قلبي ترا تاه بهواك

[صاحب قلم]

اليكم هذه القصيده واتمنى من اعماقي ان تحوز على رضائكم



والله وصرتي تذكرين

وانتي من اول تهجرين

الحين رجعك الحنين

قلبي ترى تاه بهواك

ماانكر انك منيتي

واجمل قدر في دنيتي

وبيدك رسمتي بسمتي

واذوب في لحضة لقاك

كنت انتضر في موعدك

اشوف وجهك واسمعك

واموت قبل اودعك

ومااقدر اعيش الا معاك

لسمعت صوتك من بعيد

افز والفرحه تزيد

ويقول قلبي للوريد

افرح ترى المحبوب جاك

في وسط طيات الضلام

يزيد شوقي والهيام

وشالت عن الوجه اللثام

واشوف انا بعيني ملاك

تبسمت لي واضحكت

وعيني من الفرحه بكت

ساكت واحاسيسي حكت

تهمس مع همسة نداك

في ليل براق ومطر

تايه مع احلا بشر

نورك مع نور القمر

ياالزين قلبي ما نساك

وتوي دريت ان الهوى

ضامي وقلبي ماارتوى

وماضن بالقالي دوى

الابقطره من سماك

والله وصرتي تذكرين

وانتي من اول تهجرين

الحين رجعك الحنين

قلبي ترى تاه بهواك

تحياتي

صاحب قلم