ضابط ( هل بإلامكان مواصلة الدراسة بالجامعة )؟

[*ملازم*]

بسم الله الرحمن الرحيم
السلام عليكم و رحمة الله وبركاته ..

انا ضابط ( خريّج كلية الملك خالد العسكريّة - الحرس الوطني - برتبة مُلازِم )
حاصل على شهادة البكالوريوس العسكرية من الكليّة .

أسكن في مدينة جدّة .

أرغب وأنوي في إكمال الدراسة في جامعة الملك عبدالعزيز ( إنتساب ) .

-س : أريد أن اعرف مزايا ومتطلبّات الإنتساب وشروطه في الجامعة مع إمكانية معرفة الأقسام التي من المُمكن الإنتساب إليها .


-س: كيف تتم مُعادلة شهادتي العسكرية, وهل يتم طرح سنوات أو ( أترام ) من دراستي الانستاب في الجامعة إذا قمت بمعادلة شهادتي العسكرية ؟ وكيف هي الطريقة؟

* * و اذا عندكم أي معلومات أو نصائح أو توجيهات أخرى أدلوا بها هُنا * *

[مشاري الرياض]

المشاركة الأصلية كتبت بواسطة *ملازم* بسم الله الرحمن الرحيم السلام عليكم و رحمة الله وبركاته .. عليكم السلام والرحمه والبركه انا ضابط ( خريّج كلية الملك خالد العسكريّة - الحرس الوطني - برتبة مُلازِم ) حاصل على شهادة البكالوريوس العسكرية من الكليّة . أسكن في مدينة جدّة . أرغب وأنوي في إكمال الدراسة في جامعة الملك عبدالعزيز ( إنتساب ) . -س : أريد أن اعرف مزايا ومتطلبّات الإنتساب وشرروطه في الجامعة مع إمكانية معرفة الأقسام التي من المُمكن الإنتساب إليها . شيك على الرابط الاول بخصوص المتطلبات والاستفسارات .. http://www.skaau.com/vb/showthread.php?t=182457 اما بخصوص الاقسام .. شيك على الرابط http://www.skaau.com/vb/showthread.php?t=118189 -س: كيف تتم مُعادلة شهادتي العسكرية, وهل يتم طرح سنوات أو ( أترام ) من دراستي الانستاب في الجامعة إذا قمت بمعادلة شهادتي العسكرية ؟ وكيف هي الطريقة؟ بخصوص المعادله ولله ماعندي علم .... * * و اذا عندكم أي معلومات أو نصائح أو توجيهات أخرى أدلوا بها هُنا * *

بخصوص المعلومات .... ممكن تشوف المنتدى راح تستفيد منه كثير واي استفسار الكل حاضر لك ... بالتوفيق

[الغثيان]

اولا الف مبروك التخرج وان شاء الله حياة عملية ناجحة
ثانيا راح تدرس من جديد والتسجيل عن طريق موقع الجامعة وبعد القبول يرسلون لك رقم جامعي
وتسدد الرسوم 3000 ريال

[(CHELSEA)]

أخوي ( مشاري الرياض ) ما ازيد على كلامه لئنه كفى ووفى . أما بالنسبه للمعادله فتحسب بنظام الساعات للمواد اللي انت درستها في كلية الملك خالد مع المواد اللي راح تدرسها في الجامعه اذا كتب ربي لك فيها نصيب .
لكن على ما اعتقد ماراح يروح عليك شي كثير يعني ممكن يطيح منك ترم فقط , أنا ما اقصد تحطيمك او شي لكن لا تعتمد على كلامي 100% وهذا يرجع للمواد اللي انت درستها في الكليه .
وأتمنى لك التوفيق يالغالي ..

[a.private]

قدم ماجستير بجامعه نايف للعلوم الامنيه

[*ملازم*]

أشكركم جميعًا للاهتمام


و لكن هل جامعة نايف تقبل خريجي بكالوريوس العلوم العسكرية من كلية الحرس الوطني ؟

[SaaaM]

جامعة نايف تقبل لكن بشروط
وفي الغالب مواصلة الدراسه في الجامعه يكون بمنحه من الامير نايف

[abo-yazad]

أخوي في السابق كان الضابط إذا أخذ الجامعه يزود راتبه بمعدل 15% او 10% أما الآن فلا تنفع له أبد لا من ترقيات ولا من زياده راتب...

الأنتساب بالجامعه تصلح للأفراد وترقيهم...موفق يا ملازم

[wolf of najd]

كلام اخوي نواف صحيح كان الضابط في الحرس الوطني ياخذ علاوة على الراتب 10% اذا حصل على شهادة البكالوريوس اما الان اصبحت الشهادة بدون اي امتيازات مادية ونظاما لا يحق لك التسجيل في الجامعة الا بعد انهاء دوراتك الحتمية اللي هي التاسيسية والمتقدمة بعدها يسمح لك بالدراسة ===> بالعربي اذا انت لك طموح في ماستر وتفصل عقب ما تاخذ الشهادة شد حيلك ام اذا بكالوريوس توقف فتراها خساير على الفاضي ...

[handsom]

وعليكم السلام ورحمه الله وبركاته

حياك الله اخوي وعلى البركه التخرج

بالنسبه لمعادلة الشهاده مايعادلون لك الشهاده الا اذا بتدرس انتظام >> هالكلام قالوه لي قبلك > والان لي سنتين ادرس ولله الحمد .. يعني شهادة الكليه ماتنفعك في الجامعه .. تبدا من اول .

والاخ اللي يقول جامعه الامير نايف هذي تعتبر ماجستير علوم عسكريه ( اركان ) .. اكيد انت فاهم ..

بالنسبه للاخ اللي يقول الدورات التاسيسيه والمتقدمه شرط انك تكون مخلصهم .. غير صحيح مو شرط . والجامعه تطلب منك موافقه من العمل اذا تبي هالموافقه( تاخذها عن طريق الاداره عندك بالعمل ) اذا بتقدم عليهم سواء جبتها او ماجبتها مايهم مو ضروريه ..

وبالنسبه ان الشهاده ماتفيدك في الترقيات وبدل التاهيل الجامعي هالكلام صحيح .. بس انت عندك طموح والعلم ينفعك مايضرك .. وإن شاء الله تحصل فرصه تكمل ماجستير..

اسالتك الباقيه من المتطلبات والشروط والكليات الاخوان ماقصروا بس حبيت افيدك بالامور هذي بحكم نفس الحاله مريت فيها قبل كذا ..!
واي استفسار حاظر وتحت امرك :)

اخووك / نآيف