خاص للي بيختبرون الدبلوم التربوي بكلية اعداد المعلمات

[ام الوسن 2009]

انا بكرة عندي اختبار بكلية اعداد المعلمات (للدبلوم التربوي)وحابه استفسر منكم:
انا قلت ممكن تكون الاسئلة قدرات عامة+اشياء عن التربيه وطرق التدريس اتوقع كذا فعلى هذا الاساس راح اطلع على بعض المعلومات بس حابه اعرف هل الكليه قاعاتها باردة زي الجامعه لان زي ماتعرفون ان البروده تعيق التفكير..
وبرضو حابه اعرف عادي نلبس بنطلون ولا حتكون مخالفه بس اللي عندها معلومة تخبرني وانا صراحة راح اروح للاختبار حتى نكون على علم ببعض الاسئلة اللي بإذن الله راح تفيدكم بدبلوم التربوي في الجامعه..

مين معاي منكم باختبار بكرة؟؟ اتمنى الدعاء لنا بظهر الغيب وشكراً

[شواطئ البحر]

وان شاءالله تكون الأسئلة واضحة وتجابوه وتكونوا من المقبولات <<<<خذي معاك جاكيت ومن ناحيه ألبس أهم شي محتشم وساتر

وفي انتظار أسئلة نزليه عشان الكل يستفيد

الأمتحان الساعة كم؟؟؟

[XP-PROF]

إن شاء الله راح أكون معاك بكره العصر الساعة خمسة وحسب أطلاعي في النت الاسئلة راح تكون إختياري عددها ميه

وكمان البعض يقول راح تكون عامه وعن علم النفس وعلم الاحصاء

وأسال الله بمنه وكرمه أن نكون من المقبولات اللهم آآآآآآآآآآآمين

[شواطئ البحر]

ان شاء الله تكون من المقبولااااااااات

[غلا وكلي حلا]

ان شاء الله يارب نتوفق انا كمان معاكم بس مقدمه على دبلوم انجليزي والإختبار الساعه 5 العصر حيكون

بالتوفيق حبايبي

[sweetnooni]

انا كمان معاكم ياجماعة ومقدمة على الدبلوم التربوي وماعرف ايش الاسئلة ولا ذاكرت اي احد عندو معلومات يفيدنا .

[mno24]

صباحكم خير

والله انا برضوا مقدمه على إختبار دبلوم إنجليزي

بس يابنات انا قريت من مسؤل الظاهر هنا انه اختبار انجليزي وهو عباره عن تحديد مستوى ...

لكن ماعندي فكره انه عااام في كل شي .. لانه راح نقدم على انجليزي هذا توقعي ..

اتمنى التوفيق للنا يارب ..

[سديـــــــــــــــــــــم]

وأنا بعد معاكم

الله يوفقنا يارب

[ashjan jeddah]

وانا كمان دبلوم انجلييزي
الله يوفقنا وييسر امرنا
^^

[خريجة احياء 1428]

صباح الخير

هلا ام الوسن انا برضوا معاكم اليوم في الاختبار التربوي الله ييسرها لنا كلنا


ام الوسن خلي معاك لافته مكتوب عليها ام الوسن2009 عشان نتعرف على بعض ......هههههههههه امزح