تكفون ابي اذاكر

[عاشق الاحزان]

السلام عليكم ورحمة الله
ما ابي اطول عليكم
لكن انا خطة ب وابي اذاكر لكني منب عارف كيف
تكفون احد يساعدني
الاحياء رح احاول احفظ بنك الاسئلة فقط لانو مستحيل طالب يحفظ الشباتر
والكيميا والاحصاء مني عارف كيف اذاكرهم تكفون فزعتكم

[miss reemoo]

..... حآآآآلتك مو بعيده عن حآآآآلتي .. أنا خطه أ وماني عارفه كيف اذاااكر الفيزياء والريااضيااات ...

[عاشق الاحزان]

ياهووووووووووووووو بالله ساعدونا

[turki007]

نفس حاله اختي ماهي عارفة كيف تذاكر النظام مره وحلو الله يعين

[Ġlαмσяσυş]

http://www.skaau.com/vb/showthread.php?t=117062

إن شاء الله يفيدك =)
بالتوفيق ,,

[M!sS chocolate]

المشاركة الأصلية كتبت بواسطة عاشق الاحزان السلام عليكم ورحمة الله ما ابي اطول عليكم لكن انا خطة ب وابي اذاكر لكني منب عارف كيف تكفون احد يساعدني الاحياء رح احاول احفظ بنك الاسئلة فقط لانو مستحيل طالب يحفظ الشباتر والكيميا والاحصاء مني عارف كيف اذاكرهم تكفون فزعتكم

ويعني لو خطه ب مافي شيء صعب بالمذاكر أنا استغرب من اللي يقوولوا أ أسهل من ب
لو نجي للحق أ اش فيها صعب الرياضيات والفيزياء وب الكيمياء والإحصاء
يعني تعادل الإنجلش للإثنين والأحياء هو مجرد من التست بنك تذاكر بس ...

عالعموووم أنا كنت زيك في البدايه في مادة الإحصاء ماني عارفه اش أذاكر
سألت مالقيت رد رحت إعتمدت على نفسي مسكت الكتاب أعيده مره واثنين وثلاثه
لمممممممممن فهمت ...
أتخيل إش ترجمت المقدمه لمن قولت لصحبتي جلست تضحك تقولي من متى نذاكر المقدمه
أقولها ماأدري اش أذاكر جلست اذاكر كل شيء ..

المهم بديت في شابتر 1 من بداية الأسبوع جزأته ودحين داخله على الجزء الخامس من شابتر 1
اول يوم ماقدرت أذاكر الا صفحه وحده طوولت عليها بس لمن خلصت الصفحه حسيت انو إنجاااز
إني فهمت صفحه عن وحده أول ماكانت تدري عن هوى دارها واليوم اللي بعدو سار اثنين
وشويه شويه سرت أخلص جزء كاااامل هو كدا بدايتها صعبها وحتى الترجمه تطفش كل شيء تترجم بس بعد شابتر ون حتسير بس تشوف الكلمه تتذكر هادي قد ترجمتها ومع كثرة ترجمة الكلمه تحفظها ...
وأنصحك بحاجه جيب لك دفتر وأكتب كل الكلمات الصعبه اللي تمر عليك بترجمتها حتى لو مليت
الدفتر عادي ماأقولك أحفظها بس كل يوم أقرأها بتمعن صدقني مابيخلص الأسبوع اللي وانت حافظها ولمن تشوف كلمه منهم تمر عليك حتترجمها في عقلك على طول وولا عاد حترجم شيء

اللي أقولك هو بإختصاااار لاتيأس مهما وقف في وجهك عوائق
1- الدراسه بالإنجلش
2- اختبار الإنجليزي طلع موحد
3- الدكتور مايفهم
4- الخ

لالالالالالالالالالالالالالالالالالا تيــــــــــــــــــــاس وحده من صاحباتي تقولي دكتورة الكيمياء
ماتفهمني تشرح والجوال في اذنها تدري اش سوت تقولي سرت أحضر الدرس وبعدها لمن أروح الجامعه تشرح أحس إني فهمت ولمن أرجع البيت أعيد أذاكره تقولي دحين سااااااار مرره سهل
شوفت كيف اعتمدت على نفسها ألحق نفسك ترا ماباقي وقت أجهد نفسك هذا الأسبوووع
أتعب هيا سنه وحده بعدها حتتخصص وحرتاااح ... وماحد يوصل للمجد بسهوووله ...

دحين سيب النت وقوم أمسك الديكشنري وانصحك بالوافي أجلس ترجم
شوف تدري انا اش سويت أول مرره ترجمة أول بعدين ذاكرت فهمت ومرره عجبتني الطريقه
بس عيبها انها تاخذ وقت وصحبتي قالت لي لاتتعودي على الطريقه دي وتضيعي وقتك
سرت اش أسوي أترجم جزء وأروح أذاكره وعلى هذا الحااال ومرره سهل عليا ...
والحمد لله دحين الإحصاااء مرررررررررره حلو وسهل طلع وحاولت اني أدخل في راااسي كلمة
سهل لأنو اذا قولت صعب لو يجيبولك برفيسور يشرح لك وانت دخلت في عقلك انو الماده صعبه
مارح تفهم ...

سووووووووووري عالإطاله بس ذكرتني بوضعي في الإحصاء كنت زيك وأخس أوري أخويا
فهمني كيف تجي الأسأله لانه درس الإحصااء لكن مارد عليا خلاني أعتمد على نفسي ...
والحمد لله ... عالعموووم بالتوفيق لك واعتذر مرره ثانيه عن الإطاله ...

[M!sS chocolate]

صح نسيت ماأقولك شيء ...

الإحصاااء حاااول تجيب درجه حلوه في الدوري الأول لأنو الدوري الثاني حيدخل باب الإحتمالات
وهذاك في لف وودوران ....

شوف أنا بقولك إش ذاكرت أول شيء ترجمت ولمن ترجمة قريت وكل شيء حسيت ممكن يجي عليه
سؤال حبرت عليه بقلم التخطيط والتعاريف أفهمها لأنها مصطلح تجي
والأسأله كلها إختياري فأفهم لاتحفظ لو عرفت معاني الكلمات وفهمت كل شيء الفل مارك لك بإذن الله
واي سؤال انا بالخدمه ...

الكيمياء بالعكس مررررررررررررره يجننن نفس الثانوي نفسه أنا لسى ماذاكرته ببدأه الجمعه اذا خلصت
الشابتر الثاني في الإحصاء باقي لي 3 الأجزاء الاخيره فيه بحاول بكره أخلصه لانو مافي وقت ...

[al-sha7ro0ora]

ماشاء الله الله يوفقكم يارب ويارب يسهلها علينا ..

[Kung Fo]

انا درست تحضيري العام الماضي.
يعني قلك مسوي خبرة!!!!!!!!!!!!!
المهم في الاحياْء ولله الحمد جبت 100
لكن اني ماني عارف اي معلومة اخذتها , بعض الاحيان اسحب على محاضراتها
وهاتك حفظ في بنك الاسئلة الين عيوني اتحولت , بس حفظ وما ادري ايش فية
كلللللللللللللللل الاسئلة من بنك الاسئلة وبالنص كمان.
مستحييييييييييييييييل يطلع منها
بس ما ادري اذا النظام تغير

[مــــلاكـ]

الله يعينا ويوفقنا ويسهل علينا المذاكرة........آمين