طلاب وطالبات .... اللي درسو أو يدرسون chem 281 ..... أرجو المساعدة

[الخلوق]

السلام عليكم ورحمة الله وبركاته

إخواني.أخواتي............. عندي سؤال في معمل كيمياء 281 ، السؤال هو:- ما المقصود بالكاشف (مثلا إذا قيل :كاشف التفاعل الآتي ،أو كاشف المجموعة الآتية) ماذا يقصد بالكاشف؟

.................................................. ............................................

-وأتمنى لو تفيدوني بطريقة الاختبار النظري للمادة ................ كيف تكون طريقة الأسئلة؟






أفيدوني...........جزاكم الله خير

[~..candy..~]

الكاشف هي الماده اللي لماتتفاعل مع الحمض أو القاعده تعطينا ألوان مميزه

[lula_aa]

اخوي احب افيدك انا اخدت الماده السمستر اللي فات
وكانت طريقه الاسأله اختياري
اهم شي ركز على ألوان الرواسب
خصوصا الاشياء المميزه زي في وحده من التجارب فيها راسب جلاتيني
والمعادلات جابولنا تقريبا اثنين
والتكافؤات مررررررره مهمه تحفظ رمز العنصر وتكافؤه
وادا افتكرت شي تاني كمان ان شاء الله اقلك

وبالتوفيق يارب

[D700mI II]

لا اله الا الله

[NoNa al7ellwa]

الكاشف هيا المادة الي تتفاعل مع الملح عشان يدي لون او راسب و ممكن يكون الكاشف يتفق مع اكثر من ملح
بعدين تسوي الخطوة الثانية من التجربة عشان تحدد نوع الملح
مثلا عندك 3 املاح ( صوديم - مغنيسوم - كلور )
حطيت مادة ادت راسب ابيض مع ( صوديم و مغنيسيوم ) و ما سار اي تفاعل مع الكلور .. ( يعني المادة الي حطيتها و ادت راسب هيا كاشف للمجموعة .. عادتا المجموعة تكون اكثر من ملحين .. ممكن مادة تدي راسب ابيض او لون او تفاعل مع 3 او 4 املاح هذي يسموها كاشف المجموعة )

يعني الملح الي قدامك يا اما صوديم يا اما مغنيسويم ...

سويت الخطوة الثانية من التجربة الي هيا مثلا اللهب

حطيت الملح على اللهب اتغير لون اللهب الى الاصفر معانها هذا صوديم و بكذا كشفت ايش هوا الملح


اما الاختبار النظري كلووو اختيارات
ركز على المعادلات و الالوان

الاختبار العملي يجيبو ملح و تكتشفو و كانت اختباراتنا اوبن بوك .. يعني تشوف في الملزمة و تشتغل يعني ما تحفظ شيء بس الشغل اهم شيء يكون صح