يا بنات علم النفس ايش رايكم اتخصص علم نفس ولا ؟

[FLOOOWER]

انا الحمد لله انهيت السنه التحضيره الحمد لله

بس بسئل اول شي كم النسبه الي يحتاجونها ؟

انا احب علم النفس مره مره بس ما ادري ادخله ولا لا يقولون ما له مستقبل مره

وانا ادرس انتساب ويقولون لي تتعبين كم سنه بتتعبين ادخلي اداره اعمال انا احب برضو اداره الاعمال !بس ما ادري

ايش رايكم

وهل قسم علم النفس سهل ولا لا ايش رايكم

[معزوفة ألم2]

هلا حبيتي

اولا الف مبروك تعديك السنه التحضيريه وعقبال التخصص يارب

ثانيا ما في شي سهل وقسم علم نفس اذا كنتي تحبين القسم وتميلين له فرح تنجحي فيه ان شاء الله

وانصحك انك ما تدخلي قسم علشانه سهل او غيره ادخلي قسم اني راضيه عنه وتميلين له

والنسبه على ما اعتقد 3.50
والله يوفقك يارب وييسرلك امرك

[Ana-3'eer]

معزوفة الم2
انا سمعت انو قسم علم النفس ماله معدل مطلوب,,يعني يتم التسكين ع حسب الاماكن مو ع حسب المعدل
والله اعلم

[ام ساروووونه]

مبروووووووووووووووووك النجاح أختي


ووزي ماقالت معزوفة ألم ميولك قبل كل شيء

وعلم النفس قسم حلو صح في صعوبات بس اذا عندك حب له وطموح راح تتعدي كل شيء

واذا كنتي بحيرة مرة استخيري وأسال الله لكِ الخيرة الطيبة

:) مووفقهـ أختي

[ضما الوجدان]

صدقيني مارح تمشي في أي قسم اذا ماكنتي تحبينه
لأنه حتى لو كانت المواد سهلة بتشوفيها صعبة
لكن بيصير العكس لو كنتي حابة القسم
وفي اختبارات تساعدك في تحديد الميول والتخصص الي يناسبك
حاولي تبيحثي عنها في النت وان شاء الله تفيدك
كمان اقري في التخصصات الي تفكري تدخلينها عشان يكون عندك فكرة عن القسم الي تدخلينه
وضروري تفكرين في المجال الوظيفي للتخصص يعني في ناس تدرس وتخلص وبعدين تكتشف انه الوظيفة الي تناسب تخصصها أبدا مو مناسبة لها
واعطيك مثال على تخصصنا
في بنات بعد التخرج حابين يدخلو مراكز الإحتياجات الخاصة وعندها فكرة كاملة عن هذا المجال والصعوبات الي مو جودة فيه ومع ذلك عندها رغبة كبيرة انه تدخله وهذا يفرق عن الي بس تتوظف لانه هنا الفرص الوظيفية متاحة أكثر هنا بتواجه صعوبات كبيرة
وفي الي حابة تكون اخصائية وعندها تصور كامل عن الحالات الي ممكن تواجهها
يعني تخصصنا أهم شي فيه الرغبة
اتمنى لك التوفيق