بناااات خطة ب تعاالو هنا مهم جداااا

[ام لمارا الحلوة]

لسلام عليكم ورحمة الله وبركاته



كيف حالكم يا طالبات الإنتساب إنشاءاللبخير وكيف مذاكرة الإحصاء معاكم إنشاءالله تمام

في أمور مه حابه أوضحلكم هيا لمادة الإحصاء نبدأ بسم الله...

أولا: تم بحمد الله نزول محاضرات الإحصاء تسجيل فيديو على الرابط التالي تقريبا أقدر أقلك معظم الأبواب يعني إذا في باب عملت كليك عليه عشان تنزليه ما فتح إن شاءالله حينزل على بكره لا تخافي ولا تقولي "ليش مانزل و مشكله ....إلخ " وهذا الرابط:

http://elearning.kau.edu.sa/accesspa...www.kau.edu.sa

وبالنسبه للعروض اللي كنا بنشرح منها موجوده على هذا الرابط:

http://elearning.kau.edu.sa/Show_sub...www.kau.edu.sa



ثانيا: يا بنات المذاكرة من الكتااااااب لو سمحتو العروض مساعده لكي بس الإكتفاء بالمذاكرة منها بس مااااينفع .



ثالثا : الساعات المكتبيه فقط للأسئله عن النقاط اللي ما فهمتيها بعد إستماعك للشرح أو المساعده في حل تمرين وليست للشرح من أول وجديد "بتكلم عن نفسي باقي الأستاذات ما أعرف" وآآآآآآآآسفه جدا إذا جيتو وما لقيتوني المكتب بعض الأوقات والأيام هاذي مررررره ضغط ...الله وحده يعلم قد إيش مضغوووطين



رابعا: أنسولي جملة " إيش المحذوف " لأنك لو ظليتي تجري وراها عمرك عمرك ماراح تنجزي شي في الجامعه "كانت بس في المدرسه "



خامسا: يوم الإختبار لا تنسي تجيبي آله معاك تحتوي على الجذر أهم حاجه والآله الكبيره مو ممنوعه أيا كانت المهم تكون معاك آلتك واستخدام الجوال كآله مممممممممنوع .



سادسا: لا تنسي أدواتك كامله في الإمتحان لأنك أنت المتظرر الوحيد؟؟!



أخيرا أنا أرفقتلكم مخطط المقرر للي ما عندها وبلييييييز ذااااكروا قد ما تقدرو ودعواتي لكم بالتوفيق...."وخليكي واثقه دائما وأبدا أنه ربي ما بيضيع تعبك إذا أنت تعبتي وذاكرتي تماااام

أ.عفاف العماري