استفسار بشأن الانتساب والتعليم عن البعد !!!!

[ـ أبو نوره ـ]

السلام عليكم اخواني .....

حاب أعرف ايش الفرق بين الانتساب وبين التعليم عن بعد .... وما هو الأفضل للطالب ومن أي ناحية .

ولو أتيحت لي التسجيل في البرنامجين أيهما أختار ؟


آمل إفادتي وشكراً .... مع العلم أني تقدمت بطلب الانتساب ولا أزال انتظر الرد ...

ونسبتي في الثانوية شرعي 86 وقدرات 95

[ـ أبو نوره ـ]

أشوف ما شاء الله عدد جيد اطلع على الموضوع بس بدون إجابة .... أتمنى ألقى إجابة دقيقة .

ثانيا اخواني تصفحت موقع عمادة التعليم عن بعد ولقيت مواعيد للمحاضرات تبدأ من الساعة 8 حتى 11 ... هل يعني هذا وجوب حضوري هذه المحاضرات أم ماذا ؟

فأنا موظف ولن استطيع حضورها .... فهل سيؤثر ذلك على درجاتي !!!!


آمل الإفادة إن أمكن

[طالبه متحطمه]

والله يابو نوره انا مثلك مادري وش الفرق بس سجلت تعليم عن بعد على عماها
مادري المشكله في الجامعه ماهي موضحه طريقتها بالتعليم عن بعد! مادري في الطلاب هنا ماتلقى اجابات واضحه خاصه للتعليم عن بعد!؟
مادري المشكله فيني عجزت افهم!؟..

[طريق خريص]

كان عندي نفس السؤال ولا لقيت له جواب واضح ولضيق الوقت سجلت انتساب

[أسراري]

أنا سجلت تعليم عن بعد ..

حسيت إنه أفضل من الانتساب بالنسبة لي ..

خصوصاً إني ناويه على الإنجلش بإذن الله ..

رغم اني للأسف ماحصلت المعلومات الشافيه اللي تشفي غليل اسئلتي ..

[hbhb511]

خواني راح افيدكم باللي اعرف
التعليم عن بعد مثل الانتساب بس انه مطور
طبعا مو شرط تحضر المحاضرات اون لاين
لان فيه واجبات الكترونيه تسويها وعليها الدرجات
والاختبار نهاية الترم فقط

[ـ أبو نوره ـ]

المشكلة أني ماني فاهم وش سالفة التعليم عن بعد !!!

المشاركة الأصلية كتبت بواسطة hbhb511 خواني راح افيدكم باللي اعرف التعليم عن بعد مثل الانتساب بس انه مطور طبعا مو شرط تحضر المحاضرات اون لاين لان فيه واجبات الكترونيه تسويها وعليها الدرجات والاختبار نهاية الترم فقط

بس أنا قرأت في موقع الجامعة أن التقييم للطالب عليه 40% لتفاعل الطالب ... فهل يعني الطالب اللي راح يحضر المحاضرات أون لاين ... راح يستفيد بالدرجات أكثر من الطالب الآخر ....

أسئلة كثيرة تدور في البال ... بس وين الجواب ...

وخوفا من الندم ولحين توفر الاجابات تم التسجيل في الانتساب وفي التعليم عن البعد ....

[hbhb511]

للتوضيح اكثر
تراني مثلكم
بس الفتره اللي راحت قريت كثير في المنتيات صح المواضيع عن التعليم عن بعد شحيحه بس استفدت منها كثير


التقييم يتم 40 بالميه من الدكتر عن طريق الواجبات الالكترونيه يعني يعمل لك واجب لمن تدخل النظام تلاقيه
وتعمله وترسله للدكتور المحاضرات مو شرط تكون معهم ان لاين تقدر تدخل تلاقي المحاضره مسجله وتتابعها
طبعا فيه دكاتره ماعندهم تقييم كله على الروقه في الاختبار 100 درجه وفيه دكاتره يقيمونك ..!
طبعا من وجهة نظري التعليم عن بعد يضعك في الصورة وخصوصا ان فيه اعمال سنه تساعدك في نهاية السنه مو مثل الانتساب كله على الورقه وتذاكر ملخصات وبس .!
التواصل مع الاستاذ اون لاين والله ماشفت عنه شي الا اذا كان بعضهم يطلبه ويحط عليه مثلا 10 او 20 درجه مادري .!
بس الاكيد انه مو لازم تكون دايم محضر معاهم

اتمنى اكون افدتكم وانا معكم تعليم عن بعد مسجل وبالتوفيق انتظر نتيجة الفرز بس

[f9009]

التعليم عن بعد قد يكون تفاعلياً اكبر من الانتساب ووجود اعمال سنة ...اضافة انك متابع للمنهج من خلال حل الواجبات . ولكن يبقى التعليم عن بعد تجربة جديدة والبنية التحتية لم تكتمل من وجهة نظرى .

الانتساب اصعب لانه لايوجد سوى اسبوعين كدورة تاهيلية بمعدل خمس محاضرات لمدة ساعة ونصف وخاصة لتخصص اللغة الانجليزية.

[القلم الخفي]

طيب أيهم افضل بعد التخرج

يعني بصراحه أنا أتوقع التعليم عن بعد أفضل مع إني مسجل منتسب
وأقصد أفضل في الفرص الوظيفية

ارجو الافاده وشكراً للجميع