ساعدوني في وظيفة لزوجي خارج جدة الحاله ضنك

[توت نونو]

السلام عليكم
ابغى احد يساعدني ويقللي على وظايف للرجال بس تكون خارج جدة في اي منطقة والله خلاص تعبت من اهل زوجي خرجو عيوني ومافي حل غير انو زوجي يلاقي وظيفه خارج جدة واروح معاه.بالله ساعدوني زوجي عندو شهادة ثانوي بس عندو خبرات مرة كتير ويجيد اللغة الانجليزيه بطلاقه وعندو دبلومات كتير بس يقوللي لو الراتب يستاهل اننا نسافر عشانو اروح واخدك معايا.والله اني مافكرت اني اكتب دا الكلام الا لمن خلااص ضاقت بي . وزوجي كان مضيف جوي بس للاسف استقال عشان قدمنا على البعثات وماانقبلنا.ودحين زوجي له 6 شهور في البيت وانا حامل تخيلو الظروف.فالله يخليكم اللي تعرف عن وظايف حتى لو وظايف الخطوط حقت المضيفين لو اعرف متى تبدأ عشان يقدم فيها اكون شاكرة لكم.والله اللي تساعدني ادعيلها في صلاتي ربي يوفقها ويحققلها كل اللي في بالها .سوووري طولت عليكم

[الحــــنووونـــه]

الله يفرج همك حبيبتي باقرب وقت ^^

[عبدالله بن سليمان]

وظائف بجامعة الخرج

http://http://www.alriyadh.com/2010/...cle534202.html

[fare]

الله يفرج همك

[مس طفشانه]

الله يعينكم ويفتحها عليكم ...


تقديري ...

[redflower]

الله يفرجها عليكم يارب

[ماجستيرية 4]

مساء الخيرات
حابه اساعدك هذي رساله جتني على الجوال من فترة ومن وقتها تجيني يوميا رسائل وظائف رجاليه كثيره
بس ماعليكي الا ارسال رساله فراغه على الرقم 6331
دعواااااتك والله يسهلك الي فيه الخير

[عماد الحسن]

الله يعينكم أختي ويفرج أموركم


ولكم منا الدعاء بالتوفيق وصلاح الأمور، وجدة ماشاء الله مدينة كبيرة وتوجد وظائف كثيرة فيها وفي المدن من حولها، وبحول الله تتوفقوا لما يرضيكم وترتاحوا من الناس المزعجين الله يهيديهم.

[جرح الغلا]

لقيت وظايف كثير بالنت منها :

في مكة -
في تقديم في شركة بن لادن
الموقع في الشميسي مركز الايواء والوظايف المطلوبة كثيرة جدا والمتقدميين قليل جدا
وللمعلومية التقديم عند شخص اسمه علي السلمي صراحة رجل محترم جدا والله يوفقكم
ادعولي بالوظيفة والزواج من البنت اللي في بالي
التقديم في الشميسي وانت جاي من جدة الطريق السريع قبل ماتصل لنقطة التفتيش حقت الجوازات النقطة الكبيرة قبل ماتصل تقريبا ب200او300متر تشوف المشروع واضح على يدك اليمين


-----

المنطقة الشرقيه

شركة سفر و سياحة ~ الجنسين
بحاجة الى:

بائع تذاكر
موظف حجز
موظف طيران
أخصائي سفر وسياحة

المؤهلات المطلوبة:
الحد الأدنى شهادة الثانوية العامة
أو دبلوم في السياحة والسفر
مستوى جيد في اللغة الإنجليزية
القدرة على التفاعل مع العملاء
معرفة بأنظمة حجوزات الطيران
Sabre- World span- Amadeus
معرفة بأنظمة حجوزات الفنادق وشركات تأجير السيارات

رواتب مغرية وحوافز جيدة

يرجى إرسال السيرة الذاتية على البريد الإلكتروني:
atravel123@yahoo.com


----

اختي الاعلانات كثير على النت وما شاء الله عنده خبرة ولغة

بيلقى بس يحاول و الله معاكم يا رب

[عزتي بإيماني]

http://www.wadhefa.com/news/
افتحي هذا الرابط اتمنى يفيدك