حمل المادة أم الحصول على درجة ضعيفة؟أفيدوني ضروري

[طمووحي عاالي]

صباح الخير_مساء الورد
عندي سؤال ..
أنا أول سمستر في السنة التحضيرية عندي مادة ماني حابة أدخل فيها اختبار ..
فعندي سؤال ....(عدم دخولي الاختبار ..حيخليني أحمل المادة أكيد ...لكن..مررة خايفة يأثر على المعدل..؟؟؟؟)
أفيدوني..وجزاكم الله كل خير ويوفق الجميع يارب..

[F.M.D]

مسآء الجوووري
يالغلا انصحك انتي ذاكري وسوي اللي عليك
عشان المعدل لايطيح وبعدين يصعب عليك ترفعينه
انتي شدي حيلك وان شاء الله ربي بيوفقك حرم ماتذاكرين وتحملينها..~

وبعدين شوفي النك تبعك لا تنسينه ..طموحي عالي .. يعني خليك فووق

تحيتي

[alsha3r]

السلام عليكم
أول شي الله يوفقك
بعدين الله عرفناه بالعقل .. ما شفناه
انت ادخل الأمتحان وان شاء الله تبي تنجح وتجيب درجه زينه
بعدين أعقلها وتوكل
لا تشيل الماده وياك
هذي الخطوه من وسوسة الشيطان
تعوذ من الشيطان والله ولي التوفيق
والنصيحه اليوم ببلاش
قبل كانت بفلوس

[semo5000]

لالا روحي للاختبار

وخليها على اللي ما تنام عينه

صدقيني انك بتوفيق الله راح تنجحين
وعلى قول المثل
( حتى وان لم انجح يكفيني شرف التجربه)

نصيحه روحي احضري وراح يجيك خير

انا الترم اللي راح في ماده كنت متوقع 200% اني راح احملها
وكنت متردد عشان اختبر او لا
المهم اني عديتها وجبت b

عشان كذا روحي الله يوفقك وتنجحي

[الوايلي2010]

مرحبا اخوي اولا انت الحكم في الاول والاخير ان شفت نفسك راح تجيب درجة حلوه فتوكل على الله

وان كان العكس فالافضل انك تحملها عشان تجيب درجة حلوه ترفع فيها معدلك يالغالي

تحياتي لك واتمنى لك التوفيق
دمت شامخاااا

[kareem]

السلام عليكم ورحمة الله

توكل على الله الي ما تنام عينه

والتوكل معناه: صدق اعتماد القلب على الله عزوجل في استجلاب المصالح ودفع المضار، من أمور الدنيا والآخرة كلها، وأن يَكِلَ العبد أموره كلها إلى الله جل وعلا، وأن يحقق إيمانَه بأنه لا يعطي ولا يمنع، ولا يضر ولا ينفع: سواه جل وعلا.

وقد حَضَّ الله عباده المؤمنين على التوكل في مواضع عديدة من الكتاب العزيز، وبيَّن سبحانه ثمراته وفضائله
ومن ذلك قوله سبحانه: وَعَلَى اللّهِ فَتَوَكَّلُواْ إِن كُنتُم مُّؤْمِنِينَ [المائدة:23]، وقوله عزوجل: وَعَلَى اللّهِ فَلْيَتَوَكَّلِ الْمُؤْمِنُونَ [التوبة:51]، وقوله تعالى: وَمَن يَتَوَكَّلْ عَلَى اللَّهِ فَهُوَ حَسْبُهُ [الطلاق:3]، وقوله جل وعلا: فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ [آل عمران159]، وقال سبحانه واصفاً عباده المؤمنين في معرض الثناء والمدح: إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ [الأنفال:2].