بنات دفعة 08 و ماقبل ... ضروري !

[هيَ !]

السلامو عليكوم جميعًا ..

بنات عندي إستفسار ضروري و أتمنى ما تبخلوا عليا ..
.
.
بنات الي قبل دفعة التحضيري .. 08 خصوصن او الي قبل
الموهم
مادة الرياضيات .. منزلينها لكم حاليًا ؟؟
.. و لا عادلوها بالإحصاء ؟؟!!
.
.
بليز ردووووو عليا ضروري
.
.
شكرًا ليكم مقدمًا

[نوني حلوه]

مافي ماده رياضيات !!
كان في احصاء واعتقد شالوها

[ساكنه في بيتنا]

ماعندنا رياضيات .. يمكن انتي غلطانه في الكليه اللي منزله فيها الموضوع !! ..

[Roa'a]

والله اللي سمعتو وقالو انو حيعادلولنا موادنا العامه بمواد التحضيري
ومن ضمنها الاحصاء بالرياضيات

بس مدري بصراحه

.. =)

[هيَ !]

شوكرن لكل يلي ردو :)
لا انا مو غلطانة بالكلية ..
انا اقولكم الهرجة

انا كونت اقتصاد منزلي و اخدت عندهم إحصاء .. طيب ..
بعدين حولت آداب ..
حاليا بنات الآداب الي اخدو إحصاء عادلولهم هوا بالرياضيات ..
و لما روحت ابغا اعادل . قالولي لا .. إحصاء الآداب الإنسانية يتعادل بالرياضيات
بس إحصاء الإقتصاد المنزلي الي درستيه . ما يتعادل بالرياضيات .. و لازم تدرسي رياضيات !!!

فقولت ابغا اسالكم هل عادلولكم الإحصاء بالرياضيات و لا لا ..
عشين لو عادلوه يسير احاول اشوفلي حل و اكلمهم .. .و لو ما عادلوه الله يعين آخد رياضيات :(
معنو المفروض السنة الجية تخرج و مرررررررررا مزنوقة بالمواد :(

فياريييييييييييييت الي عندها فكرة تقولي الله يسعدكم يارب دنيا و آخرة

[ساكنه في بيتنا]

اهااااا


و الله على ايامكم مرررررررررره حاست الجامعه بزياااااااااااااااده ..


ربنا يكون في عونك ويسهل امرك ..

[Roa'a]

كيف يعادلو حق الآداب وحقنا لأ
مع العلم انو الاحصاء حقنا ضعف الاحصاء حق الآداب
احصاء الآداب هوا زي حقنا بس نصو محذوف عندهم
ومتأكده من دا الشي لأني شفت صحباتي في الآداب ايام ماكنت بآخد احصاء
هما مرررره مخفف عندهم


على أي أساس حقهم ايوه واحنا لأ
!!!!!!!

[ساكنه في بيتنا]

يب

صح كلام رؤى احصاء الآداب اقل مننا ..

[هيَ !]

ساكنة ببيتنا ..

شوكرن ليكي .. آميييييييييين يارب و يسهل للجميع :)

[هيَ !]

Roa'a

منجد إحصاء الآداب جزء من كتاب الإحصاء الي إحنا درسنا !
قولتلهم دا الكلام .. بس هوما عقلهم ما يشتغل .. يجيهم قرار ياخدوه بدون ما يشغلو امخاخهم

بس ع العموم انا مو متأكدة إزا انتو فكليتكم عادلوه او لا .. عشين كيدا بسأل ..
انا عندي أمل إنو موضفات الشئون الأكاديمية حقون الآداب ما يعرفوا إنو إقتصاد منزلي عادلولهم او لا :(

يارييييييييييييييت تتأكدولي :( انا ما اعرف فين اروح في الإقتصاد عشين اسأل :( :(

و يعطيكم العافيا يااااااارب ع الرد :)