حملت/ي ماده , طيب وبعدين !؟

[MiSs PaRiS]

السلام عليكم ورحمتة الله وبركاته
اه ياربي والله مدري وش آقول

حسبي الله ونعم الوكيل

بس بخش بالموضوع دغري
هذا ياطويلين العمر خشيت الاوديس تو وليتني ماجيته قطيعه
لقيت لي f كبر قريح في مادة القانون الاداري اللي تغث

معني شفت نفسي حليت والاستاذه حقتها وعدت البنات اللي يجاوبون على اسئلة في المحاضره بـ 5 درجات منها ( اللي تجاوب على اسئلتي إلها 5 درجات بالإمتحان ) وانا كنت منهم
سلامات والله لو اني موب مذاكره وماحليت ماجيب 60 , ولا ننسى الخمس درجات

ومحسوبتكم ماشاء الله ماقد رسبت في ماده من اول ابتدئي لين رابع مستوى
والحين طحت ومحد سمى عليا

حبيت استفسر متى اقدر اختبر الماده؟ انا سمعت انها تنزل لي السمستر الجاي
زيها زي اي ماده , بس انا ابغى اختبرها الحين على اساس منسى المعلومات القيمة اللي في كتاب الهم
يعني اقدر ولا لا ؟


هذا استفساري وان شاء الله يكون موضوعي مرجع لاي شخص يحب يستفسر
لاني بحثت بقوقل وبالمنتدى ماحصلتي اي شئ <- لكن لقيت للي فوتوا الاختبار

مبروك للناجحين وحظ اوفر للمتعثرين مثلي