من يبي يخاويني من الرياض الى جده

[dumtca]

السلام عليكم
انا صراحه قريت موضوع عرعر واعجبتني الفكره لاني كنت ناوي ادز لجده لحالي كل اللي اعرفهم اللي بيروح بالطياره واللي بسيارته وانا صراحه ابي اروح بسيارتي يكون اريح .... الخ

المهم اللي يبي يخاويني من الرياض الى جده يكلمني على الخاص وبرضه ما ابي منه شي الا السوالف وتقطيع الخط
ومو مشكله لو اثنين ولا ثالثه يكون احسن وعلى فكره خدمه خاصه نمرك عند بيتك
للعلم
اول اختبار عندي يوم الخميس بس ابمشي يوم الثلاثاء إن شاء الله من بعد صلاة العصر
السياره مازدا 2007 نظيفه والحمد لله
السرعه بين 140-160
الجو زكرته

[منبع الرياض]

ترجــع بالســلآمه ياحبيـبي يمدحــون فندق مداريـم كراون .. < وده يروح بس مشغول

[dumtca]

هههههه لا تخليني انظلكم فالينها وبتختبرون بالرياض

الله يعينا بس على جده والله يستر لا تغرق ثانيه وانا فيها ومشكور على المرور

[KING ADOL]

ودي اخاويك والله

بس عاد يمدحون بن كروان

وبعدين لو نفكر فيها زود على الاشغال


ياخي المشوار والسكن والاكل ووالخ ,,,

1000 وريح رأسك


موفق
ووولاتسرع وبالسلامة

وان شاء الله نتخاوى السنه الجايه

[dumtca]

والله ودي بفهد كراون بس ما اقدر انا في المستوى الثالث يعني غصب اروج لجده

[SaudiStar]

أخوي dumtca

تروح وترجع بالسلامه ان شاء الله

انا ماشي في نفس اليوم ... من بعد الساعه 9 مساء

[dumtca]

توصل بالسلامه ان شاء الله ومشكور على المرور

[دموعي ولا دموع امي]

سلام الله عليكم
ودي أسأل مداريـم كراون وين مكانه

[ذياب العتيبي]

على طريق المطار بجانب جامعة الامام محمد بن سعود مو بعيد منها :)

[الولد المنمق]

فكك الله مني ماعمري خاويت واحد الا رسب بس شكل امك داعيتلك انا بيني وبينك جيت طيران ومشكلتي احب الهجوله عشان كذا جيت عن طريق الجو بس المشكله لقيت واحد من اخوياي نفس نظامي وابشرك ماخلينا ولا مول والا وسوينا فيه خطوط طول ودوائر عرض ورسمنا جميع الاحدثيات وابشرك النتائج مرضية

بس صدقوني مثل اهل جده مالقيت بس لو يشيلون حقون الامن ياخي ماهضمتهم