طـامتين كبرى كادت أن تمنع قبولي في جامعة الملك عبدالعزيز !! ( قصـة صارت لي شخصيــاً )

[د. أسامة]

بسم الله الرحمن الرحيم

الحمد لله و كفـى و صلاة و سلام على النبي المجتبى صلوات الله و سلامه عليه أما بعد ..

كنت أول شخص حضر إلــى جامعة الملك عبدالعزيز حضرت الساعة سبعة و ربــع مع أخوي الكبير و ولــد عمي علماً بأنهـم لم يعجبهم توقيتي المبكر لإنهم لم يعلمــوا بالمصيبة التي كادت أن تحدث لي لولا الله ثم وقوف ذيبان أبو عبدالرحمـن ( صديقي ) معــاي

أول شئ قبل ما أكمل لكم القصــة أنا جيت من مطار أبها إلى جدة و وصلت الساعة 12 ليلا
الله لا يوريكم العفش و الشيلة و و الحمد لله ..
لما وصلت جدة دقيت على أبو عبدالرحمن و قلت له خلنا نتقابل و نشوف أوراقي و أوراقك هل هي كاملة ؟!

أنا الحمد لله نسبتي 100 % و أبو عبدالرحمن 97 % ( قولوا ما شاء الله ) ع العمووم طابقنا و الحمد لله الوضع تمام قلت له يبو عبدالرحمن وش رآيـك نخليها اليوم سهــّــاري يعني لا نوم بعد اليوم ع قولتهــم قال قدام جلست معاه نفرفر في جدة إلين الساعة 4 و نزلنا على ماكدونلدز و شرينا آيس كريم صندآي بالتوووووفـــي شئء مو صــاحي !!

ع العموم دق علي أخوي و قال لي تعال الوقت متأخر قلنا أبشر رجعنا البيت ع صلاة الفجر بالطبـع أنا عارف إني ما بنــام فدقيت بواحد ريــد بول خلاني صاحي لحد اللحظة اللي أكتب فيها الموضوع

ع العــمـــووم .. وصلنا البيت و نزلت البيت مستعجل و بالخطــــــــأ أخذت الشهادة الأصــل حقت أبو عبدالرحمن عندي و اعطيته حقتي بالخطأ !!!!!!!!!!!!!!!!!!!!!!

و رجعت البيت و شــووفت لي فلـم على اللآب إلين الساعة ستة أخوي الكبير قال انا بنام هو و ولد عمي قلت ما فيه تعوذوا من إبليس و خلونا نمشي ع الخط مع الصبحية و نفطر في أبو زيــد

أفطرنا في أبو زيد و مشيت ع الخط و أنواع الحش عليه أنا ، يقولـــووون بدري و مدري إيش قلت لا ما فيه ممكن يصير شئ ولا شئ الله العالم خلنا نكون بدري احسن ، ع العمــوووم وصلنا الجامعة سبعة قعدنا ندووور في الجامعة حوالي ربـع ساعة و كنت أول الواصلين إلى جامعة الملك عبدالعزيز و أنا شايل الملــــف المنحوووووووس اللي فيه شهادة الأصل حقت أبو عبدالرحمن لكن كل البيانات الموجودة حقتي حتى صورة من الشهادة إللي هي طبق الأصـل كانت معاي


لكــن يا حبيبي هذا الكلام ما يمشي ع العمــوم على حقين التدقيق في جامعة الملك عبدالعزيز

مشت الأمور تمام حتى دخلــت إلى غرفــة التدقيــق

أنا أول ما دخلتها أعوذ بالله ما أطمأنيت دخلت عند دكتور شوفته يحط صح الأول على الورقـة .. صح الثاني .. صح الثالث إلين ما وصل إلى النسبة و هو مستغرب كيف النسبة 100 و الموجود في الشهادة 97 ونادى واحد جنبه و أنا مستغرب ليش ناداه ع العمــوم أنا طالعــت في الشهادة لقيتها 97

الدنيــا .. أظلمت بوجهي

شريــط حياتي مر في هذي اللحظـــــــة خلآآآآآآآآآآآآآآآآآآآآآآآآآآآآآآآآآآص ضـآع مستقبلك يآ د. أسامة ما فيه طب أسنان

جا في بالي فكره غبية أنهـم بيقولون أن د. أسامة مسوي تلاعب في الشهادة علشان كذا ممنـوع من دخول الجامعة ع العــموم دقيت ع أبو عبدالرحمن و هو في ربيــع النوووم بعــد سهر طووووويل معي قلت له يبو عبدالرحمن تعـــــــآآآآآآآآآآآآل تعآآآآآآآآآآآل الجامعة بسررررررررررررررررررعه شهادتي معااااااااااااااك في السيارررررررررررررة تعــــــــآآآآآآآل

الرجال لما سمـع الكلام رمى الجوال و مشى ف الخط و نسى النوم و نسى الإرهاق كله علشــآني في ذمتي إنك ذيبان يبو عبدالرحمن

الرجال مسـك الخط و هو مصفــي الطبلــــــــون ماشي 180 إلى 160 و الرجال يقول لي بعد ما انتهت السالفة لو كنت مكانك و الله لأنهار

أنا جلست اننظررره برى تحت الشمس ادق ع جواله ما يرد أوووف ذلحينه أنا أخلعت الرجــآل و أكيد بيسررررع و خفت أأأن يصير له حآآآدث يـــــــــــــآ للمصيبة !!

دقيت عليه فوق العشر مرات ما يرد دقيت ع بيته ردوا علي اهله و قلت بو عبدالرحمن موجود قالوا لا قلت طيب جواله في البيت و لا معاه قال لا الجوال في البيت .. أفففف لم دريت إنـه في البيت أطمأنيت الحمد لله

و أنا أنتظر تحت الشمس حوالــي ربع ساعة و فجــأة دق علي دكتور من الجامعة يقول أنت اسامة قلت له إيــه معاك أسامة قال لي تعال قابلني عند الدررررج شهادتك عندي , و هذا الكلام صار الساعة 8 ( تذكرت حينها إن الجيه بدري لها فايدة ) و الحمد لله تنفست الصعدآء

جيت جررررررررررررررررررررررررررررررررررررررررررري جررررررررررررررررررررررررررررررررررررري ع الدرج و لقيت بو عبدالرحمن قدام البوابة و الرررجال مصدووم كمان قلت له وين حطيت الشهادة قال لي عند السيكورتي لإنه ما سمح لي أدخل فقال السيكــورتي أنا بدخلها قال بو عبدالرحمن طيب خذها ، ع العمــووم دخلت عند الدرج لقيت الدكتور يقول لي لقينا شهادتك مرميــة في الأأأأأأأررررررررررررررررررررررض !؟!

إيش الوقاحة هذي أما لما درريــت قسماً بالله كنت بســوي مشكلة في الجامعة مع السيكورتي هذا بس قلت ما أنزلني نفسي له أحسن لي

و قال لي الدكتور أنه لما لقاها دخل ع قاعدة البيانات و طلعـوا رقمي و اتصل علي

أخذت الشهادة و أروح منطلـــق على غرفـة البطاقة إللي عندها المصيبة الثانية

دخلت و حطيت رقم السجل المدني حقي و اخترت مساري و فجأة ما تطلــع لي البطاقة

قال لي الدكتور ما طلعــت صووورتك في الجهاز ؟

قلت لا و الله ,

عصب الدكتور ونهر الموظفين و قال : أنا استغرررب إن الناس في التدقيق يخلصوون أسرع من هنا و قال لي روح الصالة رقم كذا و اجلس فيها وانا جلست فيها الحالي و فيه مجموعة فلبينين يشغلون مقطـع فيديو عن الجامعة

و أنا حاط يدي على رأسي و أطالــع في الأأررررررض و أنا محبــط

تأخر الدكتور دقيقة دقيقتين خمس دقايق ثمن دقايق عشر دقايق فجـأه و هو جــآي و أعطاني البطاقــة و قال لي مبروك و قال لي كمان توجه للصالة الثالنية إللي مجتمع فيها الطلاب جلسنا في الصالة و الأخووان مشغلين مقطــع فيديــو ما في إلا أربعة طلاب مستمعين لــه من الحوالي 14 طالب و دخل في نص المقطـع سعادة الدكتور أسامة الطيب شخصياً علينا و الحمد لله على حسب علمي أحنا ( أول دفعـة من الساعة 8 إلى 9 ) الوحيدين إللي دخل عليهم الدكتور أسامة الطيب الله يحفظه و يطول في عمرره وهذا يدل على تقديره للطلاب المتميزين و أشكر له ع ذلك .

ع العمــوم نزلنا ع الباص و طلــع معانا واحد أظنه دكتور و اللــه ما سمعــت منه كلمــة واضحة إلا النزر القليل جالس قدام و يتكلم بصووت خافت وقاعد يوصف لنا الأماكن اللي في الجامعة و عاد أنا بغيت أقوله أرفـع صووتك يا استاذ ما نسمعــك بس خفت لا يحقد علي , ممكن يدرسني في الجامعة ما تدري ؟؟؟!!!

ع العمــوم قاعد نهمهم له و نطرق له برؤوسنا و لا سامعين حاجة مع إن إللي قاله مو مرره مهم

كل شئء بعرفه مع الوووقت أو السؤال للطلاب القدامى

و دخلنا بعدها على مسرح و طلع لنا واحد و تكلــم معانا عن الدورات

و بعدها رحنا ع سامبا و سوينا لنا بطاقة و قالوا بيردون علينا بكره و تكلمنا مع ناس هناك أظنهـم دكاترة و كانوا متعاووونيــن و جداً جدأ جداً محترميـــن و على أهب الاستعداد لخدمتنا و الإجابة على تســاؤلاتنا في أي شئء نريده

و هذي قصتي إلــلــي صــارت لي .,.

وعطوني رأيكم

و هذا علمنا سلامتكــم