اللي تعرف الدكتورة ارشنا ايير..تتفضل

[Dr.moni]

السلام عليكم ورحمة الله وبركاته

اخواتي .. اولا الف مبروك نهاية الترم ومبروك النجاح مقدما وبالتوفيق ان شاء الله

اتمنى منكم اللي درستها الدكتورة ارشنا انزايم تقولنا عن تدريسها وطريقة اسئلتها :)

حايسين شوية بينها وبين الدكتورة وديعة

ياريت تفيدونا والف شكر مقدما

:)

[وتر الإحساآآس]

وعليكم السـ،ـلاآآم ورحمة الله وبركاآآته،،

الله يبارك فيكِ ويسعدك ^^

ياعسل شكلها دي الدكتورة جديدة وكثير ماينصحوا نأخذ مع دكتورة وديعة ><

ومافي غيرهم يدرسوا المادة شكلي بجرب مع الدكتورة ارشنا والله يوفق ويعين ^^

[روح الغلا]

حبيبي انا اسمع الناس مبسوطين منها والله انها اخلاق وعلى فكرة الادمية مرررة مقدرة الانجليزية التعبانة حقت البنات

[batbot]

اللي اعرفة انو ارشنا تمام ويحبوها البنات
اما مونزا هو اللي ينخاف منها

الله يستر شكلهم حيدرسوني الاثنين

[Dr.moni]

السلام عليكم ورحمة الله وبركاته

جزاكن الله الف خير

اخيرا احد طمني ربي يوفقكم

شكلي رح ارجع ارتب الجدول من جديد عشان اخد معاها

[هدوء الليل]

أنا اخدت معاها سرطانية كويسة أسألتها كلها اختياري وتجيبلك سؤال او اتنين رسم عليهم 5 درجات والرسمة ماتاخدي فيها كامل حتى لو كانت كاملة

بس اجمالا اسئلتها مرررررررررة حلوة

[miss estakoza]

بصراحة هاذي انسانة راااائعة .. تاخذي معاها وانتي مغمضة .. سرطانية على غثتها و طولها الأترام اللي راحت هالترم شي ثاني.. أول شي تعامل محترم وراقي وشرح رووووعة وانتي المستفيدة لو كلو بالأنجليزي لأنو راح تتحسن لغتك وعالعموم المادة سهلة جداً جداً فاللغة ابداً ماحتكون عائق..
أسئلتها كلها كلمة ورد غطاها ..كلمة كلمتين بالكثير وصح تنقص في الرسمات نص درجة حتى لو كانت كاملة بس بالفاينل جابتلنا خمسة درجات بونس يعني تعوضي و زيادة
والحمدلله أخدت معاها 98 وانا الفاينل دخلتو من غير ما اخلص المنهج لأنو شرحها يرسخ في المخ .. نصيحة لاتفوتكم
الله يوفقنا و يوفقكم جميعاً لما يحبه و يرضاه..

[اريج العمر]

اذا على بركة الله خلنا ناخذ معها

[سحر الوجدان]

طيب..النص الى تنقصقكم هو
ايش الحكمة منو؟؟؟

ما عدا كذا كلو تمااااااااام وعال العال
^_^

[miss estakoza]

سحر الوجدان.. الحكمة انو هيا تقول انو مهما كانت الرسمة بيرفكت ور وعة ماحتكون زي اللي في الكتاب..
ولاتحملي هم والله ترا مايأثر النص ينجبر