحين !!!! بس نبغا وحده عند ملخصات للفيزياء(من شبتر 1الى6) والرياضيات(من 1-6 إلى 3-4) عشان نذاكر منها.. او اسم كتاب نشتريه تكون جربته في الإختبار الاول واستفادت منه ...

يالله يابنات نبغى نساعد بعض

[Morsheed]

بالنسبة للفيزياء أنصحك بملخصات أشرف بركات ممتازة جدااااااااااا

أما بالنسبة للرياضيات فيقولو ملخصات حمزة أبو جبل ممتازة

[fat0om]

http://www.skaau.com/vb/showthread.php?t=124811

[ديديAA]

مشكورين يا بنات

بس انا نزلت المكتبه وسألت عن ملخصات اشرف بركات .. قال من 1-6 الى 3-4 باقي ما نزل متى تتوقعوا ينزل ...؟!؟!؟!

[The golden girl]

^ ^
حتى أنا قال كذا وقال تنزل قبل الأختبارات

[لحن الحياهـ]

انا عن نفسي دوبني اشتريت
الفيزياء للـ يوسف زويل .. شكلها كويسه
والرياضيات للـ محمد غريب بس لسه ماذاكرت .. حبدا مذاكره ان شاء الله
من اليوم
والله يسهلها عليا يارب

[maro0o]

هااااي
كيف حالكم شباب وصبايا
إن شاء الله طيبين
ندخل في الموضوع
افضل ملخص للفيزياء تبع اشرف بركاات لانو مدعوم بامثله واسئله حقت اختبارات العام الفايت
ينباع في مكتبه الشقري بسعر 30 ريال
نجي للرياضيات:
طبعا الافضل تبع البروفيسور حمزه ابو جبل لييييش؟؟؟
لانو رئيس قسم الرياضيات تبعنا وكمان شرحو مبسط وسلس وفي دورات بيعملها الي يبا يحضر يحضروتقريبا كل الاسئله حقت الاختبار مشابهه لملخصو يعني تضمن الفل مارك
ودمتم سالمين

[miss-rahaf]

^
^
^

ممكن كويسشن ^_*

دحين ملخصات اشرف بركات وحمزه ابوجبل فين موجوده ؟؟

كلها في الشقري ؟؟ وهل نقدر نشتريها من جوه الجامعه قسم البنات ؟؟

وهيا نفسها الموجوده بالنت ولا دي جديده حقت السنه دي

اتمني بليييز اي احد اشتراها يفيدني =(

محتااااجه بالدووري التاني اجيب الفل ماارك

[kim loode]

في اي مكتبه ملخصات اشرف بركات

و حمزة ابوجبل

تسلموووووووووووو

[maro0o]

اممممممممم
انا الي اشتريت حقت اشرف بركات من الشقري الي عندنا بالجامعه انتو روحو هناك وإن شاء الله تحصلوها
اما الرياضيات من موقع الدكتور نفسو واذا تبو الرابط احنا حاضرين
وصدقوني الفيزياء تضمنو الفل مارك وانتو مغمضين بس برضو زاكرو بعض الاسئله من الكتاب احتياط
والرياضيات لسه مازاكرت الين دحين لان الرياضيات اشوفو سهل كلو ريبيت