ليه كذا يادكتور نايف الشريف

[scotch]

السلام عليكم ورحمة الله وبركاته
انا ماراح اطول عليكم بس هذي قصتي وبعجل
انا نزلت ماده القانون التجاري عند الدكتور نايف الشريف بعد مانصحوني كثير من الطلاب
انه ممتاز وانا ما انكر هذا الشيء شرح وتعامل مع الطلاب واخلاق وتفاهم والخ....
بس عندي مشكله انا حصلت في الدوري الاول 20من25 والدوري الثاني 18من25
واتفاجأ في النهائي اسأله الصراحه صعبه وجبت 23من50
للأسف وحصلت 61 مع انه اقسم بالله ولاغياب ماعندي وطلبنا تكليف نقد الكتاب الجديد
يقول عليه 5درجات ونقدته غير المشاركات اللي في المحاضرات وفي آخر محاضره في هذا الترم
قالنا في درجات بونس وكنت من ضمن الطلاب القلائل اللي شاركو وحصلت عليها قلت تنفع
وفوق هذا كله انصدم بـ61والله قهر كان املي اني ارفع معدلي في هذي الماده بس ماحصل
وما اتوقعته جدي بالطريقه هذي؟؟؟؟يعني لابونس ولامشاركات ولا الحضور الكامل ولاشيء مع العلم اني اداوم من 70كيلو وهو عارف
طيب ولا حق التعب ياهوو
ايـــــشـــــــ اســــــويــــــــ بالله عليكم وايش رايكم

[المرغلاني]

ممكن غلط في رصد الدرجه راجعه وممكن يعدلها لك دايما تصير اخطاء وتتعدل
روح راجع والدكتور وماتندم ان شاء الله

[الاحوكي]

راجع الدكتور وما بيقصر معك

[scotch]

شكرآ على نصيحتك وانا فكرت اراجعه في اول الصيفي
ومشكور على مرورك يا المرغلاني

[عاطل بس دافور في القانون]

روح راجع الدكتور وأكيد ما يقصر معاك
لأن الدكتور نايف معروف بطيبته وحسن أخلاقه
تحـــــــــــــــياتي

[قانوني مشاكس]

مع ان المادة ماكنت اذاكرها الا قبل الاختبار بيوم

لا اني الدكتور نايف اعطاني 75

وماكنت من ضمن الطلاب الي شاركواا

ولا جبتلوا النقد

فنصيحة روووح استفسر من ممكن في غلط

ولك مني كل الشكر والتقدير

[عبدالعزيز الصالح]

ياخوي انت غلطان انك تديه وجه
صرت بوجهه باستمرار ، وجعلته يقيمك تقييم من جميع النواحي ، الى ان صار عارفك تمام التمام
لاكن الاخ القانوني المشاكس لا احتك فيه ولا يحزنون
مما اجبر الدكتور ان يعطيه درجة كويسه ـ
الدكتور لمن مايعرف الطالب غالبا يتجنب ان يعطيه درجة عالية جدا او يعطيه درجة واطيه جدا حتى لايقع في احراج
وهذا حال الجامعة

راجع امكن تطلع بفائدة .. وفي كل الاحوال منت خسران شيئ

[رهف]

السلام عليكم

انا لي تعليق فقط بشكل عام

انه اشي اللي صار معك ..شي متوقع ... ولازم تعتاد عليه

الا اذا عندك طولة بال تراجع راجع .. وانا بعد انصحك تراجع

بس بعد كذا لا تنصدم من اي دكتور او استاذ

الله يوفقك