والله شي يقهر الى متى هذا الوضع

[جامعتي دمرتني]

[type=218222]السلام عليكم

كيف حال الغالين حبيت اخبركم عن اخر موقف حصل لي في الجامعه الله يعيننا على ظلمها:

كنت مداوم في الجامعه كالعاده وكان عندي اختبار

طبعا وقفت في مواقف مبنى 81 الي كل شوي يضيقونها علينا عشان يطلعون اكبر كميه من الفلوس من سحب السيارات

والوقفه والله العظيم كانت عاديه ومو مقفل على احد ولا مضيق على الشارع <<<< يعني مافي داعي يسحبون السياره اصلا

المهم طلعت من الأختبار وأنا مبسوط <<<< الولد واثق في حله ومذاكرته.

اطالع في موقف السيارة القى مكانها سياره ثانيه <<< شك في قدراته العقليه لأنه متأكد انه كان موقف صح.

طبعا معلومه للبنات عشانهم مايعرفون الوضع ( سيارتك لو انسحبت تروح تدفع 100 ريال في البنك وتاخذ ايصال وتوديه على حجز السيارات الي يوقفون فيه السيارات المسحوبه وهذا المكان مربوط بسلسله حديد عشان مايهرب احد والبنك وحجز السيارات كل واحد فيهم بعيد عن الثاني مررره .

طبعا ماتوقعت اني ممكن احتاج فلوس لأني نازل اختبر وارجع عشان كذا تركت المحفظه في السيارة <<<< توهق لأنه مخلي الجوال في درج السياره بعد.

قلت يالله الله يعينني ادقها كعابي على رجولي لين حجز السيارات واخذ فلوسي من السياره وارجع البنك على وادفع ال100 ريال وارجعلهم. <<< طبعا الشمس شاده حيلها

قابلت المسؤول عن سحب السيارات وكان الحوار التالي:

أنا : أخوي ليش سحبتم السياره؟

هو : الغالي انا مو شغلي .

أنا : طيب وش الحل الحين ؟

هو : هات 80 ريال وانا اطلعها الحين . وشرايك في هذا الاقتراح ومنها اوفر عليك مشوار البنك وبقيمه اقل

أنا : خذ ال 100 كامله بس فكوني .

وش رأيكم بالي صار ؟؟؟؟